Morgunblaðið - 12.03.2009, Side 25

BRÉF TIL BLAÐSINS
MORGUNBLAÐIÐ FIMMTUDAGUR 12. MARS 2009
SÚ ÓSVÍFNA aðför að seðla-
bankastjórum undanfarna mánuði
sem viðhaldið er af fávísum frétta-
mönnum á sér engin fordæmi.
Fulltrúar fjölmiðla, sem virðast
vera pólitískir andstæðingar Davíðs
hafa þyrlað upp slíku moldviðri að
skyggni í sandstormi á Sahara-
eyðimörkinni er betra en í moldviðri
fréttamanna.
Framkoma spyrilsins í Kast-
ljósþætti ríkissjónvarpsins að kvöldi
þriðjudagsins 24. febrúar 2009 var
með því ósvífnasta sem sést hefur í
sjónvarpi. Fullyrðingar spyrilsins um
eitt og annað varðandi ásakanir á
hendur seðlabankastjóranum voru
rakalausar og varð hann (spyrillinn)
að éta allt ofan í sig í lok þáttarins.
Framkoma og svör seðla-
bankastjóra gerðu spyrilinn að við-
undri þar sem honum (spyrjanda)
varð orðfall hvað eftir annað þegar
seðlabankastjóri svaraði honum.
Hefði spyrlinum verið nær að kynna
sér það efni sem fjalla átti um en ekki
að vaða áfram með fleipur og raka-
lausar fullyrðingar.
Var augljóst og auðheyrt af spurn-
ingum og framkomu spyrils að ganga
átti frá æru seðlabankastjóra í eitt
skipti fyrir öll í þessu viðtali. Reyndin
varð önnur. Spyrillinn varð sér til há-
borinnar skammar og augljóst af
svörum bankastjórans að svo virtist
sem spyrillinn hefði dvalist á suð-
urpólnum síðustu 20 árin og ekki haft
tök á að fylgjast með gangi mála á Ís-
landi.
Hið pólitíska hefndaræði hefur
leikið fjölda Íslendinga grátt síðustu
mánuði þannig að þeir hafa leitað að
blóraböggli til að láta reiði sína bitna
á. Hafa pólitískir andstæðingar
bankastjórans ýtt undir óhróður
gegn Seðlabankanum og stjórn-
endum hans. Það sem vekur mesta
furðu við þetta framferði er að söku-
dólgarnir í falli íslensks bankakerfis
eru stikkfrí eins og ómálga börn voru
í mörgum leikjum í fyrri tíð.
Í hinu pólitíska moldviðri er hvergi
minnst á sök hinna svokölluðu útrása-
víkinga sem ætluðu og urðu moldríkir
á sparifé fjölda Íslendinga með fjár-
hættuspili sínu. Þessir fáu útrás-
arvíkingar virðast hafa komið út úr
fjármálakerfi landsins mörg hundruð
milljörðum sem þeir hyggjast nota
sjálfum sér og sínum til framfærslu á
meðan landar þeirra lepja dauðann
úr skel. Hver er skýringin á stofnun á
annað hundrað leynifyrirtækja í er-
lendum skattaparadísum. Hvort
þessum fjármunum hafi verið breytt í
„Rússagull“, „Inkagull“, „Afríkugull“
eða einhvers konar önnur verðmæti
verður hin þingskipaða rannsókn-
arnefnd að finna út
Ef forystumenn fjölmiðla á Íslandi
ekki biðja seðlabankastjórana afsök-
unar á þeim ósvífnu aðdróttunum í
garð þeirra sem stjórnuðu bankanum
er augljóst hið pólitíska innræti
þeirra sem stjórna fjölmiðlum.
Svör Davíðs Oddssonar seðla-
bankastjóra í Kastljósþættinum
gerðu spyrilinn kjaftstopp því spyrill-
inn hafði ekkert fram að færa annað
en fullyrðingar sem ónafngreindir
höfðu sagt honum. Virtist ástand
spyrilsins í lok þáttarins vera eins og
ástand keisarans í nýju fötunum þeg-
ar hann áttaði sig á að hann væri
klæðalaus.
Herra Davíð Oddsson og aðrir
bankastjórar Seðlabanka Íslands, þið
eruð hér með beðnir innilega afsök-
unar á órökstuddum fullyrðingum og
ósæmilegri framkomu hluta íslensku
þjóðarinnar. Þar sem undirritaður
telur sig vera Íslending leyfi ég mér
að biðjast afsökunar fyrir þann hluta
íslensk samfélags sem ég tilheyri.
KRISTJÁN GUÐMUNDSSON,
fv. skipstjóri.
Ósvífin aðför að Davíð Oddssyni
og öðrum bankastjórum
Frá Kristjáni Guðmundssyni
INDRIÐI H. Þorláksson, ráðuneyt-
isstjóri í fjármálaráðuneytinu, og
Stefán Ólafsson prófessor boðuðu
skattahækkanir á
fundi hjá Sam-
fylkingunni 4.
mars sl. Báðir eru
þeir talsmenn
þrepaskipts
skattkerfis, en
slíkt kerfi er flók-
ið í framkvæmd
og í raun tvöfalt
kerfi, því bæði
væri greidd stað-
greiðsla (eins og
nú er) og síðan yrði endanleg álagn-
ing eftirá og þá þyrfti að greiða við-
bótarskatt (þ.e. staðgreiðslu og
skatt sem lagður er á eftirá). Þetta
kerfi var við lýði til skamms tíma og
var kallað „hátekjuskattur“, en lagð-
ist á meðaltekjur og hærri, þannig
að flestir landsmenn lentu í þessum
„hátekjuskatti“. Enginn þarf að
efast um að verði slíkt kerfi tekið
upp aftur mun það með tímanum
færast neðar og neðar í launastig-
ann, þar til meðaltekjufólkið verður
allt komið í „hátekjuskatt“. Miklu
betra væri að hækka almenna skatt-
þrepið og hækka persónuafsláttinn
um leið, því núverandi kerfi er í raun
þrepaskiptur skattur og því hærri
sem tekjurnar eru, því hærri
skattprósenta er greidd.
Hér er sett upp dæmi um útreikn-
ing á núverandi sköttum og hvernig
skattar breyttust, ef skattprósenta
yrði hækkuð í 41,1% og persónu-
afsláttur yrði hækkaður í 50.000
krónur, sjá meðfylgjandi töflu:
Venjulega hljóðar áróðurinn á þá
leið, að ósanngjarnt sé að há-
tekjumenn greiði sömu prósentu af
launum sínum í skatt og lág-
tekjumaðurinn, en þannig er það alls
ekki í raun með núverandi kerfi.
Eins og sést af töflunni myndu
skattar lækka á lægri launum en
200.000 kr. á mánuði, en hækka
hratt eftir því sem ofar drægi í
launastiganum. Hér er ekki tekið til-
lit til neinna bóta, en þær eru allar
tekjutengdar og kæmu því lág-
tekjuhópunum til góða til viðbótar
við lægri skattgreiðslu.
Krafa um „þrepaskiptan“ tekju-
skatt er krafa um að flækja skatt-
kerfið svo mikið að það yrði fljótt
óskiljanlegt fyrir alla nema endur-
skoðendur og aðra skattasérfræð-
inga.
Það yrði mikil afturför.
AXEL JÓHANN AXELSSON,
bókari.
Skattahækkanir
Frá Axel Jóhanni Axelssyni
Axel Jóhann
Axelsson
Staðgr. 37,2% Staðgr., 41,1% Hækkun Hækkun
(Persónuafsl. Hlutfall af (Persónuafsl. Hlutfall af skatta skatta
Laun pr. mán.: kr. 42.205) tekjum í % kr. 50.000) tekjum í % í krónum í %
200.000 32.195 16,10 32.200 16,10 5 0,02
400.000 106.595 26,65 114.400 28,60 7.805 7,32
600.000 180.995 30,17 196.600 32,77 15.605 8,62
800.000 255.395 31,92 278.800 34,85 23.405 9,16
1.000.000 329.795 32,98 361.000 36,10 31.205 9,46
1.200.000 404.195 33,68 443.200 36,93 39.005 9,65
1.400.000 478.595 34,19 525.400 37,53 46.805 9,78
1.600.000 552.995 34,56 607.600 37,98 54.605 9,87
1.800.000 627.395 34,86 689.800 38,32 62.405 9,95
2.000.000 701.795 35,09 772.000 38,60 70.205 10,00
Aðalskipulag Grímsnes- og Grafningshrepps 2008-2020
Sveitarstjórn Grímsnes- og Grafningshrepps auglýsir hér með tillögu að aðalskipulagi Grímsnes- og Grafnings
2008-2020.
Samkvæmt 18. gr. skipulags- og byggingarlaga nr. 73/1997 með síðari breytingum, sbr. einnig lög um um-
hverfismat áætlana nr. 105/2006, er hér með lýst eftir athugasemdum við tillögu að aðalskipulagi Grímsnes og
Grafnings 2008-2020. Aðalskipulagsuppdrættir, greinargerð og umhverfismat (sbr. lög nr. 105/2006), ásamt
athugasemdum Skipulagsstofnunar og öðrum fylgigögnum munu liggja frammi til sýnis á skrifstofu Grímsnes-
og Grafningshrepps að Borg, frá og með 12. mars 2009 til og með 23. apríl 2009. Ennfremur verður tillagan til
sýnis á Skipulagsstofnun, Laugavegi 166, 150 Reykjavík, og hjá embætti skipulags- og byggingarfulltrúa að
Dalbraut 12, 840 Laugarvatni. Skipulagsgögn má einnig nálgast á vef Grímsnes- og Grafningshrepps
www.gogg.is og á slóðinni www.sveitir.is/skipulagsfulltrui/auglysingar.
Þeim, sem telja sig eiga hagsmuna að gæta, er hér með gefinn kostur á að gera athugasemdir við tillöguna og
skal þeim skilað til Grímsnes- og Grafningshrepps eigi síðar en 23. apríl 2009 og skulu þær vera skriflegar. Þeir
sem ekki gera athugasemdir við tillöguna innan ofangreinds frests, teljast samþykkja hana.
Pétur Ingi Haraldsson
Skipulagsfulltrúi uppsveita Árnessýslu og Flóahrepps
Í UPPSVEITUM ÁRNESSÝSLU OG FLÓAHREPPI
Bláskógabyggð, Grímsnes-og Grafningshreppi, Hrunnamannahreppi, Skeiða-og Gnúpverjahreppi og Flóahreppi
AUGLÝSING UM SKIPULAGSMÁL