Fréttablaðið - 30.09.2011, Blaðsíða 2

30. september 2011 FÖSTUDAGUR2
LÖGREGLUMÁL „Koníaksbrúnu,
vönduðu leðursófasetti var stol-
ið frá okkur,“ segir Hans Unnþór
Ólason, formaður Stangveiði-
félags Hafnarfjarðar (SVH), sem
um helgina varð fyrir barðinu á
þjófum sem heimsóttu veiðihús
félagsins við Djúpavatn.
Ekki er lengra síðan en í fyrra
að öðru leðursófasetti var stolið
úr einu veiðihúsa Stangveiði-
félags Hafnarfjarðar. Það var
við Hlíðarvatn. „Það var notað,
flöskugrænt sófasett – alveg for-
ljótt. Ég hélt við værum örugg því
enginn myndi vilja grænt sófa-
sett en það var nú samt tekið,“
segir Vilborg Reynisdóttir, gjald-
keri félagsins og má glöggt heyra
að gjaldkeranum blöskrar smekk-
leysi þjófanna sem voru á ferð við
Hlíðarvatn í fyrra.
Sófasettið í veiðihúsinu við
Hlíðarvatn var keypt notað en
það sem var í Djúpavatni var
að sögn Hans keypt nýtt út úr
búð og það var dýrt jafnvel þótt
afsláttur hafi fengist. Veiðifélag-
ið fær engar tryggingarbætur
þar sem lykill fyrir veiðimenn er
geymdur við húsið. Alvanalegt er
að veiðihús séu ólæst á sumrin.
„Þetta er því tilfinnanlegt tjón
fyrir okkur,“ segir Hans.
Vilborg segir hrikalegt að
menn geti einfaldlega valsað
um og tekið hluti ófrjálsri hendi.
„Þeir hafa þurft að vera sterkir
og með stóran bíl. Þetta sófasett í
Djúpavatni var þannig að ég hélt
að það þyrfti að rífa húsið til að
koma því inn, það var svo stórt,“
segir hún.
Þjófnaðurinn úr húsinu við
Djúpavatn uppgötvaðist á þriðju-
dag þegar umsjónarmaður fór
til að ganga frá veiðihúsinu fyrir
veturinn. „Hann kom að opnum
svaladyrunum með gardínurn-
ar blaktandi út,“ segir Vilborg
sem kveður síðast vitað um
mannaferðir þar áður við húsið
á fimmtudaginn í síðustu viku.
Djúpavatn er vestan við Sveiflu-
háls á Reykjanesi.
Hans segir það nánast árvisst
að farið sé inn í veiðihús sem
ýmis félög eru með við Hlíðar-
vatn. „Þeir hafa jafnvel stolið
hnífaparabökkunum úr skúffun-
um og mjólkurglösum úr skáp-
unum. En það er langt síðan við
höfum lent í svona hremmingum
í Djúpavatni. Tvisvar sinnum var
húsið þó nánast tæmt. Þá voru
teknir ofnar, eldavélar og sófar
– allur pakkinn.“ gar@frettabladid.is
Hafnfirsku veiðifélagi
helst illa á sófasettum
Einu flöskugrænu og öðru koníaksbrúnu leðursófasetti var stolið úr húsum
Stangveiðifélags Hafnarfjarðar í sumar og fyrrasumar. Þjófar eiga greiðan
aðgang því lenska er að hafa veiðihús ólæst. Ekkert fæst því út úr tryggingum.
VIÐ DJÚPAVATN Einhvers staðar situr nú einhver í íburðarmiklu en illa fengnu ítölsku
sófasetti sem þar til um síðustu helgi var helsta stofustássið í húsi Stangveiðifélags
Hafnarfjarðar við Djúpavatn á Reykjanesi. MYND/HALLDÓR GUNNARSSON
Ég hélt við værum
örugg því enginn
myndi vilja grænt sófasett en
það var nú samt tekið.
VILBORG REYNISDÓTTIR
GJALDKERI SVH
Brynjar, er þetta ekki bara ein-
hver framtíðarmúsík?
„Nei, þetta er tækjaóður.“
Plötursnúðurinn Brynjar Már, sem jafn-
framt er þekktur sem tónlistarmaður
og útvarpsmaður, ætlar að láta draum
sinn rætast á skemmtistaðnum Oliver í
kvöld og frumsýna Emulator, splunkunýja
dj-græju sem virðist sem klippt út úr
framtíðarmynd.
VÍSINDI Vísindamenn hafa í fyrsta
skipti náð myndskeiði sem sýnir
hvernig fiskar geta notað verk-
færi. Þar má sjá smávaxinn gul-
deplóttan fisk af ættkvíslinni
choerodon sem lætur ostruskel
ítrekað falla á stein til að komast
í innihaldið.
„Myndskeiðið er mjög áhuga-
vert. Fiskurinn grefur upp ostru-
skelina og syndir með hana í tals-
verðan tíma þar til hann finnur
hentugan stein til að brjóta skel-
ina,“ segir Giacomo Bernardi,
prófessor við Kaliforníuháskóla í
Bandaríkjunum.
Myndskeiðið var tekið við eyj-
una Palau í Kyrrahafinu. Vitað er
að aðrar dýrategundir nota steina
með svipuðum hætti. - bj
Merkileg hegðun mynduð:
Litlir fiskar
nota verkfæri
LÖGREGLUMÁL Fangi sem hefur
setið inni í nokkur ár er grunað-
ur um að hafa nauðgað samfanga
sínum á Litla-Hrauni. Maður-
inn hlaut á sínum tíma fjórtán
ára fangelsisdóm. Greint var frá
þessu í kvöldfréttum RÚV.
Maðurinn er grunaður um að
hafa byrlað samfanga sínum
ólyfjan og nauðgað honum.
Maður inn hefur tvívegis verið
sakaður um að hafa nauðgað
samföngum sínum.
Fimm mánuðum eftir að
grunur inn vaknaði var maður-
inn fluttur í fangelsið á Akureyri.
Málið er í rannsókn. - sv
Talinn hafa byrlað ólyfjan:
Fangi grunaður
um nauðgun
ÞÝSKALAND Þýska þingið sam-
þykkti í gærmorgun hlutdeild
Þýskalands í stækkun neyðar-
sjóðs Evrópusambandsins, sem
á að styrkja stöðugleika evrunn-
ar með því að koma nauðstöddum
evruríkjum til hjálpar.
Frumvarpið var samþykkt
með yfirgnæfandi meirihluta
flestra þingmanna stjórnarflokk-
anna og stjórnarandstöðunnar, að
undan skildum Vinstriflokknum.
Stjórnin hafði hins vegar fyrir-
fram lýst því yfir að henni væri
varla sætt áfram nema atkvæði
stjórnarþingmanna einna myndu
duga til meirihlutaafgreiðslu
frumvarpsins. Alls greiddu 315
þingmenn stjórnarflokkanna
tveggja frumvarpinu atkvæði sitt,
en á þinginu sitja 620 þingmenn
þannig að stjórnin rétt stóðst þetta
próf.
Stöðugleikasjóðurinn verður
stækkaður úr 440 milljörðum
evra í 780 milljarða, sem eykur
lánagetu sjóðsins til nauðstaddra
ríkja úr 250 milljörðum evra í 440
milljarða. Stærstur hluti framlaga
evruríkjanna til sjóðsins kemur
frá Þýskalandi og verður hlutur
Þjóðverja nú aukinn úr 123 millj-
örðum í 211 milljarða.
Jafnframt þessu samþykkti
þýska þingið, að sjóðurinn mætti
ekki taka á sig neinar nýjar skuld-
bindingar án fyrir fram sam-
þykkis frá þýska þinginu. Þar
með hefur þýska þingið úthlutað
sjálfu sér neitunarvaldi um frek-
ari björgunaraðgerðir til handa
Grikklandi, sem nú þegar eru í
bígerð.
Ellefu evruríkjanna sautján
hafa þá samþykkt stækkun sjóðs-
ins, en öll verða þau að gefa sam-
þykki sitt áður en stækkunin
kemur til framkvæmda. - gb
Yfirgnæfandi þingmeirihluti í Þýskalandi samþykkti stækkun neyðarsjóðs ESB:
Þjóðverjar ætla að vera með
ANDAR LÉTTAR Angela Merkel Þýska-
landskanslari í hópi félaga sinna á þýska
þinginu. NORDICPHOTOS/AFP
KJARAMÁL Á fjórða hundrað lögreglumanna
gengu fylktu liði frá lögreglustöðinni við
Hverfisgötu að fjármálaráðuneytinu um
miðjan dag í gær. Með þessari samstöðu-
göngu vildu þeir undirstrika óánægju sína
með niðurstöðu gerðardóms um kjaramál
lögreglumanna.
„Það er rík krafa innan hópsins um að fá
aftur verkfallsréttinn,“ segir Steinar Adolfs-
son, framkvæmdastjóri Landssambands
lögreglumanna. Hann segir það vopn þó bit-
lausara í höndum lögreglumanna en annarra
hópa þar sem alltaf sé hægt að skikka stóran
hluta þeirra til að vinna þrátt fyrir verkfall.
Forsvarsmenn landssambandsins áttu
fund með Steingrími J. Sigfússyni fjármála-
ráðherra, ráðuneytisstjórum þriggja ráðu-
neyta og samninganefnd ríkisins í fjármála-
ráðuneytinu í gær. Niðurstaða fundarins var
að skipa vinnuhóp sem hefur það verkefni
að tryggja viðunandi niðurstöðu um laun
lögreglu manna.
„Við megum engan tíma missa, það skiptir
okkur miklu að þetta gangi hratt fyrir
sig,“ segir Steinar. Vinnuhópurinn fundar í
fyrsta skipti klukkan 13 í dag. Steinar óttast
atgervis flótta úr stéttinni haldi fram sem
horfir. „Ég er ekki í nokkrum vafa um að
ef ekki tekst að ná ásættanlegri niðurstöðu
munu þeir lögreglumenn sem eiga þess kost
að fara í önnur störf á næstunni gera það.“
- bj
Á fjórða hundrað lögreglumanna fóru í samstöðugöngu að fjármálaráðuneytinu til að sýna óánægju sína:
Rík krafa lögreglumanna að fá verkfallsrétt
SAMSTAÐA Lögreglumenn lögðu áherslu á kröfur sínar
um leiðréttingu á launakjörum með kröfugöngu að
fjármálaráðuneytinu í gær. FRÉTTABLAÐIÐ/VILHELM
STJÓRNMÁL Taka ætti kvótafrum-
varp sjávarútvegsráðherra til
gagngerrar endurskoðunar áður
en það verður lagt fram að nýju að
mati formanns og varaformanns
sjávarútvegsnefndar, að því er
fram kom í fréttum RÚV. Þeir
eru þingmenn Vinstri grænna og
Samfylkingarinnar.
Lilja Rafney Magnúsdóttir, for-
maður nefndarinnar, og varafor-
maðurinn Ólína Þorvarðar dóttir
leggja til talsverðar breytingar á
frumvarpinu í greinargerð sem
þær sendu sjávarútvegsráðherra
í gær. Frumvarpið hefur verið
afar umdeilt, og hafa flestir sem
veittu umsögn um það viljað gera
umtalsverðar breytingar á því. - bj
Tveir stjórnarþingmenn ósáttir:
Vilja skrifa nýtt
kvótafrumvarp
FASTEIGNIR Útlit er fyrir skort á
litlum og ódýrum íbúðum eftir tvö
ár, að mati Davíðs Stefánssonar,
sérfræðings hjá greiningardeild
Arion banka.
Í erindi sem hann hélt í gær
sagði hann að í venjulegu árferði
vanti um 1.400 íbúðir á ári. Síðast-
liðin tvö ár hafi nýbyggingar
verið svo gott sem engar og aðeins
byggðar 186 íbúðir á ári.
„Það er lítill hvati til að byggja,“
sagði Davíð og lagði áherslu á að
byggingakostnaður hefði rokið upp
úr öllu valdi á sama tíma og veru-
lega hefði dregið úr framlegð bygg-
ingaverktaka. Davíð taldi líkur á að
þegar kostnaður lækkaði myndu
nýbyggingar taka kipp. - jab
Um 186 íbúðir byggðar á ári:
Útlit fyrir skort
STAÐAN Davíð Stefánsson segir að
búast megi við lítils háttar hækkun á
fasteignaverði. FRÉTTABLAÐIÐ/STEFÁN
IPhone 5 væntanlegur
Talið er að Apple muni kynna næstu
týpu IPhone símans vinsæla á
þriðjudaginn næstkomandi. Miklar
umræður hafa skapast um hverjar
nýjungarnar verði en talið er að
miklar breytingar séu í vændum.
TÆKNI
SPURNING DAGSINS