Monitor - 17.02.2011, Blaðsíða 4

4 Monitor FIMMTUDAGUR 17. FEBRÚAR 2011
Kominn tími til að
dusta af sér rykið
Hljómsveitin Lights On The Highway er risin úr rekkju.
Þeim finnst skemmtilegast að „covera“ Trúbrot en vilja
ekki gera upp á milli Friðriks Dórs og Friðriks Ómars.
LIGHTS ON THE HIGHWAY EÐA SNOOPY?
ÞAÐ ER ENGIN LEIÐ AÐ ÞEKKJA MUNINN
Hljómsveitina Lights On The Highway þekkja
flestir rokkhundar Íslands. Í gegnum árin hafa
þeir notið mikilla vinsælda en lítið hefur farið
fyrir strákunum undanfarið ár. Nú eru þeir að
skríða úr dvalanum og geta aðdáendur sveit-
arinnar glaðst því ný plata er í bígerð og nóg af
giggum.
Skammstöfunin LOTH líkist vissulega skamm-
stöfuninni LOTR fyrir Lord Of The Rings. Kæmi
til greina að breyta nafninu í Lights On The
Railroad til að fullkomna verkið?
Hugsanlega. Það gæti orðið „meik“ nafnið
okkar í Bandaríkjunum, svona til að koma okkur
endanlega á hausinn, fá einhverjar lögsóknir og
stuð. Þetta gæti verið leiðin inn í bransann!
Hvert er besta giggið ykkar?
Ætli það sé ekki acoustic gigg sem við tókum á
Dillon fyrir svolitlu síðan. Það myndaðist einhver
sérstök stemning og þetta var skemmtilegt og
mínímalískt gigg í alla staði.
En versta giggið?
Man On The Moon í Cambridge árið 2005. Við
fórum með allan gírinn í lest frá London um
morguninn til að spila á þessu klósetti, með ónýtt
hljóðkerfi og kokk sem var staðráðinn í að gefa
okkur matareitrun. Klárlega eitt af þeim súrari.
Ertu með einhverja góða sögu af tónleikaferða-
lagi hjá ykkur?
...og þá sagði Stebbi: „Brjóstahaldarinn er í
skápnum vinstra megin!“
Hvaða teiknimyndasöguhetju líkist hljóm-
sveitin mest? Snoopy. Hann virðist einhverra
hluta vegna alltaf sofa uppi á þaki, jafnvel þó
það sé mígandi rigning. Merkilegur hundur þessi
Snoopy.
Hver ykkar er bestur í fótbolta?
Það er klárlega varnarjaxlinn okkar hann Halli
sem er eini meðlimur hljómsveitarinnar sem
hefur spilað með meistaraflokki.
Hvert er uppáhalds cover-lagið ykkar?
Þessa stundina er það „Ég sé það“ með Trúbroti.
Það er svo gaman að spila þetta einstaklega vel
samda góða íslenska lag.
Hvort væruð þið frekar til í að taka upp lag með
Friðriki Dór eða Friðriki Ómari?
Til þess að gera ekki upp á milli myndum við
taka upp lag með hljómsveitinni Friðryk.
Afkvæmi hvaða tveggja hljómsveita mynduð
þið segja að Lights On The Highway væri?
CSNY og Trúbrots.
Hvert er draumagiggið?
Að sjálfsögðu á The Cavern Club í Liverpool með
Bítlunum.
Hvað er framundan hjá hljómsveitinni?
Við höfum verið að dusta af okkur rykið og
spila á nokkrum tónleikum þessa dagana. Við
komum líklega til með að spila af og til á næstu
mánuðum. Meðal annars erum við með í bígerð
acoustic tónleika á Hemma og Valda. Svo erum
við byrjaðir að stilla upp í upptökur fyrir þriðju
plötuna okkar.
LIGHTS ON THE HIGHWAY
Stofnuð: 2004.
Meðlimir: Kristófer Jensson (söngur), Agnar
Eldberg (gítar/söngur), Karl Daði Lúðvíksson (bassi/
söngur), Þórhallur Reynir Stefánsson (trommur/
söngur) og Stefán Örn Gunnlaugsson (hljómborð/
söngur).
Plötur: Lights On The Highway (2005) og Amanita
miscaria (2009).
Þrjú góð lög: Long Summer Dining, A Little Bit Of
Everything og Leiðin heim.
Fyndin staðreynd: Meðlimir hljómsveitarinnar eru
frá öllum landshlutum nema Vesturlandi.
DISNEY EYÐILAGÐI
FJÖLSKYLDUNA
Kántrísöngvarinn Billy Ray Cyrus,
faðir ungstirnisins Miley Cyrus,
segir Disney-sjónvarpsþáttinn
„Hannah Montana“ hafa eyðilagt
fjölskyldu hans. Þátturinn gerði
Miley heimsfræga og hann segir
frægðina hafa leitt dóttur sína út í
vitleysu. Þetta kemur fram í nýjasta
tölublaði karlatímaritsins GQ. Billy
Ray segist óska þess að Disney-æv-
intýrið hafi aldrei gerst því þá gætu
þau verið eðlileg fjölskylda.
Sjáðu Lights On The Highway spila um helgina!
Fimmtudagur: Sódóma, Reykjavík
Laugardagur: Menningarhúsið Hof, Akureyri
Ef Bieber breytir
um greiðslu…
Justin Bieber er næstum jafn frægur fyrir hárið sitt og fyrir
tónlist sína. Einhvern tímann hlýtur hann þó að breyta um
greiðslu. Billboard-vefurinn skellti nokkrum hárgreiðslum
frá öðru frægu fólki á hausinn á Biebernum. Nú er spurning-
in, hver fer honum best?
1 2 3 4 5
109876
TROMMARI BLINK
GEFUR ÚT SÓLÓ
Trommarinn Travis Barker sem
flestir þekkja úr pönkrokksveitinni
Blink 182 gaf út fyrsta smellinn af
nýjustu plötu sinni í byrjun febrúar.
Lagið Can A Drummer Get Some er
titillag plötunnar sem kemur út um
miðjan mars og vekur mikla athygli
að um hip-hop plötu er að ræða.
Travis trommar eins og brjálæðingur
á plötunni og stjórnaði upptökum
en hann lætur aðra um rímurnar að
þessu sinni.
LADY GAGA OG
EGGIÐ HENNAR
Lady Gaga mætti til Jay Leno á
mánudagskvöldið til að ræða atriðið
sitt á Grammy-verðlaunahátíðinni
sem fór fram um helgina en söng-
konan kom á hátíðina í eggi. Hún
útskýrði fyrir Leno að til að undirbúa
sig andlega hafi hún eytt þremur
dögum inni í egginu. Þannig hafi hún
komist í karakter fyrir atriðið sem
skartaði fjölda dansara og flottum
búningum að hætti Lady Gaga.
Mynd/Golli
Michael Bublé
Adam Lambert
Chris Daughtry
Ellen DeGeneres
Josh Groban
Bret Michaels
Pauly D
Jared Leto
Justin Timberlake
Michael Jackson
1.
2.
3.
4.
5.
6.
7.
8.
9.
10.