Musica - 01.03.1950, Side 5
Sænski stórsöngvarinn Jussi Björling
Það er sjaldgæft að söngvarar hefji starfsferil
sinn sem undrabörn, en Jussi hefir verið söngvari,
síðan hann var nógu stór til að læra kvæði utan að.
Faðir Jussi var mjög tónelskur, gerðist smiður,
en flutti á unga aldri til Bandaríkjanna, en þar
vakti rödd hans mikla eftirtekt, og komst hann á
hinn fræga skóla Metrópolitan söngleikjahússins
í New York, og kennari hans var engin. lakari en
Caruso sjálfur.
En hann kvaldist af heimþrá og brátt fór svo,
að hann kvaddi kóng og prest og fór til Svíþjóðar.
Eftir að heim kom, fékk hann tækifæri til að
sýngja á hátíðarhljómleik í sjálfri konungshöllinni,
og varð Oscar konungur svo hrifinn af rödd
Björlings, að hann kostaði hann á tónlistarskólann
í Wien.
Er Björling hafði lokið námi í Wien, fór hann
heim og giftist fallegri sveitastúlku frá Store Tuna,
og eignuðust þau þrjá syni, elstur var Ole og svo
kom Jussi, en Björling misti konu sína eftir
nokkurra ára gæfuríka sambúð, og fórnaði hann
nú öllu fyrir drengina sína, og sérstaklega lagði
hann mikla rækt við tónlistaruppeldi þeirra.
Er drengirnir urðu nógu gamlir, æfði hann með
þeim nokkra söngva, fór að því búnu til Bandaríkj-
anna og ferðaðist með þá bæ úr bæ undir nafninu
„The Björlin male quartett“.
Þeir fengu hvarvetna ágætar viðtökur og héldu
hljómleikaferðum áfram eftir að til Svíþjóðar kom.
Þrettán ára að aldri naut Jussi litli Björling
þess heiðurs, að fá að syngja fyrir hans hátign
konunginn á kirkjuhljómleik í Leksand og gleymir
Jussi aldrei þeirri stund, er hann stóð í litlu kirkj-
unni og söng fyrir konunginn og alla fínu aðals-
mennina, þetta er einn þeirra atburða er settu
varanlega stimpil á hina viðkvæmu barnssál.
Nokkru síðar misti Jussi föður sinn, og var það
mikið áfall fyrir hann, faðir hans hafði gengið
honum í föður og móður stað og látið sér mjög
annt um uppáhaldið sitt, hann Jussa litla.
Jussa var komið fyrir hjá nokkrum vinum
fjölskyldunnar og nú byrjaði alvara Iífsins og
Björling var settur í virðulega borgaralega stöðu í
stórri rafmagnsverzlun.
Enn Jussi var óvenju klaufskur verzlunarmaður,
fékk í sig straum, braut perur og setti snúrur
skakkt saman, og yfir honum vofði alltaf reiði
verzlunarstjórans, sem skildi auðvita ekki að Jussi
var að hugsa um sönginn, og hafði alls ekki hugsun
á því sem hann varð að gera.
Loks brosti gæfan við Jussi, þorpskennarinn
Salomon Smith, er var náin vinur hins dáða
forstjóra söngleikjahússins í Stokkhólmi John
Forseli, er jafnframt var einn glæsilegasti söngvari
svía, hlustaði á Jussa og gaf honum meðmæla-
bréf til Forsells.
Næsta dag fór Jussi til Stokkhólms, en það var
erfiðleikum bundið að ná fundi Forsells og Jussi
fékk sér atvinnu við að bóna og þvo bíla og söng
jafnframt dægurlög inn á plötur undir nafninu
Erik Odde.
Loks varð Jussi fyrir þeirri heppni að kynnast
hinum fræga söngvara Martin Ohman, og í gegn-
um hann fékk hann áheyrn hjá hinum almáttuga
Forsell.
Forsell varð hrifinn af rödd Jussi, og útvegaði
honum ókeypis kennslu við tónlistarháskólann í >
Stokkhólmi, en þar kenndi hann sjálfur einni
deildinni.
Forsell var mjög nákvæmur kennari og þoldi
ekkert áhugaleysi hjá nemendum sínum, enn hann
leyfði sér oft að koma hálftíma eða meira of seint
í tímana.
Eitt sinn er Jussi og kunningi hans höfðu verið
á skólanum allan daginn og áttu að fara í tíma til
Forsells, reiknuðu þeir með, að Forsell myndi
verða of seinn fyrir eins og venjulega, og hlupu
út í næstu verzlun til að fá sér eitthvað í svanginn.
Er þeir komu aftur í skólann var Forsell setztur
og var hann sem grískur þrumuguð í framan
„Hvernig stendur á að þið komið tíu mínútum of
seint?“
MUSICA 5