Faxi - 01.12.1956, Síða 13

F A X I
125
voru ekki æfðar raddir, en börnin sungu
einraddað og fylgdust með nótum, er hvert
barn hafði.
A einum stað hlýddum við á kennslu í
landafræði. Þar sögðu börnin sjálfstætt frá
undir leiðsögn kennarans og sýndu sum
mikinn þroska og leikni í frásögn.
A meðan við skoðuðum skólann höfðu
nokkrir félaganna skoðað Fordbflaverk-
smiðju, þar sem bílar voru settir saman.
Fylgdtist þeir með samsetningu bíls frá
því að grindinni var komið fyrir á færi-
bandinu og þar til að bílnum fullgerðum
var ekið út og hann prófaður. Tók þetta
tvær klukkustundir, en á þeim tíma höfðu
rúmlega 100 bílar runnið fullbúnir út af
færibandinu. Eru þarna settir saman 450—
460 bílar á dag, 51 á klukkustund.
Um 1700 manns vinna þarna og er
verkaskipting mikil. Hver hefur sitt á-
kveðna verk að vinna, einn skrúfar felgu-
rærnar á annað afturhjólið, annar á fram-
hjólið o. s. frv.
I þcssari verksmiðju er búið til gler í
bílana, nema bognu rúðurnar. Er glerið
búið til úr efni, sem er í námu undir verk-
smiðjunni og hafa þar verið grafin 4 mílna
löng göng undir yfirborði jarðar.
Eftir bádegið skoðuðum við banka, sem
heitir Federal-Reserve Bank. Er það við-
skiptabanki milli ríkisins og annarra
banka. Þarna var mjög fróðlegt að koma,
en þó hefði verið gagnlegra að eiga eitt-
hvað af þeim verðmætum, sem þarna voru
geymd. Var okkur sagt að þarna væru 2
billjónir dollara í verðbréfum og 500 mill.
dollara í mynt og seðlum. Þarna sáum við
vélar, sem töldu seðlana. Varðmenn eru
þarna víða f bankanum vopnaðir skamm-
byssum og speglar eru víða svo auðveld-
ara sé að fylgjast með umferðinni.
Verið var að stækka bankahúsið og
byggja ofan á það. Gafst okkur þarna
tækifæri til þess að sjá hvernig unnið er
að slfkum byggingum.
I Sant Poul, sem er systraborg Minnea-
polis, heimsóttum við fyrirtæki, sem heitir
Brown & Bigelow. Framleiðir það alls-
konar gripi, er fyrirtæki gefa í auglýsinga-
skyni. Þar eru búin til almanök. Þarna var
prentvél, sem kostaði 1 millj. dollara, eða
um 17 millj. ísl. króna. Þessi prentvél get-
ur prentað 8 liti samtímis. Horfðum við á
er almanök voru prentuð í bókarformi og
litprentuð. Skilaði vélin þeim samanbrotn-
um og taldi þau, 25 í hlaða. Er þetta talið
stærstia fyrirtæki sinnar tegundar í heimi
eða sem býr til almanök.
Vinna þarna um 2000 manns auk skrif-
stofumanna og sölumanna, sem eru um
500. Auk þess vinna um 900 manns hjá
þessu sama fyrirtæki í Minneapolis.
Við borðuðum miðdegisverð í boði fyrir-
tækisins. Var það einhver sá bezti matur,
er ég borðaði á ferðalaginu. En aðalmatur-
inn var steykt gedda. Hefur fyrirtækið
mötuneyti fyrir starfsfólk sitt eins og mjög
tíðkast við stærri verksmiðjur og getur
starfsfólkið fengið þar fæði að sínum
smékk og með sanngjörnu verði.
Er við kvöddum vorum við leystir út
með gjöfum. Var það smekklegur vindla-
kveikjari og vasabók.
Minneapolis og St. Paul eru „tvíbura-
borgir“, sem standa sín hvoru megin við
Mississippifljót, og er hin síðar nefnda höf-
uðborg Minnesotaríkis.
Talið er að Minnesota sé það ríkið í
Bandaríkjunum, sem norrænna áhrifa gæti
hvað mest. Svíar, Norðmenn, Danir og ís-
lendingar eru hér fjölmennir.
Landið var áður skógivaxið vatnaland
og oft nefnt „þúsundvatnalandið". Nú
hafa skógarnir verið höggnir og landið
ræktað.
Nú var dvöl okkar að verða lokið í
Minneapolis og var nú ferðinni heitið til
hinnar frægu Chicagoborgar.
Framhald.
Leiðrétting.
I síðustu grein minni gat ég þess, að séra
Olafi Skúlasyni hafi verið gefinn bíllinn, sem
við ókum í til Mountain, þetta mun vera mis-
skilningur hjá mér og leiðréttist það hér með.
000<0<0<Í000<0<0<0<Í0<00000000000<00<00000<0<i0000<0<0000000<i0<i0<i0<00<^i>000<Í0000<000<000000000000
við lestur
\ góðra bóka
00000000<<>0000<&
BÓKABÚÐ KEFLAVÍKUR |
|
X
0<0<0<0<0<0<0<0<0<0<0<0<Í00000000<0<0000