Morgunblaðið - 05.09.2009, Qupperneq 14

14 FréttirINNLENT
MORGUNBLAÐIÐ LAUGARDAGUR 5. SEPTEMBER 2009
ÞEIR geta verið roggnir af skólanum sínum,
snáðarnir tveir sem hér eru uppteknir við vega-
saltið á skólalóðinni. Í gær fagnaði leikskólinn
Grandaborg nýrri viðbyggingu sem og gagn-
gerum endurbótum á eldra húsnæði og var mik-
ið um dýrðir af því tilefni. Í skólanum eru nú 82
börn á fjórum deildum og hafa guttarnir atarna
því fjölmarga leikfélaga innan seilingar. Eflaust
mun sá fríði flokkur kunna vel að meta nýjung-
arnar og þá aukningu á leiksvæði sem breyting-
arnar höfðu í för með sér, en m.a. var leik-
skólagarðurinn stækkaður til muna.
Grandaborg fagnar viðbyggingu og gagngerum endurbótum á aðstöðu
Morgunblaðið/Heiddi
Skemmta sér í skínandi fínum leikskólagarði
Eftir Skapta Hallgrímsson
skapti@mbl.is
ALLIR sem sækja um nám í þroska-
þjálfun við Háskóla Íslands, og hafa
til þess tilskilin réttindi, fá inngöngu,
segir Vilborg Jóhannsdóttir, lektor
við HÍ og námsbrautarstjóri þroska-
þjálfabrautar. Miðað er við stúdents-
próf eða 25 ára aldur.
Salóme Þórisdóttir, formaður
Þroskaþjálfafélags Íslands, segir
vissulega rétt að þroskaþjálfa vanti á
sambýli fatlaðra en það sé mikil ein-
földun hjá Sigríði Kristjánsdóttur,
framkvæmdastjóra Svæðisskrifstofu
fatlaðra á Reykjanesi, í Morgun-
blaðinu í vikunni, að ástæðan sé fyrst
og fremst sú að Háskóli Íslands út-
skrifi ekki nógu marga. „Málið snýst
miklu frekar um aðstæður þeirra
sem fagmanna í búsetuþjónustu fatl-
aðra. Þær hafa ekki verið góðar,“
segir Salóme við Morgunblaðið.
Langflestir þroskaþjálfar sækja í
störf í leik- og grunnskólum. Ástæð-
una segir Salóme ekki síst að vakta-
vinna þyki ekki spennandi, en fyrst
og fremst þyki þroskaþjálfum launin
þó allt of lág.
Starf þroskaþjálfa er lögverndað
en ekkert er í lögum eða reglum,
segir Salóme, um að þroskaþjálfi
þurfi að starfa á sambýli enda hafi
sum þeirra verið rekin árum saman
án þess að þar væri starfsmaður með
slíka menntun, „og það er mjög
slæmt fyrir umbjóðendur okkar,
fatlaða fólkið“.
Ófaglært starfsfólk er í miklum
meirihluta á sambýlum, segir hún.
Allir vilji þeir auðvitað vel en ekki sé
hægt að ætlast til að þeir leysi nauð-
synleg verkefni jafn vel af hendi og
faglærðir.
Sambýli í Kópavogi komst í fréttir
í síðustu viku þegar sumarstarfs-
maður fótbrotnaði þegar hann flúði
undan heimilismanni. „Í þjónustu við
fatlaða gerast oft hlutir sem þarf
mikla fagþekkingu til að taka á,“
segir Salóme.
Ef hún er spurð um mikilvægi
þess að þroskaþjálfi sé á sambýli
spyr hún stundum á móti hvort fólk
vilji liggja á sjúkrahúsi í viku án þess
að hitta lækni allan tímann og hugs-
anlega hjúkrunarfræðing í tvo tíma.
Sjúkraliði kæmi kannski stöku sinn-
um en aðrir starfsmenn væru skóla-
fólk. „Þetta er sambærilegt. Það er
flókið að sjá um fatlað fólk í daglegu
lífi og í dag eru alltof margir sem fá
ekki þá þjónustu sem þeir eiga skil-
ið,“ segir formaður Þroskaþjálfa-
félagsins.
Mörg sambýli án þroskaþjálfa
 Allir sem vilja, og hafa til þess tilskilin réttindi, komast í þorskaþjálfanám í HÍ  Ekkert í lögum eða
reglum um að þroskaþjálfi þurfi að vera fyrir hendi á sambýli  „Mjög slæmt fyrir umbjóðendur okkar“
Eftir Líneyju Sigurðardóttur
Þórshöfn | Síldarvertíð er enn í full-
um gangi á Þórshöfn og við höfnina
hefur því verið mikil athafnasemi
þegar skipin koma í röðum til að
landa síld, taka frystar afurðir eða
mjöl frá bræðslunni. Undanfarnar
sex vikur hefur verið unnið sam-
fleytt á sólarhringsvöktum við síld-
arbræðslu í verksmiðju Ísfélagsins.
Þessi sumarsíld úr norsk-íslenska
stofninum hefur verið góð hingað
til og veiðist núna grunnt undan
Norðausturlandi svo það er stutt
sigling til Þórshafnar. Búið er að
bræða tæp 37.000 tonn og mjölinu
hefur þegar verið skipað út til Nor-
egs að mestu leyti þar sem það er
nýtt sem fiskeldisfóður og er verðið
nokkuð gott, að sögn Rafns Jóns-
sonar rekstrarstjóra hjá Ísfélaginu.
Mikil vinna við síldarfrystingu
Síldarfrysting hófst í júní, rólega
til að byrja með en jókst þegar leið
á og stóran hluta ágústmánuðar
hefur verið unnið á sólarhrings-
vöktum við frystinguna og leita
hefur þurft eftir mannskap í næstu
byggðarlögum til að manna bæði
vaktir við frystingu, upp- og útskip-
anir og landanir. Rífandi vertíð-
arstemming hefur því ríkt á Þórs-
höfn og allir vinna sem vettlingi
geta valdið; „það er nógur tími til
að sofa í vetur,“ sagði einn starfs-
maðurinn í síldinni. Sumardval-
argestir hafa jafnvel skellt sér á
síldarvakt og sagði ung Reykjavík-
urstúlka það hafa verið skemmti-
lega upplifun en hún hafði ekki áð-
ur kynnst slíkri vinnu. Það eru líka
uppgrip fyrir unglingana á Þórs-
höfn að komast í svona tarnavinnu
en þeir ná þarna í góðan skilding
sem kemur sér vel þegar burt er
haldið í framhaldsskólana. Það sem
af er sumri þá hafa verið fryst um
2.000 tonn af síldar- og makríl-
afurðum sem er að mestu farið á
Austur-Evrópumarkað og er
þokkalegt verð á þeim, að sögn Sig-
geirs Stefánssonar framleiðslu-
stjóra.
Veiðistjórnun á makríl
Makríllinn hefur verið í æ meira
magni sem meðafli með síldinni og
er hlýnun sjávar talin ein af ástæð-
um þess. Á Þórshöfn telja menn að
gæfulegast hefði verið að kvóta-
setja makrílinn strax í upphafi eða
nota einhverja aðra stýriaðferð og
vinna hann til manneldis fremur en
að setja hann í bræðslu sem með-
afla sem þýðir margfalt lægra verð
fyrir afurðirnar.
Vertíðarbragur á Þórshöfn
Morgunblaðið/Líney Sigurðardóttir
Síld Mikil vinna er á Þórshöfn þessa dagana því að síldin veiðist ágætlega.
HLYNUR Jóns-
son, formaður
skilanefndar
SPRON, hefur
verið kallaður
fyrir Héraðsdóm
Reykjavíkur mið-
vikudaginn 10.
september næstkomandi.
Þar mun Grímur Sigurðsson hrl,
lögmaður Davíðs Heiðars Hans-
sonar, spyrja Hlyn hver var seljandi
stofnfjárbréfa í SPRON að upphæð
rúmar 55 milljónir króna, sem Dav-
íð keypti í júlí 2007. Hlynur hefur
áður neitað að svara þessari spurn-
ingu, en Hæstiréttur hefur dæmt að
honum sé skylt að svara spurning-
unni fyrir dómi.
Ef í ljós kemur að seljandinn var
stjórnarmaður í SPRON, hyggst
Davíð höfða mál og krefjast þess að
kaupverðið verði endurgreitt.
sisi@mbl.is
Svarar því í
næstu viku hver
seldi í SPRON
SAMFOK, sam-
tök foreldra
grunnskólabarna
í Reykjavík, hafa
ráðið nýjan
framkvæmda-
stjóra, Guðrúnu
Valdimars-
dóttur, til starfa.
Guðrún er með
hagfræðipróf frá
Háskóla Íslands.
Hún hefur áður starfað m.a. sem
framkvæmdastjóri Landssambands
hestamannafélaga, hagfræðingur
hjá OR, fararstjóri, blaðamaður og
ritstjóri.
Nýr framkvæmda-
stjóri SAMFOKs
Guðrún
Valdimarsdóttir
Byrjunarlaun þroskaþjálfa,
strax eftir að námi lýkur, eru
246.008 krónur hjá ríkinu, segir
Salóme Þórisdóttir, formaður
Þroskaþjálfafélags Íslands.
Samsvarandi laun hjá Reykja-
víkurborg eru 263.068 krónur.
Ríkið rekur Svæðisskrifstofur
fatlaðra en sveitarfélögin reka
leik- og grunnskólana.
Salóme segir líklegt að
þroskaþjálfi um þrítugt, sem
starfað hefur í nokkur ár hjá
Reykjavíkurborg, sé með um
það bil 270.000 króna mán-
aðarlaun.
Ríkið greiðir minna
Salóme
Þórisdóttir
Vilborg
Jóhannsdóttir
„EF strandveiðifiskurinn hefði ekki
komið inn á markaðinn, hefðum við
lent í verulegum erfiðleikum með
að útvega hráefni inn á okkar mik-
ilvægustu ferskfiskmarkaði erlend-
is,“ segir Jón Steinn Elíasson, for-
maður Samtaka fiskframleiðenda
og útflytjenda.
Hann er ósammála Sigurði
Sverrissyni, talsmanni LÍÚ, um að
strandveiðarnar séu sóun á verð-
mætum. „Í þessu tilfelli er ekki ver-
ið að taka aflaheimildir frá öðrum
sjómönnum eins og Sigurður talar
um, þetta er hrein viðbót sem kem-
ur sér vel fyrir aðra sem vilja
stunda þessa kjölfestuatvinnugrein
sem allir landsmenn eiga rétt á.
Enda voru það margir kvóta-
eigendur sem nýttu sér þessa
strandveiðiúthlutun.“
Mikilvægt fyrir er-
lenda markaði