Faxi - 01.04.1960, Blaðsíða 4
52
F A X 1
Enginn skóli er enn í Ytrahverfi, en
nú kemur Goodtemplarareglan aftur til
skjalanna. Hinn 14. desember 1897 er
stofnuð stúka í Ytrahverfi, sem hét Trúin
nr. 48. Fyrstu fundir hennar voru haldnir
í húsi Jóhanns Kr. Jóhannssonar í Ytri-
Njarðvík, svo í húsi Sigurðar Hallssonar,
Höskuldarkoti, og síðast í húsi Arsæls
Jónssonar, Höskuldarkoti, og þar var
einnig byrjað að kenna börnum í stofu í
vesturenda hússins. Stofa þessi var í mörg
ár kölluð „Skólinn“, enda fyrsta barna-
skólahús í Ytrahverfi.
Eitt af fyrstu áhugamálum templara var
að koma sér upp húsi. Voru þá fest kaup
á gömlu pakkhúsi og unnu svo sjálfboða-
liðar að því að koma húsinu upp. Þetta
hús varð svo skólahús Njarðvíkinga í
nokkur ár, og gengu þá börnin úr Innra-
hverfi í þann skóla. Mun hann hafa verið
notaður síðast til kennslu veturinn 1909—
1910.
I Innrahverfi var, árið 1906, byggður
skúr við endann á húsi Helga Asbjörns-
sonar ,og var þar síðast kennt börnum
árið 1911.
Kennarar á tímabilinu 1900—1911 voru
þessir: Agúst Jónsson bóndi í Höskuldar-
koti, Jón Jónsson bóndi í Innri-Njarðvík,
Jón S. Bergmann skáld, Jóhann Péturs-
son frá Hákoti, Sigurður Olafsson, nú
kennari í Hafnarfirði og Arni Theódór
Pétursson. Eftir 1911 lagðist skólahald í
Njarðvíkum algerlega niður, þangað til
árið 1939, að kennsla er aftur hafin í
Innri-Njarðvíkum og í Ytrahverfi árið
1942—1943.
Njarðvíkurhreppur sameinaðist Kefla-
víkurhreppi árið 1908, en varð aftur sér-
hreppur árið 1942.
Kennarar í Innri-Njarðvíkum frá 1939
til 1942 voru þessir:
Jón Guðmundsson, sonur Guðmundar
Einarssonar refaskyttu á Ingjaldssandi við
Önundarfjörð, Páll S. Pálsson frá Sauða-
nesi í Húnavatnssýslu, nú laganemi við
Háskólann og Hermann Eiríksson, nú
kennari í Keflavík.
Ræðum. rakti einnig hverjir hefðu verið
kennarar í Keflavík á þeim árum, sem
Njarðvíkurbörnin gengu þangað í skóla,
eða á árunum 1910—1942, en með því að
þeirra var getið í síðasta jólablaði Faxa í
grein um skólamál Keflavíkur, verður sá
kafli ræðunnar felldur hér niður.
Njarðvíkurhreppur og Keflavíkurhrepp-
ur eru aðskildir um áramót 1941—42. Um
vorið 1942 er hafizt handa um byggingu
barnaskóla í Njarðvík en stærð skólans
aðeins miðuð við þáverandi þörf: tvær
skólastofur ásamt gangi og snyrtiherbergj-
um. Barnafjöldi fyrsta ár skólans ’42—’43
í Njarðvíkum var 53 börn. Upp úr 1950
fer barnafjöldinn stórlega vaxandi, sem
sést bezt á því, að vorið 1950 Ijúka aðeins
64 börn vorprófi, en 1959 170.
Skólinn varð því fljótlega of lítill, og
er hafin viðbótarbygging við hann haustið
1956 og var smíðinni að mestu lokið um
áramót 1958—59. Er það allmikil bygging,
sex almennar kennslustofur og handa-
vinnustofa drengja, allvel útbúin að tækj-
um.
Eftirtaldir kennarar hafa starfað við
skólann frá 1942:
Sigurbjörn Ketilsson, skólastjóri frá 1942
Guðbjörg Jóhannsdóttir...... 1942—1943
Eyjólfur Guðmundsson ....... 1943—1947
Sigríður Ingibjörnsdóttir frá 1947
Oddur Sveinbjarnars. 1948—’52 og frá 1957
Bjarni Halldórsson ......... 1949—1952
Svavar Lárusson ............ 1952—1953
Aðalsteinn Hallsson ......... 1953—1956
Hlíf Tryggvadóttir ...... frá 1955
Guðmundur Sigurðsson 1956—1957
Ester Karvelsdóttir ..... frá 1957
Lára H. Kolbeins............ 1959
Húsbyggjendur!
ÆGISANDUR H F AUGLÝSIR
Höfum nú fengið fullkominn útbúnað til að afgreiða til yðar fljótt og vel
LOFTAMÖL
VEGGJAMÖL
o g SAND
Allt harpað efni og fyrsta flokks vara.
Einnig fyllingarefni í grunna og plön.
SöluumboS: Kaupfélag Suðumesja, járn- og skipavörudeild.
Sími 1505
ÆGISANDUR H F