Faxi - 01.01.1957, Blaðsíða 7
F A X I
7
Helgidaga- og næturvaklir í febrúar:
1. febr., Bjarni Sigurðsson.
2. —3. febr., Guðjón Klemensson.
4.—8. febr., Björn Sigurðsson.
9.—10. febr. Bjarni Sigurðsson.
11.—15. febr., Einar Astráðsson.
16.—17. febr., Björn Sigurðsson.
18.—22. febr., Guðjón Klemensson.
23.—24. febr., Einar Ástráðsson.
25.—28. febr., Bjarni Sigurðsson.
Það eru vinsamleg tilmæli læknanna, að
fólk ónáði næturlækni ekki eftir miðnætti
nema í aðkallandi tilfellum.
Þann 17. janúar
gekk yfir landið suðvestan stórviðri, og
begar hvassast var komst vindurinn upp í
12—13 vindstig vestanlands. Urðu viða um
land miklir skaðar af völdum þessa fárviðris,
einkum á hafnarmannvirkjum, húsum, raf-
magnslínum o. fl. o. fi. Hér á Suðurnesjum
varð vindhæðin aldrei svona mikil, enda urðu
hér ekki tilfinnanlegir skaðar.
Þrumur og eldingar.
Föstudaginn 25. janúar má segja, að loftið
hafi verið lævi blandið, því miklar þrumur
og eldingar settu svip sinn á daginn og ollu
víða nokkrum spjöllum. Hér í Keflavík laust
eldingu niður í mastur skips, sem verið var
að vinna að í dráttarbrautinni. Komst eld-
ingin í raflögn, er lá niður mastrið og kubb-
aði hana í smábúta. Þar með eyðilögðust öll
vinnuljós og raflagnir á timburverkstæði
dráttarbrautarinnar og ónýttust þar öll ör-
yggi. Svo lánlega vildi til, að þetta skeði á
matmálstíma, milli klukkan 12 og 1 og var
því enginn við vinnu. Hefði þessi atburður
gerst klukkustund fyrr eða síðar, telja kunn-
ugir líklegt, að þarna kynnu að hafa orðið
banaslys fleiri eða færri manna.
Ymsar fleiri smávægilegar skemmdir urðu
í Keflavík, t. d. mun hafa brunnið rofi í
spennistöð í Vesturbænum og jarðstrengur
eyðilagst, svo rafmagnslaust varð þar um
tima. Einnig varð snöggvast rafmagnslaust í
Garði, Sandgerði og á Vatnsleysuströnd vegna
skemmda á háspennulínu o. fl. Mestur var
hósagangurinn um hádegið, enda voru þá
þrumurnar hvað mestar.
Ungvcrjar.
Undanfarna mánuði hefir verið óvenju
mikil flugumferð á Keflavíkurflugvelli, t. d.
komu þar yfir 300 farþegaflugvélar í desem-
Fer, ,eða um 10 að meðaltali á dag, og eru
þó ekki þar með taldar vélar á vegum varn-
arliðsins. Það sem einkum olli þessari miklu
Fugumferð, eru flutningarnir á hinu ung-
verska flóttafólki vestur um haf, en flugvél-
ernar fluttu það frá Vínarborg í einum
áfanga hingað, og eftir að hafa tekið hér
benzín flugu þær beint til Bandaríkjanna
með flóttafólkið.
Jóhann Sigurðsson.
Nýlega urðu formannsskipti í íslendinga-
félaginu í London, og var Jóhann Sigurðsson
kosinn formaður félagsins í stað Björns
Björnssonar, sem verið hefir formaður þess
í mörg ár. Fóru þessi formannsskipti fram
á aðalfundi félagsins núna í desember. Jó-
hann Sigurðsson, sem er borinn og barn-
fæddur Keflvíkingur, var hér á æskuskeiði
framarlega í félagsmálum og þó einkum skát-
anna, þótti hann þar snemma liðtækur vel.
Aðalstörf sín hér sem fulltíða maður vann
hann hjá KRON og kaupfélagi Suðurnesja,
þar til hann fór utan, en nokkur síðustu árin
hefir hann veitt forstöðu íslenzku ferðaskrif-
stofunni í London og í því starfi, sem öðrum,
hefir hann áunnið sér miklar og almennar
vinsældir fyrir lipurð og hjálpsemi við ferða-
menn, íslenzka og erlenda og ávalll verið
góður fulltrúi þjóðar sinnar og bernsku-
byggðar. Faxi óskar honum til hamingju
með hið nýja formannsstarf og glæsilega
frammistöðu.
Sumarið 1956.
Fagurt er sumar, sólin skær
nú sveipar grund og haf,
og öllum mönnum unað ljær
þitt eilíft geislatraf.
Því yndið ljómar allt um kring,
það er hans mikla verk.
Hér stjórnar öllum alheimshring
guðs alvöld höndin sterk.
Hafið.
Eg hryggur stend á ströndu hér
og stari á hafið reitt.
Það hefir margan hringaver
til heljar síðan leitt.
Þó björg það færi búi og þjóð
og bæti margra hag,
það syngur ýmsum sorgarljóð
um svæsinn stormadag.
Sigurður Magnússon frá Valbraut.
Stúlka verður úti á Kcflavíkurflugvclli.
Kl. 10.30 mánudagsmorguninn 28. janúar
s.l. fannst lík af stúlku við olíugeymi í
Nicol-hverfinu á flugvellinum, sem er
skammt fyrir ofan Ytri-Njarðvík. Lögreglan
og héraðslæknirinn í Keflavík fóru á vett-
vang og fluttu líkið í sjúkrahúsið í Keflavík.
Líkið var af Nönnu Arinbjörnsdóttur, er
heima átti í Reykjavík. Var hún 23 ára
gömul. Talið er að stúlkan hafi króknað í
ofviðrinu sem var þessa nótt, enda var hún
illa klædd, en talsvert frost og veðurharka
með mikilli fannkomu.
Á fundi
í Rótarýklúbb Keflavíkur 25. janúar s.l.
var Karl G. Magnússon fyrrv. héraðslæknir
einróma kjörinn Senior activ félagi og jafn-
framt heiðursfélagi klúbbsins.
Karl er einn af stofnendum klúbbsins og
var forseti hans 1954—’55.
94000 ferðamenn
komu til Keflavíkurflugvallar á s.l. ári.
2344 farþegaflugvléar fluttu þennan mann-
fjölda.
Á árinu 1956 höfðu samtals 2344 farþega-
[flugvélar viðkomu á Keflavikurflugvelli.
Eftirtalin flugfélög höfðu flestar viðkomur:
Pan American World Airways Inc. 533
vélar. British Overseas Airways Corp. 430
vélar. Trans World Airways Inc. 303 vélar.
Flying Tiger Line Inc. 182 vélar. K. L. M.
Royal Dutch Airlines 157.
Flutningar á árinu voru sem hér segir:
Farþegar: Frá Keflavíkurflugvelli 1136. Til
Keflavíkurflugvallar 1086. Um Keflavíkur-
flugvöll 91970. — Vörur: Frá Keflavíkurflug-
velli 38604 kg. Til Keflavíkurflugvallar 94520
kg. Um Keflavíkurflugvöll 2225319 kg. —
Póstur: Frá Keflavíkurflugvelli 1878 kg. Til
Keflavíkurflugvallar 8224 kg. Um Keflavíkur-
flugvöll 600117 kg.
Jólatrcsfagnaðir.
Eins og að undanförnu hélt Kaupfélag
Suðurnesja jólatrésfagnað fyrir börn félags-
manna sinna og mæður þeirra á þriðja í jól-
um í Ungmennafélagshúsinu í Keflavík.
Sökum fjölmennis varð að fjórskipta
skemmtuninni og er talið, að um fjórtán
hundruð börn og fullorðnir hafi tekið þátt
í mannfagnaði þessum. Tilhögun var svipuð
og að undanförnu, formaður félagsstjórnar
setti hverja skemmtun með nokkrum orðum
og ræddi um gildi jólanna. Konur úr kirkju-
kór Keflavíkur leiddu almennan söng og
hljómsveit Guðmundar Nordahl lék allan
daginn. Þá komu einnig fram jólasveinar er
spjölluðu við börnin og dönsuðu með þeim
kring um fagurlega skreytt jólatréð. Að lok-
um voru börnin leyst út með gjöfum. Að-
gangur að þessum ánægjulega mannfagnaði
var, eins og ávallt áður, ókeypis.
Fleiri félög héldu jólatrésfagnaði og má
þar til nefna Kvenfélagið, er hélt að vanda
jólatrésfagnað fyrir gamalt fólk, og var það
félaginu til hins mesta sóma.
Árnesingafclagið í Keflavík
hélt aðalfund sinn um miðjan janúar síð-
astliðinn, en félagið er nú á þessum vetri
10 ára. I tilefni þessa afmælis hyggst fé-
lagið efna til samkvæmis með félagsmönn-
um sínum um miðjan þennan mánuð, og
mun stjórnin gefa nánari upplýsingar um
þetta afmælishóf. Á nýafstöðnum aðalfundi
var öll stjórnin endurkosin, en hún er þannig
skipuð: Jakob Indriðason formaður, Ásdís
Ágústsdóttir gjaldkeri og Sæmundur G.
Sveinsson ritari. Meðstjórnendur eru Einar
Olafsson og Skúli Oddleifsson.