Faxi - 01.02.1969, Blaðsíða 3

— Alveg prýðilega. Hann var maður
hreinn og beinn og kunni vel til verka.
— Hvenær kvæntist þú, Ingólfur?
— Árið 1918. Kona mín var Anna Guð-
jónsdóttir, systir þeirra bræðranna Valdi-
mars, sem var búsettur í Keflavík og er nú
látinn fyrir nokkrum árum, Þorbjörns, sem
er bóndi á Kirkjubæ í Vestmannaeyjum og
Guðjóns O., bókaútgefanda í Reykjavík.
— Hvar byrjuðuð þið að búa?
— Við hófum búskap okkar í búsi Ein-
ars afa míns í Keflavík, en hann var föður-
bróðir konu minnar. Þaðan fluttumst við
til Reykjavíkur og áttum þar heima um
tíma, en fluttumst þá til Borgarness og
svo skömmu síðar aftur til Reykjavíkur.
Bjuggum þar í 'nokkur ár, en fluttumst þá
aftur hingað að Litla-Hólmi og síðar til
Keflavíkur. Aftur lá svo leiðin til Reykja-
víkur og þaðan til Hafnarfjarðar, þar sem
við bjuggum í all mörg ár. Enn fluttumst
við í Leiruna, að Gufuskálum og síðar
austur að Bjólu í Holtum og bjuggum
þar í nokkur ár, fórum þá aftur til Kefla-
víkur og áttum um skeið heimili í húsi
Valdimars, bróður Onnu, þar til við flutt-
umst á ný hingað í Leiruna og höfum
síðan búið hér, eða þar til Anna lézt, þann
24. ágúst s. 1. Eftir fráfall hennar hefi ég
hokrað hér einn á Reynistað. Ætti ég að
gefa skýringu á þessum tíðu bústaðaskipt-
um okkar, væri nærtækast að nefna stop-
ula og óstöðuga atvinnu, sem leiddi af sér
margvíslega erfiðleika við að framfleyta
stórri fjölskyldu og sjá henni farborða á
vandræðatímum kreppuáranna.
— Hvað áttuð þið mörg börn?
— Við eignuðumst 9 börn, 2 fæddust
andvana, en þau sem upp komust voru:
Kristín Salvör, gift Jóhanni Steinssyni rit-
höfundi, Theodór, sem andaðist 28 ára
gamall, Guðbergur, kvæntur Magnþóru
Þórarinsdóttur, Inga, gift Skúla Vigfús-
syni bifreiðastjóra, Þórdís, og yngstur er
Einar, sem kvæntur er Ingibjörgu Jóns-
dóttur frá Hellissandi.
— Hvað búa margir nú í Leirunni, Ing-
ólfur ?
— Á hinu forna höfuðbóli, Gufuskál-
um, eru nú viðloða 2 aldraðar manneskjur,
ég er einn hér á Reynistað. Á landnáms-
jörðinni Stóra-Hólmi eru 2 ungir menn,
synir Kjartans Bjarnasonar, sem enn er
talinn fyrir jörðinni, þó hann stundi þar
ekki búskap. I Leiru munu því alls vera
skrásett 6 manns. Að vísu kunna fleiri að
skrifa sig hér, þó ég viti það ekki. Þá er
þess vert að geta í þessu sambandi, að Golf-
klúbbur Keflavíkur hefir keypt Hrúðu-
nesið og leigt túnið á Stóra-Hólmi undir
starfsemi sína, svo að þrátt fyrir fámennið,
er hér töluverð mannaferð í sambandi við
völlinn og langar mig að láta þess hér
getið, að ég dáist að því, hve mikið þeir
félagar eru búnir að gera hér fyrir landið.
Þeir hafa ræktað það og prýtt á ýmsan hátt
og finnst mér þeir eigi mikinn heiður og
þökk skilið fyrir þessa starfsemi sína. Um
hitt, hvort landið sé þannig rétt nýtt, frá
hagrænu sjónarmiði séð, læt ég ósagt. Þar
verða aðrir mér fróðari um að dæma.
— Eins og þér er kunnugt, Ingólfur,
hefir hér í Faxa á umliðnunm árum og
áratugum, birzt margháttaður fróðleikur
um merkilegt athafnalíf í Leirunni frá
horfnum tímum, og er raunar einn þess-
ara greinaflokka um þessar mundir í blað-
inu. Þar sem ég þykist vita, að þú sért
hafsjór af þekkingu um þessa hluti, langar
mig nú að lokum að fræðast af þér um
byggðasögu Leirunnar.
— Já, nokkuð á ég til hennar að þekkja
og er mér ljúft að leggja þar orð í belg,
ef verða má til að varpa nokkru ljósi á
sögu þessa staðar, sem nú er sem óðast að
hverfa undir fannir tímans og gleymsk-
unnar. Mun ég þá fyrst nefna bæina og
<íxí><í^>0<><><í><><><><c><><^<><í>C><><X><><&<><Þ<><S<><><S><><>0<><í><í><><c><><><><><í>0<í<><> <<><X><><X><><><><><X><><X><&<><><><><><><<><><X><><^<><><<><><í<><^0<^^

tJ tgerðarmenn!
FYRIRLIGGJANDI:
Þorskanetaslöngur,
teinatóg 16 og 10 mm,
bólfœraefni 12 og 1-4 mm,
belgir, baujur, bambus,
netasteinar, línusteinar.
Kaupfélag Suðurnesja
Jórn- og skipadeild, sími 1505
H úsbyggjendur!
Húseigendur!
Framkvœmum alls konar mólningar-
vinnu ó gömlum og nýjum íbúðum ó
ódýran og smekklegan hótt.
Höfum sérstakt vetrarverð.
Athugið hin sérstœðu kjör og reynið
viðskiptin.
ATLI & SIGURÐUR
Austurbraut 1 — Keflavík — Sími 2771
<><><><><><><><><><><><><><><><><><><><><x><><x><><><><><><><x><><><><><>^^
F A XI — 19