Nýtt kvennablað - 01.04.1946, Blaðsíða 8

Anna og Poul Reumert (1934)
sínu. Veit ég, að það hefur ekki verið sársauka-
laust, því að Anna Borg er viðkvæm og ástúðleg
kona, og móðurást á hún í ríkum mæli.
„Það var 21. marz 1945 kl. 11. Það var síðasta
æfing á leikritinu „Kjartan og Gudrun", sem
búið var að auglýsa fiumsýningu á daginn eftir.
í sama augnabliki og ég kom. inn á leiksviðið,
hófst loftárás á borgina, allir fóru í loftvarna-
byrgi. Að árásinni lokinni var aftur tekið til
starfa. Það er erfitt að lýsa því hugarástandi,
sem ríkti hjá okkur, sem urðum að halda áfram
verki okkar á leiksviðinu. Ekki var leyft að fara
út á götuna eða grennslast eftir nánari upplýsing-
um — maður var örmagna. Ég mátti ekki hringja
heim til þess að vita, hvernig sonum mínum liði,
sem voru í skóla í nágrenni við árásarsvæðið. Við
fréttum, að búið væri að sprengja Shellhúsið,
háborg Þjóðverja, en um leið hafði skólahús,
,sem var þar í nánd, verið eyðilagt og mörg
hundruð saklaus börn látið lífið. Við vissum,
að foreldrar og ástvinir barnanna leituðu í ör-
vinglan að börnum sínum.
Ég einbeitti huganum að rósemi og sannfærð-
ist um, að ég gat ekkert aðhafzt, nema það eitt
að gera skyldu mína í leikstarfinu og máske með
því móti hrifið einhvern úr angistarástandi til
þess að hugsa um fjarskylt efni, og um leið sanna
það, að leiklist er ekki eingöngu til skemmtun-
ar“. (Ej blot til Lyst).
6
Ég veit, að Anna Borg hefur verið stoð og
stytta margra íslendinga, sem hafa dvalið í Kaup-
mannahöfn, og þá sérstaklega á hernámsárunum.
Málsvari íslands hefur hún verið af hjarta þegar
þess hefur þurft. 4. febrúar síðastl. átti hún t. d.
upptök að því, að magister Westergaard-Nielesn
var fenginn til þess að halda fyrirlestra um ís-
land í „Kvindernes Diskussionsklub" um afstöðu
íslendinga gagnvart uppsögn sambandslaganna.
Var fyrirlesaranum prýðilega tekið. Hélt hann þó
á málinu eins og bezti íslendingur. Margir merk-
ir menn og konur tóku til máls á eftir, en eins
og fundarstjóri, prófessorsfrú Richard Petersen,
sagði er hún þakkaði ræðumönnum öllum: „Hér
urðu engar kappræður, fyrirlesarinn sá um það,
hann sannfærði alla um rétt íslendinga í sam-
bandsmálinu".
Ég var gestur Önnu Borg þetta kvöld. Hún
er ein 1 stjórn klúbbsins. Get ég ekki með orðum
lýst fögnuði Önnu yfir því, hvað þetta hafði
tekizt vel.
Eins og kunnugt er var talað um andúð af
hálfu Dana f okkar garð eftir sambandsslitin.
Líklega hefur verið gert meira úr því en skyldi.
En hvað um það. Þarna notaði Anna Borg að-
stöðu sína til þess að fá þennan draug kveðinn
niður á þessum stað, og það á eftirminnilegan
hátt.
Þannig mætti lengi telja og frá mörgu segja
NÝTT KVENNABLAÐ