Íslendingur - 26.03.1947, Blaðsíða 8

„íslendingur" kemur út á hverj-
t/í'ii miðvikudagi. 8 síður, on
kostar aðeins 15 krónur órgang-
urinn. „íslendingur" er því hlut-
fallslega langódýrasfa blaðið ó
Norðurlandi.
Miðvikudagur 26. marz 1947
AUGLÝSENDUR ATHUGID!
Vegna stórauklnnar sötu blaðs-
ins borgar sig æ betur að oug-
lýsa í því. Munið oð koma aug-
lýsingum til afgreiðslu blaðsins
fyrir hódegi ó þriðjudaga.
Lög um bæjarstjórn í Ólafsfirði,
voru samþykkt af Alþingi 31. okt.
1944, og öðluðust þau gildi 1. jan.
1945. Þessi bæjarréttindi töldu Ólafs-
firðingar. sér nauðsynleg, svo að
hægt væri að koma sem fyrst fram
þeim aðkallandi umbóta- og fram-
faramálum, er þeir töldu, að framtíð
byggðarlagsins ylti á.
Á þeim þremur til fjórum árum,
sem liðin eru, síðan Ólafsfirðingar
hófu þær framkvæmdir, er urðu þess
valdandi að þeir öðluðust bæjarrétt-
indi, má segja að orðið hafi stórstíg-
ar framkvæmdir, ef miðað er við
stærð staðarins rúml. 900 manns.
Hafnarbætur.
Stærsta framtak Ólafsfirðinga eru
hafnarbætur, og telja þeir, að þær
séu undirstaða alls annars, og að
framtíð byggðarlagsins velti fyrst og
fremst á því, hversu tekst til um þær.
Á hafnarbótum þessum var byrjað
árið 1944. Eru það tveir garðar, sem
byggðir eru fram, annar norðan við
núverandi bryggju og gengur til
vesturs, og er það aðal varnargarð-
urinn, en hinn garðurinn er byggð-
ur all langt fyrir vestan bryggjuna
og gengur til norðurs. Þegar garðar
þessir eru komnir lengd sína fram,
mynda þeir mjótt innsiglingarop.
Lengd garðanna er nú orðin 150 og
200 metrar, og mun rúmlega 1/3
vanta á fulla lengd hvors þeirra. í
sumar sem leið var norðurgarður
lengdur um 70 metra. Þá var í sam-
bandi við hafnargerðina hafin bygg-
ing á síldarsöltunarplani, sem orðið
getur allt að 3000 ferm. stórt.
S. 1. haust var hafin bygging á
niðursuðuverksmiðju, stærð hennar
er fyrirhuguð 840 ferm. tvær hæðir.
Gert er ráð fyrir, að í verksmiðju
þessari verði framkvæmd niðursuða
á ýmis konar fiski, niðurlagning síld-
ar o. fl., sem ætla má að hagkvæmt
verði hverju sinni. Stendur bærinn
fyrir byggingu verksmiðjunnar og
hyggst reka hana. Áætlanir og undir-
búning varðandi stærð og fyrirkomu
lag hefir dr. Jakob Sigurðsson gert
og Nýbyggingarráð samþykkt það
og mælt með byggingunni.
Útgerðin vex.
Á s. 1, ári fengu Ólafsfirðingar
þrjá nýja fiskibáta, tvo 50 tonna,
smíðaða í Svíþjóð að tilhlutan ríkis-
•tjórnarinnar, og einn 60 tonna, er
•míðaður var í skipasmíðastöð KEA
á Akureyri. Líka bátar þessir vel.
Seint á s. 1. ári tók til starfa neta-
verkstæði í Ólafsfirði, sem nokkrir.
netagerðarmenn og útgerðarmenn
byggðu. Er það all stórt hús og híð
vandaðasta að sjá. Mun það verða
mikið hagræði fyrir útgerðina að
hafa þetta verkstæði á staðnum, og
auk þess veitir það töluverða atvinnu.
Þrjú s. 1, ár hafa verið byggð all
Atvimiumál oy frarn-
kvæmdír f ÓlafsflrOi.
mörg íbúðarhús, árið 1945 voru 10
hús byggð, s. 1. ár voru 7 hús full-
gerð. Þá eru nú í smíðum 10 íbúðir
á vegum Byggingarfélags verka-
manna.
Stærsta húsbyggingin sem í smíð-
um er, er barnaskólahús. Er skóla-
hús þetta 460 ferm. stórt, tvær hæð-
ir, auk leikfimihúss 140 ferm. að
stærð. Eru þarna fyrirhugaðar 6
kennslustofur, sem rúma um 180
börn, kennslueldhús, smíðastofa,
handavinnustofa, herbergi fyrir
skólastjóra og kennara, búningsher-
bergi drengja og stúlkna, hreinlætis-
herbergi, íbúð ætluð umsjónarmanni,
rúmgóðir gangar og geymslur. Er
þess vænzt, að þarna geti auk barna-
skóla, verið iðnskóli og gagnfræða-
skóli.
Fleiri byggingar eru í smíðum,
svo sem nýtízku kjöt- og mjólkur-
búð, sem útibú KEA er að láta
tyggja-
Árið 1945 var stofnað hlutafélag,
sem hefir það markmið að koma upp
samkomuhúsi og hóteli, sem fullnægi
þörfum bæjarins í þeim efnum, auk
þess eiga skrifstofur bæjarins að vera
í þeirri byggingu. Að þessu stóðu
svo til öll félög bæjarins, bærinn og
fjölmargir einstaklingar. Var lítil-
lega byrjað á framkvæmdum, en
þegar dýrtíðin óx, og þó einkum
vegna þess, að allt kapp'var lagt á að
koma upp skólahúsi, var þessu sleg-
ið á frest, en keypt gamalt samkomu-
hús og það endurbætt og fengnar í
það kvikmyndavélar. Vissulega er
þó þörfin aðkallandi fyrir samkomu-
hús og ekki síður hótel, eins og víðar
mun vera. Mætti ætla, að ekki gleymd
ist það hjá stjórnendum landsins að
stuðla að slíkum byggingum, með
því að veita til þeirra styrki og hag-
kvæm lán.
Vegamál.
Á s. 1. ári var haldið áfram að
leggja veg frá Ólafsfirði og yfir í
Fljót. Því miður sóttist þessi vega-
lagning seinna en vonir stóðu til,
emkum Fljótamegin. Mun þar mestu
hafa valdið vöntun á sæmilegum
vinnslutækjum. Erfitt var og að
skilja þá ráðstöfun, að þegar hausta
tók, var vinnuflokkurinn í Stífíu íek-
inn í burtu og færður að Siglufjarð-
arskarðL Það raunalegasta við þá
ráðstöfun var þó, að eftir það var
ekkert unnið á hvorugum staðnum,
því að tíð spilltist, svo að ekki þótti
fært að vinna lengur við Siglufjarð-
arveginn, og upplausn komst í vinnu-
flokkinn á Lágheiði og hann hætti
og hóf ekki vinnu aftur, þótt tíð væri
svo góð allt til jóla, að vel væri þar
vinnandi. Ólafsfirðingar og Fljóla-
menn töpuðu því bæði atvinnu og
nauðsynlegum samgöngubótum, enn
um nokkurn tíma. Vonandi verður
svo úr þessu bætt í sumar, að vegur-
inn komist nú alla leið, og ár þær,
sem á leiðinni eru, verði brúaðar.
Nýsköpun.
Þegar núverandi bæjarstjórn í Ól-
afsfirði tók við, gerði hún með sér
rnálefnasamning, sem var grundvall-
aður á stefnu þáverandi ríkisstjórn-
ar, og var þar í stórum dráttum
samþ. 4 ára áætlun varðandi fram-
kvæmdir á atvinnu- og menningar-
málum byggðarlagsins. Áherzla var
lögð á, að reynt yrði eftir megni að
láta fjárhagsáætlanir standast. Sér-
stök áherzla var lögð ó það að haga
framkvæmdum þannig, að sem mest
öryggi fengist fyrir atvinnu handa
íbúunum, og skyldi það fyrst og
fremst tryggt með því að stitðla að
auknum atvinnurekstri.
Hingað til hefir bæjarstjórn verið
samhent um að vinna að framgangi
þessarar áætlana sinna, og látið per-
sónulegar og pólitískar erjur alger-
lega niður falla. Með fullu samkoinu-
lagi milli bæjarstjórnar og Verklýðs-
og sjómannafél. Ól., fengu verka-
menn kaup sitt hækkað í sumar til
samræmis við aðra staði. Því miður
er enn mikið atvinnuleysi í Ólafs-
firði yfir vetrarmánuðina. Vænta
má, ef niðursuðuverksm. kemst upp,
að mikil atvinna skapist við það, og
víst má telja, að útgerð eykst strax
og betri hafnarskilyrði eru fyrir
hendi. Þó mun útgerð mikið byggj-
ast á því, að hér verði reist síldar-
verksmiðja. Á s. I. ári skrifaði bæjar-
stjórn stjórn síldarverksmiðja ríkis-
ins og benti á þetta og óskaði eftir
athugun hennar á möguleikum fyrii
því, að hér yrði byggð lítil verk
smiðja, og var þess vænzt, að nefnd
in kæmi til Ólafsfj arðar til að at
huga þetta. Því miður hefir síldar
verksmiðjustjórnin ekki látið svo
lítið að svara þessu, er fróðlegt að
vita, hvert hin nýkjörna stjórn telur
sig hafa sama rétt og hin til þess að
virða ekki Ólafsfirðinga svars.
Þótt framkvæmdir í Ólafsfirði, hin
síðari ár séu smáar í samanburði við
framkvæmdir stærri staða, munu þær
hlutfallslega reynast all verulegar. Og
Ólafsfirðingar hafa þurft að leggja
mikið á sig til að framkvæma þær.
Erfitt hefir verið að fá fullnægjandi
lán til þeirra og hafa þær orðið þús-
undum króna dýrari af þeim orsök-
um. Vonandi verður það að ráði hjá
hinni nýju ríkisstjórn, sem hagfræð-
ingarnir hafa bent á, að skipuleggja
betur en verið hefir framkvæmdir
hinna ýmsu staða, og þá viðkomandi
byggðarlögum og einstaklingum gef-
inn kostur ó peningum til fram-
kvæmdanna.
Ólafsfirðingar eru yfirleitt ánægð-
ir með þær framkvæmdir, er þeir
hafa gert s. 1. ár, og þeir trúa ekki
síður nú á framtíð síns byggðarlags,
og þeim finnst, að það nærri séu þeir
*nú því takmarki, að geta skapað sér
menningar- og atvinnulegt öryggi,
að þeir þykjast eygja það. En mikið
veltur nú á því, hversu hinni nýju
ríkisstjórn tekst að veita þeim þær
aðstæður, að þeir geti fullkomnað
sína nýsköpun.
Ólafsfirðingar þrá skjótar aðgerð-
ir ríkisstjórnar og Alþingis, svo að
unnt verði að halda áfram þeirri riý-
sköpun, er fv. stjórn hvarf frá. Þeim
mun flestum ljúfara að sjá fram-
kvæmdir í þeim efnum, og rökskrif
dagblaðahna um vandamál þjóðar-
innar, en lúalega illmælgi og róg-
burð, sem undanfarið hefir fyllt
dálka Tímans og Dags, í garð fv.
ríkisstjórnar og þá fyrst og fremst
hins mikla framfarafrömuðar, Ólafs
Thórs, fv. forsætisráðherra.
Asgrímur Hartmannsson.
RÚSÍNUR
KARTÖFLUMJÖLl
Vömhúsið h.f.
SjðmeoD
Höfum fengið
SÍÐSTAKKA
úr gúmmí og léreffi
Vömhúsið h.f.

I. O. O. F. — 1283288% — Atkv. —
Akureyrarkirkja. Kl. 11 f. h. barnaguðs-
þjónusta. Kl. 5 e. h. messa: Ólafur Ólafs-
son, kristniboði prédikar. í messulok verð-
ur tekið á móti samskotum til kristniboðs-
ins.
Messur í Mölhuvallaklaustursprestakalli.
Pálmasunnudag kl. 2, Skjaldarvík. Föstu-
daginn langa kl. 1, Bakka. Páskadag kl. 1,
Möðruvöllum og kl. 4, Glœsibœ. Annan í
páskum kl. 1, Bœgisá. — Messa á skírdag
auglýst síðar.
Skágjirðingam'ót verður Jialdið að Hótel
Norðurlandi næstkomandi laugardagskvöld.
Góð skemmtiatriði. Aðgöngumiðar verða
seldir í verzlun London og Vöruhúsi Ak-
Ureyrar á fimmtudag og föstudag. Þar
liggur og frami listi og geta þeir, sem
vilja gerast meðiimir í hinu nýstofnaða
Skagfirðingafélagi hér ritað nöfn sín þár
á og greitt árgjaldið.
Ævisaga Lárusar J. Rist, sundkennara,
„Synda eðn sökkva“, er nýkomin í hóka-
verzlanir hér. Bók þessi er hin vandaðasta
að öjltlm frágangi og hin myndarlegasta.
Útgefandi bókarinnar er Sigurjón L. Rist.
Ritdómur um bókina mun birtast hér í
biaðinu síðar.
Kvenfélagið „Hlíf“ hefir vinnufund að
Hótel KEA n. k. fimmtudagskvöld kl. 8,30.
Frá starfinu í Zíon. Samkomur kl. 8.30
síðdegis þrjá daga í viku: Miðvikudaga,
föstudaga og sunnudaga.
Kvikmyndasýning laugard. kl. 8,30 síð-
degis, en sérstök barnasýning kl. 6. —
Sunnudagaskóli kl. 10,30.
Ólafur Ólafsson.
Hjálprœðisherinn. Föstud. 28. marz kl.
6: Barnasatnkoma. Kl. 8,30: Opinber sam-
koma, ein- og tvísöngur. Sunnud. 30. marz
kl. 11: Helgunarsamkoma. Kl. 2: Sunnu-
dagaskóli. Kl. 6: Barnasamkoma. Kl. 8,30:
Hjálpræðissamkoma. Foringjar og hermenn
taka þátt í samkomunum. Allir velkomnir!
NÝKOMIÐ:
Hrísgrjón
Laukur
Hænsnafóður
Verzlun Björns Grímssonar
Sími 256.
tösssssssaösssssssssassíssassíssssssasssssssss&sst
VERZLUNAKPLÁSS
í húsi voru í Gránufélagsgötu 4 er til leigu frá
næstu mánaðamótum. Búðin er með nýtízku
innréttingu fyrir matvöruverzlun rúmgóðri
geymslu og snyrtingu.
P.rentsmiðja Björns Jónssonar h.f.
Gránufélagsgötu 4 — Sími 24.