Faxi - 01.05.1960, Side 1
FAXI
5. tbl. - XX. ár
MAÍ
1960
Utgefandi:
Málfundafélagið Faxi
Keflavík
L
Vertíðarlok á Suðurnesjum 1960
Vetrarvertíð er nú lokið. Fjöldi skipa
í verstöðvunum var svipaður nú og í fyrra.
Gæftir voru með afbrigðum góðar á ver-
tiðinni og aflabrögð að sama skapi góð
fram undir miðjan apríl, en þá urðu um
tima mjög stirðar gæftir, sem olli því, að
aflinn á þessu tímabili varð mun minni
en á sama tíma í fyrra.
Netavertíð bátanna hófst fyrir alvöru
um miðjan marz og var línuveiði fyrri
hluta marzmánaðar góð, enda næg loðna
til beitu. Æskilegt væri, að línuveiðarnar
hefðu staðið lengur. En hvað sem annars
tim það verður sagt, þá var vertíðin í heild
mjög góð í þessum verstöðvum, t. d. öfl-
uðu Grindavíkurbátar nú mun meira en
a vertíðinni f fyrra. Hæsti bátur þar var
þá með tæpar 900 lestir í 75 sjóferðum, en
nú með 1200 lestir f 95 róðrum, enda er
sa bátur nú annað aflahæsta skip landsins.
Ollum er f fersku minni hið tilfinnan-
lega tjón, sem Grindavíkurbátar urðu
fyrir um Bænadagana, í hinni miklu fiski-
hrotu, sem þá var í Grindavík, er þeir
misstu veiðarfæri sín í vörpur íslenzkra
togara, sem toguðu yfir fiskilagnir bát-
anna. Sjálfsagt væru Grindavíkurbátar nú
með mun meiri afla, hefði þetta ekki skeð.
Má það teljast furðulegt aðgæzluleysi af
hálfu togaramanna, að hefja þannig tog-
veiðar á netasvæðum bátanna, án þess fyrst
að kynna sér aðstæður, því vissulega eru
netabaujur bátanna næg sönnun fyrir því,
að þar sem þær eru, liggi net f sjó. Og við
þetta má svo því bæta, að það er alþjóðleg
grundvallarregja meðal sjómanna um all-
an hinn siðmenntaða heim, að virða þau
veiðarfæri, sem f sjó liggja, þegar að er
komið.
Eitt af þvf, sem einkennir þessa vertíð,
eru miklar umræður um minnkandi vöru-
gæði fiskjarins, vegna vaxandi netaveiða
og leit að úrbótum á þessu mikla vanda-
Angantýr Guðmundsson.
máli þjóðarinnar. Má vænta þess, að nú
verði þessi mál tekin til rækilegrar athug-
unar og úrlausnar til þess að fyrirbyggja
markaðshrun.
í Keflavík varð afli að þessu sinni
27.291.9 lestir í 3411 sjóferðum, en var í
fyrra 24.639.5 lestir í 3039 róðrum. Veið-
arnar stunduðu nú 56 smærri og stærri
vélbátar. Aflahæstur varð Askur, skip-
stjóri Angantýr Guðmundsson, næstur í
röðinni var Olafur Magnússon, skipstjóri
Oskar Ingibersson, aflakóngur Kefla-
vfkur frá s.l. ári Þriðji varð Báran, skip-
stjóri Jón Sæmundsson.
Afli opinna vélbáta hefir að þessu sinni
orðið talsvert minni en í fyrra, en þó hefir
þessum bátum fjölgað á árinu.
Aflahæsti báturin í Grindavík og annar
aflahæsti bátur landsins, varð Arnfirðing-
ur, skipstjóri Gunnar Magnússon, annar
f röðinni varð Þorbjörn, skipstjóri Þórar-
inn Ólafsson og sá þriðji varð Hrafn
Sveinbjarnarson, skipstjóri Sigurður
Magnússon, en hann hefur verið afla-
kóngur Grindavíkur 2 s.l. ár. Frá Sand-
gerði voru gerðir út 16 bátar á þessari
vertíð. Var samanlagður afli þeirra 11.569
tonn í 1313 róðrum. Auk þess var lagt
á land í Sandgerði af aðkomubátum 2244
tonn, sem öfluðust í 373 róðrum. Saman-
lagður afli alls er 13.804 tonn í 1686 sjó-
ferðum.
1 fyrra voru gerðir út í Sandgerði 19
bátar, og var afli þeirra 11.333 tonn í
1265 róðrum. Þá var heildarmagn alls,
sem landað var í verstöðinni 12.460 tonn
í 1477 sjóferðum. Mismunurinn er 1353
tonn, sem nú hefir fiskast meira í 209
róðrum. Bátarnir tóku allir net um miðjan
marz, nema einn, Jón Gunnlaugsson,
sem reri með línu alla vertíðina og aflaði
770 tonn f 89 sjóferðum. Aflinn áf Jóni
Gunnlaugssyni var allur hraðfrystur, enda
fyrsta flokks vara.
Því miður náðist ekki í myndir af
aflakóngum Sandgerðis og Grindavíkur.
r
Óskar Ingibersson