Morgunblaðið - 05.09.2009, Page 20

20 FréttirVIÐSKIPTI | ATVINNULÍF
MORGUNBLAÐIÐ LAUGARDAGUR 5. SEPTEMBER 2009
Þetta helst ...
● KRÓNAN veiktist um 0,3% í gær og
stendur gengisvísitalan í 234 stigum,
samkvæmt upplýsingum frá gjaldeyr-
isborði Íslandsbanka. Dollarinn kostar
126,7 krónur, evran 180,7 krónur og
danska krónan í 24,2 krónur.
Úrvalsvísitalan í Kauphöllinni á Ís-
landi hækkaði um 2,6% í gær og er
lokagildi hennar 820 stig. Viðskipti
með hlutabréf námu um 102 milljónum
króna. Viðskipti með skuldabréf námu
hins vegar um 16,1 milljarði króna.
gretar@mbl.is
Krónan veiktist í gær
● FYRIRTÆKIÐ Bergplast, sem hefur
framleitt plastumbúðir frá árinu 1996,
hefur tekið yfir eignir þrotabús Reykja-
lundar plastiðnaðar í Mosfellsbæ,
samkvæmt samningi fyrirtækisins við
iskiptastjóra búsins. Alls bárust 22 til-
boð í þrotabúið.
Segir í tilkynningu frá Bergplasti að
það sé von aðstandenda fyrirtækisins
að samningar muni takast um ráðningu
sem flestra starfsmanna Reykjalund-
ar plastiðnaðar til áframhaldandi starfa.
Eigendur Bergplasts eru Magnús P.
Karlsson og Hallgrímur Axelsson. Þá
koma tveir nýir hluthafar inn í félagið
tengt yfirtökunni, þeir Ágúst Bjarki
Magnússon og Bjarni Axelsson.
gretar@mbl.is
Bergplast yfirtekur
eignir Reykjalundar
● ÍSLAND, Lett-
land og Pakistan
voru meðal þeirra
hagkerfa heimsins
sem harðast urðu
úti í kjölfar falls
Lehman Brothers,
bandaríska fjár-
festingarbankans,
sem leiddi til falls
ríkisstjórna, mótmæla á almannafæri
og aukins ofstækis. Þetta er meðal
þess sem segir í grein í breska blaðinu
The Guardian.
Í kafla um Ísland er sagt að þar sé
annar angi í fréttinni að koma í ljós – að
hrunið hafi ekki verið venjulegt hrun.
Sett hafi verið á laggirnar rannsókn
vegna gruns um saknæmt athæfi
helstu bankanna. mbl.is
Ekkert venjulegt hrun
og Ísland varð verst úti
TALIÐ er að fjármálaráðherrar og seðlabankastjór-
ar G20 ríkjanna séu sammála um nauðsyn þess að
ríkin haldi áfram að stuðla að aðgerðum til að örva
efnahagslíf heimsins. Segir í frétt á fréttavef Wash-
ington Post að þetta verði ein af meginniðurstöðum
fundar ráðherranna og seðlabankastjóranna sem
lýkur í London í dag en þeir funduðu einnig í gær.
Ráðherrarnir og seðlabankastjórarnir funda í
London til að undirbúa leiðtogafund G20 ríkjanna,
þ.e. tuttugu helstu iðnríkja heims, sem haldinn verð-
ur í Pittsburgh í Bandaríkjunum 24. og 25. sept-
ember. Leiðtogar stærstu Evrópuríkjanna, Þýska-
lands, Frakklands og Bretlands, hafa látið í ljós þá
skoðun að þeir telji mikilvægt að á fundi G20
ríkjanna verði ákveðnar takmarkanir á arðgreiðslur
til bankastjórnenda. Washington Post segir hins
vegar litlar líkur á því að leiðtogafundurinn muni
fallast á þær hugmyndir. Vísað blaðið í ummæli
Timothy F. Geithners, fjármálaráðherra Bandaríkj-
anna, því til staðfestingar, þar sem hann gerir
minna úr þessu máli en leiðtogar Evrópuþjóðanna.
gretar@mbl.is
Sammála um þörf á aðgerðum áfram
Eftir Þorbjörn Þórðarson
thorbjorn@mbl.is
NORSKIR fjárfestar eru nú hér á
landi í boði Svein Harald Øygard,
fyrrverandi seðlabankastjóra, en
þeir hafa áhuga á að koma að end-
urreisn íslensks efnahagslífs.
Fjárfestarnir eru undir forystu
Endre Røsjø, Norðmanns með ára-
tugareynslu af fjárfestingum. „Til-
gangur veru okkar hér er að skoða
kauptækifæri á Íslandi,“ segir
Røsjø sem er hér á landi í þriðja
sinn en það var Øygard sem átti
frumkvæði að komu hans hingað til
lands.
Í banka, sjónvarpi og síma
Røsjø vill, ásamt öðrum norskum
fjárfestum í gegnum félagið First
Securities, koma að stofnun fjár-
festingarsjóðs með íslenskum lífeyr-
issjóðum. Í gær fundaði hann með
Øygard og fulltrúum íslenskra líf-
eyrissjóða með það fyrir augum að
stofna slíkan sjóð. Røsjø, sem er frá
Ósló, hefur komið víða við, en fyr-
irtæki hans, Pinemont Securities, er
framarlega í skuldabréfamiðlun í
Noregi. Hann átti um tíma tvo
banka í Bandaríkjunum sem hann
seldi síðar með góðum hagnaði.
Hann kom einnig að stofnun sjón-
varpsstöðvarinnar TV3 og fjar-
skiptafyrirtækisins Tele 2 sem hann
átti þátt í að byggja upp frá grunni
með sænska athafnamanninum Jan
Steinbeck heitnum.
Røsjø segist vera íhaldssamur og
varfærinn bankamaður og sér mikil
tækifæri á Íslandi, en vill þó aðeins
koma að fjárfestingum í samstarfi
við trausta innlenda aðila. Í
tengslum við fjárfestingar sínar á
Íslandi leitar hann nú að starfs-
krafti.
„Ég þarf að finna íslenskan for-
stjóra til að gæta hagsmuna minna
hér á landi,“ segir hann, en hann
hefur fundað síðustu daga með vel
menntuðum Íslendingum sem koma
til greina í starfið. Hann segir aldur
ekki skipta máli, svo lengi sem
menn séu hæfir, en hann gerir að
eigin sögn mjög ríkar kröfur.
Á í viðræðum við MP Banka
Óháð fjárfestingum með öðrum á
hann nú í viðræðum við eigendur
MP Banka um hlutafjáraukningu í
fyrirtækinu. „Ég er alvarlega að
íhuga að kaupa fyrir 50-60 milljónir
norskra króna [1-1,2 milljarðar ís-
lenskra króna] í formi nýs hlutafjár
í MP Banka,“ segir Røsjø, en hann
á sem stendur í viðræðum við Mar-
geir Pétursson, stofnanda og stjórn-
arformann MP, um mögulega kaup.
Norskir fjárfestar á
Íslandi í boði Øygard
Forsvarsmaður hópsins hefur komið víða við í fjárfestingum
Morgunblaðið/Eggert
Varkár Endre Røsjø sér mikil tæki-
færi í fjárfestingum á Íslandi.
Eftir Grétar Júníus Guðmundsson
gretar@mbl.is
SAMDRÁTTURINN í lands-
framleiðslunni á fyrri helmingi
þessa árs er minni en almennt var
spáð. Samdrátt-
urinn var hins
vegar meiri en
sést hefur hefur
lengi. Gylfi Arn-
björnsson, forseti
Alþýðusambands
Íslands, segist
óttast að um sé að
ræða tilfærslu í
tíma og að sá
samdráttur sem
ekki kom fram á fyrri helmingi árs-
ins muni gera það nú á haustmán-
uðum.
Landsframleiðslan er talin hafa
dregist saman um 2,0% að raungildi
frá fyrsta fjórðungi þessa árs til ann-
ars ársfjórðungs, samkvæmt upplýs-
ingum frá Hagstofu Íslands. Fyrstu
sex mánuði ársins er lands-
framleiðslan hins vegar talin hafa
dregist saman um 5,5% að raungildi
samanborið við sama tímabil í fyrra.
„Það er engin launung á því að
þetta eru jákvæðari niðurstöður en
spáð var,“ segir Gylfi. „Við fundum
það í sumar að það voru meiri umsvif
í hagkerfinu en spáð hafði verið. Ice-
save-málið tók hins vegar mikinn
kjark úr landsmönnum. Ég ætla
ekki að gera lítið úr áhyggjum
manna af þessum skuldum, sem eru
skelfilegar, en það er ekki mjög upp-
byggilegt að rökræður séu heitar
um það að við sem þjóð séum gjald-
þrota. Það hvetur ekki til mikilla
framkvæmda eða þróttmikillar upp-
byggingar. Þess vegna óttumst við
að sá samdráttur sem ekki kom fram
á fyrri helmingi ársins muni koma
fram nú á haustmánuðum. Mér
finnst það áhyggjuefni að það er enn
verið að tala okkur niður. Það er
óþarfi. Eina leiðin til að vinna okkur
upp er að við náum tökum á efna-
hagsmálunum, gjaldeyrinum, vaxta-
stiginu og umfram allt atvinnustig-
inu,“ segir Gylfi
Samdráttur undir spám
Morgunblaðið/Eggert
Dugar ekki Lágt raungengi íslensku krónunnar hefur ekki dugað til að
stuðla að vexti í útflutningi á undanförnum misserum.
Forseti ASÍ óttast
að samdrátturinn
komi fram síðar
Gylfi Arnbjörnsson
Í HNOTSKURN
» Fjármálaráðuneytið spáði9,6% samdrætti á árinu og
Seðlabankinn 9,9%.
» Samdráttur í fjárfest-ingum, einkaneyslu og inn-
flutningi vegur þungt í þeim
samdrætti sem orðið hefur.
HLUTI af samkomulagi Byrs við er-
lenda kröfuhafa felur í sér að spari-
sjóðurinn skuldbindi sig til þess að
greiða ekki út arð til stofnfjáreig-
enda næstu árin, samkvæmt heim-
ildum Morgunblaðsins.
Eins og Morgunblaðið greindi frá
í gær er endurskipulagning spari-
sjóðsins nú á lokastigi en allir helstu
kröfuhafar Byrs, alls nítján að tölu,
hafa skrifað undir bindandi sam-
komulag sem felur í sér að þeir fella
niður verulegan hluta krafna sinna á
hendur sparisjóðnum.
Hluti af samkomulaginu er blátt
bann við arðgreiðslum til stofnfjár-
eigenda, en það er gert m.a. af sann-
girnisástæðum. Hugmyndafræðin
sem býr að baki er að eðlilegt sé að
kröfuhafar bankans njóti góðs af ef
afkoma sparisjóðsins er jákvæð.
Þessi liður samkomulagsins er þó
ófrágenginn, samkvæmt heimildum.
13,5 milljarða arðgreiðsla til stofn-
fjáreigenda Byrs á síðasta ári olli
nokkrum deilum. Tekin var ákvörð-
un um arðgreiðsluna, sem var vegna
rekstrarársins 2007, í apríl 2008.
Hagnaður af rekstri Byrs á árinu
2007 var 7,9 milljarðar króna sam-
kvæmt samstæðuársreikningi ársins
2007. Því var greiddur út 5,6 millj-
örðum hærri arður en sem nam
hagnaði þess árs.
Umsókn Byrs um 10,6 milljarða
stofnfjárframlag frá ríkissjóði er
ófrágengin í fjármálaráðuneytinu.
thorbjorn@mbl.is
Morgunblaðið/Kristinn
BYR sparisjóður Frá aðalfundi
sparisjóðsins í maí síðastliðnum.
Vilja banna
arðgreiðslur
UNNIÐ var að
því í gær að ná
fram efnislegu
samkomulagi
stjórnvalda og
skilanefndar
Glitnis um upp-
gjör vegna eigna
sem færðar voru
úr Glitni yfir í Ís-
landsbanka í kjölfar bankahrunsins
á síðasta ári, samkvæmt heimildum
Morgunblaðsins. Stefnt mun vera
að því að undirrita samninga um
uppgjör í næstu viku.
Heimildir Morgunblaðsins herma
einnig að ágætur gangur sé í við-
ræðum um uppgjör Landsbankans
og að þær gangi samkvæmt áætlun.
Í fyrradag var undirritaður
samningur um uppgjör vegna eigna
sem færðar voru úr Kaupþingi yfir
í Nýja Kaupþing. Kröfuhafar bank-
ans gætu eignast 87% í Nýja Kaup-
þingi innan tíðar. gretar@mbl.is
Samningar í
næstu viku
    

 







 

 


 






 


 


● LITHÁEN, sem
glímir við mikla
fjármálakreppu
heima fyrir, gæti
hugsanlega tekið
upp evru um miðj-
an næsta áratug,
svo fremi að land-
ið nái tökum á rík-
isfjármálunum.
„Miðað við núverandi ástand þá ætt-
um við að horfa til miðs næsta áratugar
en allt veltur á því að dregið verði úr
fjárlagahallanum,“ segir Günter Ver-
heugen, sem fer með iðnaðar- og fyr-
irtækjamál í framkvæmdastjórn Evr-
ópusambandsins.
Verheugen segir að Litháen sé á
réttri leið til að taka upp evruna.
mbl.is
Evra hugsanleg um
miðjan næsta áratug