Faxi - 11.05.1947, Blaðsíða 1
6. tbl. 7. ár.
MARGEIR JÓNSSON:
Að þessu sinni voru allir bátar hér syðra
hættir róðrum á lokadag 11. maí. Þessi
vertíð reyndist undir meðallagi hvað afla
snertir, en gæftir hinsvegar betri heldur
en undanfarnar vertíðir. Til marks um það
fór m;b. Mummi frá Garði 53 róðra
óslitið, og er það róðramet hér á Suður-
nesj um.
Utgerðarkostnaður er mun hærri en
nokkru sinni fyrr, eins og fyrir var sagt í
byrjun vertíðar, og reyndist það verð, sem
lagt hefur verið til grundvallar á fiski of
lágt miðað við hinn mikla tilkostnað.
Var beitukostnaðurinn einna mestur, t.
d. fór aflahæsti báturinn, m.b. Mummi
frá Garði, með kr. 100.000,00 í beitu á
vertíðinni. Enn sem komið er, eru öll
hrogn óseld, og engin vissa er fyrir, hvort
þau seljast nokkurntíma. Var og minni
áherzla lögð á að nýta þau en undanfarin
ár, a. m. k. í sumum verstöðvum hér
syðra. I þessu sambandi má þó geta þess,
að allur beinaúrgangur var nýttur til hins
ýtrasta, og mun hið nýja fyrirtæki „Fisk-
iðjan h. f.“ hafa malað um 5 þús. tonn af
blautum beinum, og er talið að verðmæti
þess í erlendum gjaldeyri sé um ein
milljón krónur.
Hæstan afla af Keflavíkurbátunum
hafði m.br Keflvíkingur, skipstjóri Val-
garð Þorkelsson. Aflaði hann 1480 skipp.
í 90 róðrum. Hásetahlutur á honum, utan
lifur, varð kr. 14.712,97. Næstur honum
var m.b. Olafur Magnússon, skipstjóri
Albert Olafsson. Afli hans var 1145 skipp.
í 83 róðrum. Þriðji báturinn var m.b. Guð-
finnur, skipstjóri Guðmundur Guðfinns-
son með 1130 skipp. í 83 róðrum.
Útgefandi: Málfundafélagið Faxi, Keflavík
í Sandgerði var m.b. Mummi, skipstjóri
Garðar Guðmundsson, hæstur, með 1590
skippund í 103 róðrum. Hásetahlutur á
honum, utan lifur var kr. 15.470,00. Næstur
honum var m.b. Fáxi, Garði, skipstjóri
Þorsteinn Þórðarson, með við 1500 skipp.
Þriðji bátur þar, m. b. Víkingur úr Kefla-
vík, skipstjóri Haraldur Kristjánsson. Afl-
aði hann 1412 skippund.
Eins og aflaskýrslan hér að neðan ber
með sér ,eru mjög margir af bátunum með
miklu lægri afla á vertíðinni, og er því
ekki varlegt, að miða afkomu útgerðar-
innar í heild, og þeirra sem að henni vinna,
sjómanna og landmanna, við afla þessara
hæstu báta, sem hér eru nefndir. Væri
æskilegt, að sem flestir útgerðarmenn
legðu fram rekstursreikning frá þessari
vertíð fyrir næsta fund Landssambands
ísl. útvegsmanna, til þess að hægt væri að
fá sem gleggst yfirlit yfir rekstur útgerð-
arinnar, og þar með sanna, hvort verð
það, sem tryggt var sé í samræmi við
afkomumöguleika bátaútvegsins.
Hér að neðan er endanlegt yfirlit vfir
lifrarmagn bátanna og róðrarfjölda:
R L
Guðfinnur ................. 83 41055
Keflvíkingur............... 90 53651
Heimir .................... 83 37419
Hilmir .................... 83 39317
Ólafur Magnússon 83 41335
Bjarni Ólafsson............ 83 35170
Vísir ..................... 77 37069
Andvari ................... 81 38635
Svanur .................... 61 33312
Jón Guðmundsson 11 4350
Lokadagur 1947
Garðar Guðmundsson
Valgarður Þorsteinsson
Skálafell 83 40085
Fróði 86 32228
Bragi 79 30350
Anna 47 16790
Dux 79 34761
Freyja 20 4824
Gylfi 55 20237
Nonni 70 33031
Vertíðarlok