Monitor - 07.10.2010, Blaðsíða 10
10 Monitor FIMMTUDAGUR 7. OKTÓBER 2010
Kannski væri
það erfitt ef hún
væri með einhverjum
hræðilegum manni en
Hannes er frábær.
epli til að örva munnvatnskirtlana svo ég myndi ekki
þorna í munninum uppi á sviði. Ég veit ekki enn
hvort það virkar.
Heldurðu að þú hefðir náð lengra en Jóhanna
Guðrún og skilað okkur 1. sætinu ef Íslendingar
hefðu kosið þig áfram? Ég veit það ekki því Jóhanna
Guðrún hefur þetta norræna útlit
sem ég hef ekki og hún var líka með svo svakalega
flott atriði. Hún var algjör stjarna á sviðinu. Þegar
ég hugsa um það þá hafa Austur-Evrópulönd samt
gengið vel undanfarin ár og þar kem ég sterk inn
með útlitið mitt. Ég gæti alveg málað mig smá og
litið út eins og einhver pía frá Austur-Evrópu. Ég
myndi allavega vera þjóð minni til sóma í Eurovision
og gera það sem Selmu Björns tókst aldrei.
Hvað finnst þér um athyglina sem fylgir skemmt-
anabransanum? Hún bara fylgir. Meira að segja
elítugrúppíur eru framan á Séð og heyrt svo það þarf
ekki mikið til að komast þangað. Ef það væri hægt að
sleppa við athyglina þætti mér það fínt.
Það birtist forsíðufrétt hjá Séð og heyrt þegar þú
hættir með fyrrverandi kærastanum þínum. Er ekki
erfitt að sjá fyrirsagnir framan á slúðurblöðum um
einkalíf sitt? Jú, það er það. Ég varð bara að hlæja að
þessu. Það var eina leiðin til að sætta mig við þetta.
Ég var nýskriðin úr menntaskóla og það þótti frétt-
næmt að ég og kærastinn minn værum hætt saman,
sem er mjög skrítið. Mamma og pabbi hjálpuðu mér
samt að taka þessu með ró því þau eru náttúrulega
vön svona athygli.
Var óþægilegt hversu mikla athygli skilnaður
foreldra þinna fékk frá fjölmiðlum? Það var alveg
glatað. Ég reyndi að sniðganga verslanir og sjoppur
alveg meðan þetta var á forsíðunni. Þetta hefur
meiri áhrif en maður heldur því það eru svo margir
sem tala um, hafa skoðanir á og beinlínis nærast á
einhverju svona slúðri.
Finnst þér allir vera með nefið ofan í öllu á Íslandi?
Algjörlega. Það hefðu alltaf spunnist sögur um
skilnaðinn en þegar það er sett risastór fyrirsögn
framan á forsíðu með þessu þá verður þetta svo
miklu leiðinlegra.
Hvernig líður þér með þetta allt saman? Ég hugsa
ekki mikið um þetta núna enda orðin 21 árs gömul
og þannig séð ekki eiginlegt skilnaðarbarn. Ég á hins
vegar tvær yngri systur svo þetta var held ég erfiðara
fyrir þær. Ég er stór stelpa og bý hvorki hjá mömmu
né pabba svo þetta er þægilegra fyrir mig.
Er fólk mikið að spyrja þig út í skilnaðinn? Ekkert
svo mikið en ég vil frekar að það spyrji en tali
um þetta bak við mig. Ég er ekkert viðkvæm fyrir
spurningum um einkalífið svo framarlega sem þær
eru innan skikkanlegra marka.
Finnst þér erfitt að mamma þín sé með öðrum
manni? Kannski væri það erfitt ef hún væri með
einhverjum hræðilegum manni en Hannes er frábær
svo það er allt í góðu þó það hafi að sjálfsögðu
verið skrítið í fyrstu. Mér finnst aðallega fyndið að
mamma skuli eiga kærasta því það hljómar ekki
mjög fullorðinslega fyrir mér.
Kallarðu hann pabba? Það myndi aldrei gerast.
Er vandræðalegt að vinna með Hannesi í Buddy
Holly? Alls ekki, það er bara mjög skemmtilegt.
Kom aldrei neitt annað til greina en skemmtana-
bransinn? Þegar ég var lítil langaði mig helst að
verða leikkona eins og pabbi. Svo hvarf það og þá
vildi ég verða söngkona eins og mamma. Á tímabili
langaði mig líka mjög mikið til að verða þjálfari í
fótbolta því ég æfði fótbolta og var alveg svakalega
góð í að peppa upp liðið og hafði góðan leikskilning
þó ég væri kannski ekki sú tæknilegasta eða skoraði
mörkin.