Fréttablaðið - 25.05.2011, Qupperneq 26

25. MAÍ 2011 MIÐVIKUDAGUR6 ● fréttablaðið ● heilsa og hreyfi ng
Landlæknisembættið stendur
um þessar mundir fyrir
rannsókn á heilbrigði og
líðan barna og unglinga. Þar
er heilsa barna og unglinga
metin í ljósi félagslegrar og
efnahagslegrar stöðu foreldra.
„Heilsa barna á Norðurlöndunum
er almennt talin mjög góð í
saman burði við önnur lönd. Það
útilokar hins vegar ekki að ýmis
vandamál séu til staðar,“ segir
Geir Gunn-
laugsson land-
læknir þegar
hann er inntur
eftir tilgangi
norrænnar
samanburð-
arrannsóknar
sem nú stend-
ur yfir. Rann-
sókninni er ætlað að kanna heil-
brigði og líðan barna og unglinga,
sérstaklega í ljósi félagslegrar og
efnahagslegrar stöðu foreldra.
„Þessi rannsókn nær yfir lang-
an tíma en sú fyrsta var gerð árið
1984, önnur árið 1996 og nú stend-
ur sú þriðja yfir,“ segir Geir og
telur athyglisvert að geta horft á
þróunina yfir árin, hvort þættir
sem ekki voru í lagi hafi batnað
og hvort heilbrigðisvandamálin
séu þau sömu eða hvort ný bætist
við.
Hann segir margt áhugavert
hafa komið í ljós í rannsókninni
árið 1996. Til dæmis hafi komið
fram að ójöfnuður var nokkur.
„Þeir sem voru í efnaminni fjöl-
skyldum sóttu síður þjónustu
lækna,“ segir Geir. Hann bend-
ir á að þessar rannsóknir séu
þær einu sem snerti ójöfnuð hjá
íslenskum börnum. „Niðurstöð-
ur rannsóknarinnar sem fram
fór 1996 voru síðan notaðar í
heilbrigðisáætlun fyrir 2000 til
2010,“ upplýsir hann og bendir á
að þekking sem verði til í slíkum
rannsóknum sé mikils virði fyrir
stefnumótun heilbrigðismála er
varða heilsu barna.
En er ástæða til að ætla að
ójöfnuður sé orðinn meiri í dag?
„Ég vil ekki gefa mér niðurstöðu
fyrir fram, en hins vegar hefur
samfélagið þurft að ganga í gegn-
um efnahagslegar þrengingar og
því er ekki útilokað að þrengt sé
að barnafjölskyldum,“ segir Geir,
sem gerir ráð fyrir að fyrstu nið-
urstaðanna sé að vænta í haust.
Það byggi þó á því að svörun
foreldra í rannsókninni verði góð.
„Spurningalistinn um heilsu-
far og aðstæður barna var
sendur til foreldra 3.200 barna
á aldrinum tveggja til sautján
ára. „Það er mjög mikilvægt að
fá sem besta svörun til að rann-
sóknin verði sem marktækust.
Þarna hafa foreldrar í raun tæki-
færi til að segja okkur hvað þeir
upplifa sem vandamál og fyrir
okkur að finna lausnir. Þannig
getum við unnið saman að því
að bæta þjónustu okkar við veik
börn.“ - sg
Góð þátttaka foreldra skiptir mestu
Geir Gunnlaugsson
landlæknir.
Með því að svara spurningalistanum fá foreldrar tækifæri til að segja landlækni hvað þeir upplifa sem vandamál. NORDICPHOTOS/GETTY
Soroptimistaklúbbur Reykja-
víkur stendur fyrir opnu golf-
móti kvenna laugardaginn 4. júní
í golfklúbbnum Oddi. Mótið er
haldið til styrktar sumarnám-
skeiðum fyrir unglinga með fötl-
un á einhverfurófi, en Soroptim-
istaklúbbur Reykjavíkur og Um-
sjónarfélag einhverfra standa
saman að verkefninu.
„Það voru engin sumarnám-
skeið í boði fyrir þennan hóp svo
þörfin var brýn. Við ákváðum því
á fimmtíu ára afmæli Soroptim-
istaklúbbs Reykjavíkur að styrkja
þetta verkefni og til þess að geta
gert það veglega héldum við opið
kvennagolfmót í fyrra,“ segir
Emilía Sigmarsdóttir, formað-
ur fjáröflunarnefndar Soroptim-
istaklúbbs Reykjavíkur, en öllum
ágóða mótsins verður varið til
styrktar námskeiðunum.
Mikil ánægja var með nám-
skeiðin í fyrra, bæði hjá þátttak-
endum og foreldrum, en Emilía
segir námskeiðin ekki síður ætluð
til að létta undir með þeim.
„Mörg þessara krakka voru
mikið föst heima við og vildu ekki
fara eitt né neitt. Á námskeiðun-
um eignuðust þau vini og þátt-
takan hvatti þau til að vera meira
á ferðinni sjálf,“ segir Emilía
og Sigrún Birgisdóttir, fram-
kvæmdastjóri Umsjónarfélags
einhverfra, tekur í sama streng.
„Námskeiðin eru byggð upp
líkt og önnur leikjanámskeið,
til dæmis er farið í sund, keilu
og klifur, en þau eru sérstak-
lega sniðin að þörfum einstak-
linga með fötlun á einhverfurófi.
Til dæmis er keypt í matinn og
skipst á að elda og hóparnir fara
allra sinna ferða í strætó innan-
bæjar. Það eflir krakkana til að
taka sjálf strætó þess utan,“ segir
Sigrún.
Þrjú námskeið voru haldin í
fyrra og er stefnt á að þau verði
jafnmörg í sumar eða fleiri.
Skráning á golfmótið fer fram á
www.golf.is en nánari upplýsingar
er að finna á www.soroptimist.is.
- rat
Golf fyrir unglingana
Brosmildar golfkonur sem styrktu námskeiðin með þátttöku sinni í fyrra.
MYND/GUÐRÚN HELGA GYLFADÓTTIR
ÍS
L
E
N
SK
A
S
IA
.IS
M
S
A
55
13
8
05
/1
1
100%
HÁGÆÐA
MYSUPRÓTEIN
WWW.MS.IS
NÚ EINNIG MEÐ KÓKOS OG SÚKKULAÐI
PRÓTEINDRYKKURINN SEM
ÍSLENDINGAR FÁ ALDREI NÓG AF
HLEðSLA ER KJÖRIN FYRIR ALLA ÞÁ SEM TREYSTA Á
HOLLA OG UPPBYGGILEGA NÆRINGU EFTIR GÓðA ÆFINGU,
LANGT HLAUP EðA MILLI MÁLA. ÞAð ER ENGIN TILVILJUN Að
HLEðSLA ER EINN VINSÆLASTI PRÓTEINDRYKKUR Á ÍSLANDI.
HENTAR VEL FÓLKI MEð MJÓLKURSYKURSÓÞOL.
MJÓLKURSAMSALAN