Morgunblaðið - 30.01.2009, Síða 8

8 FréttirINNLENT
MORGUNBLAÐIÐ FÖSTUDAGUR 30. JANÚAR 2009
Eftir Ingibjörgu B. Sveinsdóttur
ingibjorg@mbl.is
ÍBÚAR á höfuðborgarsvæðinu eyða
að jafnaði 52 mínútum í einkabíl á
virkum degi og fara að meðaltali fjór-
ar ferðir. Meðalvegalengd milli heim-
ilis og vinnustaðar er rúmlega sex
kílómetrar og meðalferðatíminn er
níu mínútur.
Höfuðborgarbúar segja lestarferð-
ir, bætta þjónustu strætisvagna, frítt í
strætó, gjaldtöku á helstu umferðar-
æðum og stórbætt hjóla- og göngu-
stígakerfi geta dregið úr einkabíl-
anotkun þeirra.
Þetta er meðal þess sem kemur
fram í niðurstöðum könnunar ráð-
gjafarfyrirtækisins Land-ráðs sf. á
ferðavenjum landsmanna veturinn
2007 til 2008 sem gerð var fyrir sam-
gönguráð. Svipuð könnun á ferða-
venjum að vetrarlagi var gerð 2004 til
2005.
Aukakönnun vegna kreppu
Dr. Bjarni Reynarsson, fram-
kvæmdastjóri Land-ráðs sf., sem
mun gera aukakönnun nú í mars
vegna kreppunnar, segir að lesa megi
úr breyttum ferðavenjum samfélags-
og efnahagsbreytingar á hverjum
tíma.
„Á þessum tíma sem könnunin tók
til, það er desember, janúar og febr-
úar í fyrra, voru ferðirnar milli höf-
uðborgarsvæðisins og landsbyggðar-
kjarnanna færri en í fyrri könnuninni.
Líkleg skýring er hátt bensínverð.
Það er hins vegar áfram þétt umferð
til og frá nágrannakjörnunum, eins og
til dæmis Borgarness og höfuðborg-
arsvæðisins. Stór hluti sækir vinnu til
höfuðborgarsvæðisins. Það hefur
ekki breyst,“ greinir Bjarni frá.
Verslunarferðum fækkar
Um 85 prósent ferðanna út fyrir
búsetusvæði eru farin á einkabíl. Er-
indi eru svipuð og í fyrri könnunum,
aðallega vinnuferðir, frí og heimsókn-
ir til ættingja og vina. Verslunarferð-
um fækkar en ferðum til læknis fjölg-
ar.
Samkvæmt niðurstöðum könnun-
arinnar í fyrra nota um 38 prósent
íbúa landsbyggðarkjarnanna Ísa-
fjarðar, Akureyrar og Egilsstaða inn-
anlandsflug alltaf eða oft til þess að
komast í flug til útlanda. Þeir sem
segja stundum eru 18 prósent og
sjaldan eða aldrei 44 prósent. Fólk á
landsbyggðinni treystir frekar á bíl-
inn til að komast til læknis á sum-
artíma og flýgur þá einnig meira til
útlanda.
Gegn flutningi úr Vatnsmýri
Andstaða við flutning miðstöðvar
innanlandsflugs úr Vatnsmýri var
mest meðal svarenda í landsbyggð-
arkjörnunum þremur sem könnunin
nær til, það er Ísafirði, Akureyri og
Egilsstöðum, eða 82 prósent. Meðal
svarenda á höfuðborgarsvæðinu var
andstaðan 49 prósent, það er 50,3 pró-
sent meðal Reykvíkinga og 42 pró-
sent meðal íbúa í jaðarbyggð.
52 mínútur í
einkabílnum
á virkum degi
Morgunblaðið/Ómar
Í umferðinni Meðalferðatíminn til
vinnustaðar er rúmar 9 mínútur.
FRAMSÝN, stéttarfélag Þingeyinga, fagnar
ákvörðun sjávarútvegsráðherra, Einars Kr. Guð-
finnssonar, um að auka þorskkvótann um 30 þús-
und tonn á núverandi fiskveiðiári en telur að skil-
yrða hefði átt aukninguna með því að allur aflinn
yrði unninn hér heima.
Stjórn félagsins telur að aukningin hafi jákvæð
áhrif á sjávarbyggðir og þjóðarbúið í heild enda
verði aflinn unninn af íslensku fiskverkafólki.
Formaður Framsýnar hefur áhyggjur af því að
hluti aflans verði fluttur óunninn úr landi: „Nú
eru um 13 þúsund manns orðnir atvinnulausir á
Íslandi þannig að þetta skiptir gríðarlega miklu
máli. Tækifærið er hér við túnfótinn; það er hægt
að útvega mörgum vinnu vegna þessarar aukn-
ingar kvótans. Til þess þarf ekki að reisa verk-
smiðju,“ sagði Aðalsteinn við Morgunblaðið í
gær. Formaðurinn reiknar með að fiskvinnslu-
fólk í Hull, Grimsby og víðar fagni nú vegna þess
að reikna má með að þangað komi meiri fiskur
frá Íslandi en áður og fólkið fái því meiri vinnu.
„Í fyrra afnam ráðherra skerðingu á kvóta ef
fiskur var fluttur óunninn úr landi. Fram að því
var kvóti skertur um 10% hjá þeim sem fluttu
fiskinn út óunninn en ráðherra breytti því vegna
þrýstings. Þá var fagnað í Hull og Grimsby og
það verður eflaust gert aftur núna.“
Aðalsteini finnst mikilvægt að ráðherra setji
auknar hömlur á útflutning á óunnum fiski al-
mennt, ekki síst við núverandi aðstæður í þjóð-
félaginu. „Við þeirri þróun að slíkur útflutningur
aukist stöðugt þarf að sporna og tryggja að fisk-
ur veiddur í íslenskri landhelgi komi til vinnslu á
Íslandi, íslenska þjóðarbúinu til hagsbóta. Hefði
aflinn, sem sendur var út óunninn á síðasta fisk-
veiðiári, verið unninn á Íslandi hefði það skapað
mörg hundruð störf í fiskvinnslu og þjónustu-
greinum tengdum sjávarútvegi,“ sagði Aðal-
steinn og telur að um 1.000 störf gæti verið að
ræða nú, eftir að kvótinn hefur verið aukinn.
skapti@mbl.is
Vilja hömlur á útflutning óunnins fisks
Í HNOTSKURN
»Þorskkvóti á þessu fisk-veiðiári var nýlega auk-
inn úr 130 þúsund í 160 þús.
tonn.
»Útflutningur á óunnumfiski eykst ár frá ári og
um 20% í verðmætum milli
síðustu tveggja fiskveiðiára.
»Á síðasta fiskveiðiárivoru flutt út 56.548 t af
óunnum afla á erlenda fisk-
markaði, að verðmæti 12
milljarðar.
Morgunblaðið/Þorkell
HESTARNIR virðast heldur einmanalegir í hvítri auðninni. Þó að umhverfið
sé kuldalegt býr þessi þarfasti þjónn mannsins svo vel að vera í vetrarhárum
á þessum árstíma og finnur þess vegna ekki svo fyrir kuldanum. Greinilegt
er að hestarnir hafa valsað um víðáttuna og skilið eftir sig skýrar slóðir í
snjónum. Í heimspekilegri ró bíða þeir þess sem verða vill í íslenskri tíð og ís-
lenskri náttúru því bráðum kemur maðurinn með matinn.
Morgunblaðið/RAX
Í hvítri auðninni
EKKERT verður af byggingu
þriggja hæða mislægra gatnamóta
á Kringlumýrarbraut og Miklu-
braut líkt og að hafði verið stefnt.
Staðfesti borgarráð á fundi í gær
niðurstöðu samráðshóps um um-
ferðarmál á gatnamótunum. Eftir
að hópurinn hafði farið yfir um-
ferðartölur og önnur gögn náðist
samstaða um að í stað mislægra
gatnamóta á þremur hæðum yrði
Miklabraut lögð í stokk en núver-
andi gatnamót héldu sér að öðru
leyti. Sameiginleg bókun borg-
arráðs var svohljóðandi:
„Borgarráð fagnar niðurstöðu
starfshópsins og þeirri lausn sem
þar er kynnt vegna framkvæmda
við Miklubraut/Kringlumýr-
arbraut. Borgarráð þakkar starfs-
hópnum góð störf og þá samstöðu
sem nú hefur, með þverpólitísku
samráði og öflugri aðkomu íbúa-
samtaka, verið tryggð um þetta
brýna hagsmunamál borgarbúa.“
Gatnamótin
ekki á þremur
hæðum
NORRÆNA byrjar að sigla til Ís-
lands í næstu viku. Hún siglir sam-
kvæmt vetraráætlun til Seyð-
isfjarðar á þriðjudögum og fer aftur
út á miðvikudagskvöldum. Í vetr-
aráætlun siglir hún frá Esbjerg í
Danmörku um Þórshöfn í Færeyjum
til Seyðisfjarðar. Sumaráætlun hefst
13. júní. Þá siglt til Hanstholm í Dan-
mörku. Ekki er lengur siglt til Nor-
egs og Skotlands.
Norræna
á leiðinni
SAMTÖK ferðaþjónustunnar for-
dæma ákvörðun sjávarútvegs-
ráðherra að heimila hvalveiðar og
segja með ólíkindum að slík ákvörð-
un skuli tekin af ráðherra sem er að
hætta störfum, segir m.a. í tilkynn-
ingu. „Ljóst er að ekki hefur verið
haft samráð við þá stjórn sem nú
situr og enn síður við þá sem eru að
mynda nýja stjórn en þar er mikil
andstaða við hvalveiðar. Varla get-
ur leikið vafi á því að næsta rík-
isstjórn afturkalli leyfið.“
Umfjöllun um Ísland erlendis hef-
ur verið neikvæð allt frá því er
bankarnir hrundu og hafa ýktar
lýsingar á óeirðum hér á landi ný-
lega bæst við í heimspressunni. Það
verður mikil vinna að endurreisa
ímynd Íslands. „Stórfelldar hval-
veiðar munu bæta í vandann.“
Óskiljanleg
ákvörðun
Könnun Land-ráðs sf. fyrir sam-
gönguyfirvöld fór fram í mars og
apríl 2008 og tók aðallega til tíma-
bilsins desember 2007 til febrúar
2008. Um 750 manns tóku þátt í
könnuninni og var svarhlutfallið
56 prósent.
Könnunarstaðir voru höfuðborg-
arsvæðið, Árborg, Reykjanesbær
og Akranes, Ísafjörður, Akureyri og
Egilsstaðir.
Samkvæmt niðurstöðum könn-
unarinnar hefur dregið úr fjölda
lengri ferða út fyrir búsetusvæði
síðustu misseri. Fjöldi ferða er þó
svipaður og nokkur aukning er á
ferðum til höfuðborgarsvæðisins,
sérstaklega frá jaðarbyggðum
þess.
Mun færri nefndu Sundabraut
sem mikilvægustu framkvæmd við
samgöngukerfið en áður. Fleiri
nefndu helstu þjóðvegi út frá höf-
uðborgarsvæðinu.
Rúmlega 70 prósent voru hlynnt
því að helstu umferðaræðar á höf-
uðborgarsvæðinu væru settar í
göng eða stokka. Rúmlega 50 pró-
sent telja lestarkerfi á höfuðborg-
arsvæðinu æskilegt.
Dregið hefur úr fjölda lengri ferða