Sameiningin - 01.04.1945, Page 18

82
Stærð þessarar nýfundnu arkar, er nálega alveg hin
sama og Guð fyrirskipaði Nóa.
Þeir fáu hálf viltu fjallabúar, sem næst bjuggu stað
þeim, sem örkin fanst á, voru mjög tregir til að tala um
þetta forna skip, og því tregari til þess að koma nálægt
því. Óhreinar og undarlegar verur höfðu átt að sjást í
gegnum glugga þess og mönnum því hollast að halda sig í
sem mestri fjarlægð frá því.
Þessir fjallabúar gátu þó upplýst eitt atriði, sem jafn-
vel þeir af rannsóknarmönnunum er viljugastir voru til að
trúa, að skipið í hlíð Ararats fjallsins væri virkilega örkin
hans Nóa, sem bjargaði lífi manna, dýra og fugla á jörð-
inni, er reiði Guðs lét hið mikla vatnsflóð yfir hana ganga,
sökum illra verka, og hugsana mannanna, gátu ekki komist
framhjá, og það var: Hvernig gat skip, þó það væri byggt
úr ágætasta viði, sem til var, og bikað, bæði að innan og
utan, varist tímans tönn í 5000 ár?
Menn vita, að hurðir sem búnar eru til úr gófur eða
síprusviði geta enst í þúsund ár. En það eru engin dæmi
til þess að þær hafi enst í 5000 ár og jafnvel, þó örkin, eins
og nú á sér stað, sé innilukt í ís tíu mánuði úr árinu, þá
hefðu þeir tveir mánuðir, sem sól sumarsins nær til að þíða
klakann ofurlítið á þeim stað sem örkin er, nægt til þess,
að allt viðarverk væri fyrir löngu rotið og horfið. En
gamlir fjallabúar á þessum stöðvum sögðu að árið 1883 hefðu
komið geigvænlegir jarðskjálftar og þá hefðu stór stykki
brotnað úr ískrónu Ararat fjalls og oltið ofan fjallshlíðina,
og í einu slíku ísstykki hefði skip þetta verið, og hefðu
fjallabúar fundið það síðari part sumars, er þeir voru þar
á ferð, með öðrum orðum, er það lang sennilegast að örkin
hafi verið innilukt í ís svo að ekkert loft hafi að henni
komist, þar til nú í síðast liðin sextíu ár. Eftir að þessar
upplýsingar voru fengnar sannfærðist rannsóknarnefndin
um, að hún hefði fundið hina upphaflegu Nóaörk.
Síðar var sú niðurstaða studd með vitnisburði Erki-
djákna Nouri frá Jesúsalem og Babylon, sem er lærður
maður og víðförull. Eftir rannsóknir sínar meðfram hinu
söguríka Evfrat fljóti fór hann til Arrarat fjalls og fékk sér
leiðsögumenn til staðar þess, sem skipið er að finna á, skoð-
aði það nákvæmlega og eftir þá rannsókn sína mælti hann:
“Eg er sannfærður um að þetta er örkin hans Nóa”.
J. J. B., þýddi.