Sameiningin - 01.07.1922, Qupperneq 8

200
inni falið að halda enn áfram viðtali við fulltrúa utanfélagssafn-
aðanna meðan þing stæði. En nefndin skýrði frá því á þingi
síðar, að hún sæi eigi veg til þess, að leiða málið til lykta nú og
var því samþykt að kjósa nýja nefnd til að halda starfinu enn
áfram til næsta þings. Voru í nefnd þá kosnir: séra Sigurður
Ólafsson, séra Gutt. Guttormsson, séra Friðrik Hallgrímsson,
séra Kristinn K. Olafson, séra Björn B. Jónsson, Hon. G. B.
Björnsson og Dr. B. J. Brandson.
Skal nú með örfáum orðum minst á önnur mál .
Skólamálið.—Séra Rúnólfur Marteinsson hefir sagt af sér
skólastjóra-embætti; og var skólaráði falið að ráða sérá Hjört
Leó til þess að stýra skólanum næsta ár. All-mikill tekjuhalli
var áriS sem leið. Samkvæmt bending kirkjuþings, hefir skóla-
ráðið beðið séra R. Marteinsson að starfa á þessu ári um sex
mánaða skeið að fjársöfnun.
HeimatrúboS.—Aðal-atriði þess máls er að Framkvæmdar-
nefnd var falið að leita samninga við séra R. Marteinsson um
það, að hann taki að sér umsjón heimatrúboðsins og veiti prest-
lausum söfnuðum alla þá þjónustu, sem hann má.
Prestaskortnr.—-Samþykt að veita, ef á þarf að halda,
nemendum styrk til guðfræðináms.
Heiðingjatrúboð.—Tillög safnaða i þann sjóS mjög rýr á
liðnu ári. Fjárhagsnfend lagði til, að greiddir væri $800 til
þess starfs næsta ár, en þing samþykti sömu fjárhæð og síðast,
$1,200. Er trúboðinn væntanlegur heim að vori.
Útgáfumál.—Út á að gefa “fræðin” í litlu kveri til notk-
unar í sd.sk. o.s.frv. Ritstjóri “Sam.” hinn sami og verið hef-
ir síðast og aðstoðarritstjóri séra Kristinn K. Olafson. Sd.sk.
lexíur, er séra G. Guttormsson semur, eiga að koma í “Sam.”
Betel.—Stofnaður til styrktar gamalmennahælisins sjóður,
er nefnist “Minningarsjóður brautryðjenda”, eða Pathfinders’
Memorial Fund. Stofnandi hr. Stefán Eyjólfsson að Gardar,
með þúsund doll. gjöf. Sjóðurinn á að verða $10,000.
Ungmennastarf.—Kosin milliþinganefnd til að koma á alls-
herjar þingi til eflingar kristilegu ungmenna- og sunnudags-
skóla-starfi.
Trúmálafundir.—Mælt með fundahöMum um trúmál í
söfnuðunum og leiðbeiningar gefnar um tilhögun.