Faxi - 01.01.1957, Blaðsíða 3
F A X I
3
Bifreiðastjórafélagið Fylkir ræðir
umferðamálin
í októberblaði Faxa var lítillega minnzt á
umferðarmál, sem rædd voru á fundi Bif-
reiðastjórafélagsins Fylkis 11. okt. s. 1., og var
meðal annars getið eftirgreindra atriða:
1. Askorun til lögreglu Keflavíkur um að
menn hjóli ekki á ljóslausum reiðhjólum um
götur bæjarins á lögskipuðum ljósatíma öku-
tækja.
2. Að lögregla Keflavíkur reyni af fremsta
megni að koma í veg fyrir að börn hangi
aftan í bifreiðum. Einnig að foreldrar og
kennarar brýni fyrir börnum og geri þeim
Ijóst, hve mikil hætta þetta er.
3. Að skora á viðkomandi yfirvöld, að koma
upp fullkominni götulýsingu á veginum milli
Keflavíkur og Landshafnarhússins.
Að sjálfsögðu voru miklu fleiri atriði um-
ferðarmálanna rædd á fundinum, þótt þeirra
verði ekki getið hér. En þau atriði sem talin
eru hér að framan eru árstíðabundin, og því
taldi ég rétt og nauðsynlegt að þau kæmi fram
nú, því að vetrarlagi eru þessi tilfelli í um-
ferðinni mjög alvarleg, enda hafa víða hlotizt
hin alvarlegustu slys af þeim, einnig hér í
Keflavík, og vegna þess að skammdegið fór í
hönd, taldi ég nauðsynlegt að láta þessi at-
riði koma fyrir almenningssjónir, ef ske
kynni, að einhverjir veittu þeim athygli, og
að með því væri hægt að forða einum eða
fleirum frá limlestingu eða jafnvel dauða. En
mér virðist þetta hafa valdið einhverjum mis-
skilningi, eftir því sem fram kom í nóvember-
blaði Faxa, þar sem verulega er komið inn
á áðurgreinda frétt af fundi Fylkis. En satt
að segja á ég og reyndar fleiri, mjög erfitt
með að skilja þá meiningu, sem fram kemur
í þeirri grein. Til þess að skýra þetta frekar,
vil ég leyfa mér að gera nokkrar athuga-
semdir. Orðrétt segir í Faxa: „Götu- eða
umferðarlögregla Reykjavíkur og annara bæja
mun og gera sitt til að forða slysum, svo
sem með því að handsama ölvaða menn við
akstur, eða ökuníðinga og þá aðra, sem ekki
fylgja settum umferðarreglum." . . .
„— Nema í Keflavík. Þó ríkir hér oft neyð-
arástand í umferðinni, einkum á Hafnargötu,
eftir að hún var malbikuð í hitteðfyrra."
Hér er fengin full viðurkenning á því, að
algert öngþveiti ríkir í umferðarmálum
Keflavíkurbæjar, og var það einmitt það, sem
um var rætt á fundi og fundum Fylkis. En svo
kemur þetta, sem erfitt er að skilja hjá grein-
arhöfundi, er hann segir: „Því er það, að
áskorun Bifreiðastjórafélagsins Fylkis frá 11.
október, til lögreglu Keflavíkur, er út í hött,
þar til við fáum götulögreglu . . .“.
Eg fæ ekki skilið á hvern hátt áskorun
félagsins geti verið út í hött, að áliti greinar-
höfundar. Þegar hann viðurkennir hið óvið-
unandi ástand í umferðarmálum bæjarins. Ef
hann meinar það, að við þurfum einhverja
sérstaka tegund lögreglumanna til þess að
hægt verði að gera einhverjar úrbætur í um-
ferðinni, þá er ég ekki á sama máli og hann.
Sú lögregla (lögregluþjónar) sem við höfum
hljóta að vera götulögregla hér eins og ann-
arsstaðar. Því það vita allir að starfssvið lög-
regluþjóna er fyrst og fremst byggð á gæzlu
út á við, á götunni og því að gæta velferðar
á einn og annan hátt og vernda saklausa
borgara á förnum vegi, þó að starf þeirra fari
vitanlega að einhverju leyti fram innan-húss,
og þá aðallega vegna skýrslugerðar vegna
þeirra atburða sem gerast úti.
Hins vegar er mér ljóst, að til eru lög-
regluþjónar, sem nefndir eru „vegalögregla",
og eru þeir ekki bundnir við neinn ákveðinn
kaupstað, heldur eru það menn, sem aka um
almenna þjóðvegi og gæta umferðarinnar,
burt séð frá því í hvaða bæ eða sveit þeir
eru staddir, og munu nokkuð oft vera á ferð
hér í Keflavík og námunda.
Ennfremur segir greinarhöfundur:
„En þar með lýkur áskorun Bifreiðastjóra-
félagsins til lögreglu Keflavíkur. Má undar-
legt heita, miðað við fólksfjölda Fylkis, að
engann bílstjórann skyldi ráma í fleiri slysa-
hættur, en að framan greinir, að benda lög-
reglunni á til úrbóta. Og sannar það enn, að
hinum skýrasta geti skotizt."
Eins og ég hefi áður tekið fram voru mörg
fleiri atriði umferðarmálanna rædd á félags-
fundinum og munum við að sjálfsögðu birta
þau, ef blaðið vildi sýna okkur þann velvilja
að birta þessi atriði, því leigubifreiðastjórar
eru þeir menn, sem vita frekast hvar skórinn
kreppir helst í þessum mikilvægu málum,
sem umferðamálin eru, enda eru þeir manna
mest á ferðinni á öllum tímum sólarhringsins
og undir öllum mögulegum kringumstæðum,
bæði í góðum og slæmum umferðarskilyrð-
um.
En mér finnst, eins og ég hefi rður sagt,
erfitt að komast til botns í því hvað greinar-
höfundur er að fara, því hann telur, að það
litla, sem fram komi frá félaginu sé tilgangs-
laust og út í hött, hvað hefði það þá verið að
hans áliti, ef það hefði verið meira.
Hin önnur atriði, sem greinarhöfundur
minnist á, er mér og öllum bifreiðastjórum
kunnugt, svo sem hvað hraðann akstur snert-
ir og vöntun bifreiðastæða og eitt og annað,
sem fjarlægja þarf, til þess að fá betri um-
ferðarskilyrði. En hvað snertir hinn hraða
akstur og að skilja ökutæki eftir, þar sem
stæði eru ekki fyrir hendi fyrir þau, þá lýt
ég svo á, að það sé verkefni þeirrar lögreglu,
sem nú starfar í Keflavíkurbæ, að hafa hend-
ur í hári þeirra sem hér eiga sök á. En finnst
nú greinarhöfundi það ekki vera „út í hött“
að vera að minnast á þessi atriði, meðan
þess „götulögregla“ hans er ekki kominn.
Eg get fullvissað greinarhöfund um það,
að bifreiðastjórar hafa fullan hug á að gera
allt sem í þeirra valdi stendur til þess að
koma á raunhæfum úrbótum í umferðarmál-
um Keflavíkur, enda eru þessi mál oft rædd
á fundum Fylkis og allt gert til þess að auka
þekkingu manna á umferðarmálum og fræða
þá í þeim efnum, og örfa þá til þess að finna
hin réttu spor, sem þarf til þess að skapa heil-
brigða og örugga umferðarmenningu.
Eg vil nota þetta tækifæri til þess að lýsa
ánægju minni yfir því, að þessi fáu atriði,
sem birt voru frá félaginu, hafa orðið til
þess, þótt einhvers misskilnings hafi gætt, að
auka umræður um umferðarmálin hjá okk-
ur, og vænti þess að slíkt mætti verða til þess
að leggja grundvöll að bættri umferðarmenn-
ingu í bænum.
Vil ég nota þetta tækifæri til þess að hvetja
alla bæjarbúa, unga sem gamla, gangandi og
akandi, til þess að' gæta fyllstu varúðar í
umferðinni og vinna á þann hátt að því og
leggja sinn skerf til þess, að sem fæstir þurfi
að limlestast eða láta lífið vegna vanþekk-
ingar eða tillitsleysis í umferðinni.
Keflavík, 14. des. 1956.
F.h. Bifreiðastjórafélagsins Fylkis,
Ingólfur Magnússon.
Jólin.
Mánudaginn 17. des. voru hin svokölluðu
litlu jól í barnaskólanum i Keflavík. Börnin
mættu kl. 9 að morgni uppá búin og í há-
tíðaskapi, enda eru litlu jólin undirbúin af
þeim sjálfum í samráði við kennara þeirra
og er því þeirra hátíð í orðsins beztu merk-
ingu. Aður en börnin hurfu inn í skreyttar
og viðhafnarlegar stofur sínar, þar sem
skemmtun dagsins fór fram, voru þau kölluð
saman á ganginum, þar sem skólastjórinn
ávarpaði þau og las þeim jólaguðspjallið.
Þar tóku þau einnig þátt í söng, en
Lúðrasveit Keflavíkur lék þar jólasálma.
Þóttu litlu jólin, þessi seinasti dagur skóla-
haldsins fyrir jól, nú sem fyrr bæði yndis-
leg og heillandi.
Fundur barnakennara,
haldinn í barnaskóla Keflavíkur 15. des.
1956 skorar á löggæzluna að hafa strangt
eftirlit með því, að börn venji ekki komur
sínar á opinbera veitingastaði og skemmti-
staði. Einnig skorar fundurinn á löggæzluna
að gefa út hið fyrsta vegabréf með mynd til
barnanna.
Mikil starfsemi
hefir verið við höfnina nú að undanförnu,
saltskip hafa verið losuð þar í janúarmán-
uði, síld verið lestuð, bæði frosin og söltuð,
þá hefir i mánuðinum lagzt hér upp að
stærsta olíuskip, sem hér hefir nokkru sinni
losað, ca. 16 þúsund tonn.