Fréttablaðið - 25.05.2011, Page 25

MIÐVIKUDAGUR 25. MAÍ 2011 5heilsa og hreyfi ng ● fréttablaðið ●
● BRJÓTTU UPP MATARMUNSTRIÐ Gengur illa að grennast á megrunarkúrum? Þá
er kominn tími til að taka á vandanum af skynsemi og endurmeta matarvenjurnar.
■ Haltu dagbók yfir allt sem þú borðar; hvenær þú borðaðir, hvernig þér leið þá stundina
og hvað þú varst að gera á meðan þú borðaðir. Skoðaðu dagbókina eftir nokkra daga og
leitaðu að mynstri í matarvenjum þínum.
■ Skrifaðu niður atriði eins og hversu hratt þú borðaðir, hversu mikið, hvort þú slepptir úr mál-
tíðum, hvenær þú borðaðir eftirrétt og hvenær þú borðaðir án þess að finna til hungurs.
■ Íhugaðu hvers vegna matarvenjur þínar eru eins og þær eru og skoðaðu hverju þú vilt
breyta.
■ Notaðu dagbókina til að uppgötva hvers vegna þú borðar án þess að finna til svengdar (er
það kannski til að slá á streitu, á meðan horft er á sjónvarpið eða vegna leiða?) og reyndu að
finna leið til að borða ekki undir kringumstæðum sem annars kalla á slæmar matarvenjur.
■ Haltu þig staðfastlega við nýjar matarvenjur og gerðu þér grein fyrir að góðir hlutir gerast
hægt.
● KOSTIRNIR ERU ÓTVÍ
RÆÐIR „Það eru til tvær týpur
af fólki. Þær sem hlaupa og þær
sem ættu að hlaupa,“ segir í
góðu spakmæli og er mikið til
í því. Kostir þess að hlaupa, þó
ekki sé nema nokkra kílómetra
á nokkurra daga fresti, felast
meðal annars í þyngdartapi og
jákvæðum áhrifum á hjarta- og
æðakerfi, bein, andlega líðan
og samhæfingu svo eitthvað sé
nefnt.
Hlaup er ein besta aðferðin
til að léttast og er sú íþrótta-
iðkun sem brennir hlutfallslega
flestum kaloríum á mínútu. Ekki
er því að undra þó í kringum
sextíu prósent þeirra sem byrja
að hlaupa geri það til að léttast.
Með því að hlaupa er auk
þess hægt að lækka blóðþrýst-
inginn umtalsvert og draga úr
líkum á hjartaáfalli
og blóðtappa. Þá
hefur verið sýnt
fram á að þeir
sem hlaupa
reglulega
geta
dregið
úr bein-
þynningu og
vöðvarýrnun sem
oft fylgir hækkandi
aldri auk þess sem
flestir hlaup-
arar upplifa minni
streitu en aðrir.
Þá hefur verið sýnt
fram á betri skaps-
muni og samhæfingu
hjá hlaupurum en
öðrum.
● HEIMAGERT KORNA
KREM Snyrtifræðingar mæla
margir hverjir með því að
nota kornakrem með reglu-
legu millibili en þannig má
fjarlægja dauðar húðfrum-
ur og jafnvel leifar af brúnku-
kremi og farða sem eiga það
til að festast í hársverðinum og
andlitsjaðrinum.
Ódýrasta leiðin er að blanda
saman sítrónusafa og sykri og
nudda blöndunni inn í andlitið
með léttum strokum. Hún er
svo fjarlægð með volgu vatni
og er gott að setja mýkjandi
rakakrem á húðina á eftir.