Lesbók Morgunblaðsins - 21.02.2009, Side 1
Eru djassistar mannætur í þriðja lið? Erum við enn að spyrja spurninganna: klassík eða rokk? Bítlarnir
eða Stones? Beethoven eða Mozart? Eru tónskáld tónskáld, sama hvað þau semja? Raunveruleikinn
er sá að í vikunni tók fyrrverandi meðlimur hljómsveitarinnar Ham og Orgelkvartettsins Apparats við
Íslensku tónlistarverðlaununum í flokki sígildrar og samtímatónlistar. Hvað segir það um tónlistina í
dag? Eitt sinn var djassinn sagður áþreifanlegt dæmi um hrörnun. Hvað er tónlistin í dag? | 3
Morgunblaðið/Jim Smart Morgunblaðið/hagMorgunblaðið/hag
Tónskáld eða hvað? Emiliana Torrini, Jón Leifs, Sigurður Flosason og Jeff Who eiga það sameiginlegt að hafa samið tónlist. Hver er bakgrunnur þeirra í tónlistinni? Fer mat okkar á tónlist þeirra eftir því hvernig þau fara að því
að læra að semja tónlist, og hvort verkin eru stór eða smá? Eitt sinn var sagt: „„Jazz“ er nautn fyrir þá sem lítið eru þroskaðir í músík eða hafa frumstæðari músíkgáfu en siðað fólk almennt.“ Það var nefnilega það!
LAUGARDAGUR 21. FEBRÚAR 2009
STOFNUÐ 1925
8. TBL. 85. ÁRGANGUR
LESBÓK
Skálholtsbækur Landsmenn
girntust gamlar historiur 9
Heilög Jóhanna:
Hvað er hægt að kenna
við „goðsagnir“?6
8Vítisvélar og réttleysi:Hvernig verður fólk að fjöldamorðingjum?
11Lesarinn:Kolbeinn Bjarnasonles aðallega nótur
F
leiri þúsund listaverk verða aftur þjóðar-
eign. Einfaldlega stórkostlegt! Á tímum
þar sem að þjóðinni er þrengt og almenn-
ingur er undir mikilli pressu vegna vanda
sem hann átti lítinn þátt í að skapa er ekki lítils
virði að fá eitthvað verðmætt til baka. Það er vel
viðeigandi að það skuli einmitt vera út úr bönk-
unum sem almenningur endurheimtir þessi
verðmæti. Því miður er vandinn þó ekki leystur
með nýjum efnhagsreikningum einum saman.
Af þessum þúsundum verka er töluvert af
hismi sem þarf að vinsa úr til að mynda kjarn-
góða listaverkaeign. Sú vinna er einungis á færi
fagfólks.
Beinast liggur við að Listasafn Íslands, sjálft
höfuðsafn þjóðarinnar á sviði myndlistar, taki
þessi verk í sína umsjá. En sá hængur er á
þeirri framkvæmd að safnið er ekki stakk búið
til að takast á við verkefnið. Það býr við mjög
knappan kost, vantar geymslur, sýningarrými,
mannskap – allt sem til þarf. Í safni þar sem
ekki eru fyrirhugaðar nema 4 sýningar á árinu
er tæpast mikið svigrúm til að gleypa jafn-
stóran bita og listaverkasöfn bankanna.
Einkavæddu bankarnir sinntu þessum söfn-
um á margan hátt betur en gömlu ríkisbank-
arnir höfðu gert. Ef til vill vegna þess að þeir
vissu upp á sig skömmina með það að hafa eign-
ast þau fyrir mistök. Eignin má ekki drabbast
niður við það að ríkið fái hana til baka. Annað
hvort þarf að leggja safninu til nauðsynlegt
fjármagn – nú eða leggja þær skyldur á nýju
bankana að þeir skaffi sitt til viðhalds og varð-
veislu þessarar sögulegu arfleifðar sinnar og
styrki þannig Listasafn Íslands og faglegt for-
ræði þess yfir þjóðararfinum.
Einfaldlega stórkostlegt!
ORÐANNA HLJÓÐAN
FRÍÐA BJÖRK INGVARSDÓTTIR
Það er vel viðeigandi að það
skuli einmitt vera út úr bönk-
unum sem almenningur end-
urheimtir þessi verðmæti.