Monitor - 24.03.2011, Blaðsíða 8

Monitor - 24.03.2011, Blaðsíða 8
8 Monitor FIMMTUDAGUR 24. MARS 2011 Er melódískt popprokk ennþá töff? Já, auðvitað. Þó að fólk sem er eldra en 25 ára sé búið að þroskast upp úr tónlistinni og hætt að hlusta á þessa tónlistarstefnu fyllist það fortíðarþrá þegar við stígum á svið. Tónlistin okkar vekur upp góðar minningar hjá fólki. Tónlistinni ykkar svipar til slagara hljómsveit- arinnar Blink 182. Eruð þið miklir aðdáendur þeirra? Blink var aðalmálið þegar við vorum að alast upp og við hlustuðum allir á þá á sínum tíma. Við hlustum kannski ekki jafn mikið á þá í dag en berum mikla virðingu fyrir þeim. Draumagiggið? Það væri að sjálfsögðu að spila á Vans Warped Tour í Bandaríkjunum með Bee Gees. Þar spila öll flottustu böndin. Svo væri náttúrulega líka flott að spila á Reading Festival í Bretlandi. Kæmi til greina að koma naktir fram eins og þeir gerðu eftirminnilega? Það gæti nú alveg gerst en við erum ekki byrjaðir að plana það ennþá. Hverjir væru þá Mark, Tom og Travis? Val- garður trommari væri auðvitað Travis, ég væri að sjálfsögðu Tom og svo væri restin af bandinu Mark. Afkvæmi hvaða hljómsveita væri Reason To Believe? Gamla The Used og Paramore. Uppáhaldscoverlag og af hverju? Party In The U.S.A. með Miley Cyrus. Hún er svo yndisleg, algjört guilty pleasure. Við spilum það reyndar aldrei á tónleikum en leikum okkur oft að því á æfingum þegar enginn heyrir til. Hvað er framundan hjá ykkur? Platan er nýkomin út svo núna förum við bara á fullt í að kynna hana. Við ætlum að spila eins mikið og hægt er í vor og sumar. Þessa dagana erum við líka að skipuleggja tónleikaferðalag í Englandi. Ætlið þið að meika það? Að sjálfsögðu. Það er að minnsta kosti planið núna og við gefum okkur alla í þetta. „Hún er splunkuný af nálinni og við erum bara rétt að byrja að kynna hana fyrir stjórnum nemendafélaganna,“ segir Sölvi Logason sem er einn forsprakka vefsíðunnar Félagslíf.is. Síðan var sett á laggirnar um miðjan síðasta mánuð og er hún hugsuð sem vefur sem fjallar um allt sem er að gerast í félagslífi framhaldsskóla landsins. Aðstandendur síðunnar eru ásamt Sölva þeir Viktor Gunnarsson og Elvar Ingi Ragnarsson en þeir eru allir í Fjölbrautaskóla Suðurnesja. „Við erum bara bjartsýnir ungir menn sem höfum trú á hugmyndinni okkar,“ segir Sölvi aðspurður hvernig hann nenni að standa í þessu. Strákarnir fengu hug- myndina að síðunni þegar Skólalíf, vefsíða um útvalda framhaldssóla sem Vísir.is stóð fyrir síðasta vetur, leið undir lok. Strákarnir sáu þá leik á borði og stofnuðu síðuna sem tómstundargaman, í það minnsta fyrst um sinn. Markmiðið þeirra er að halda síðunni gangandi á næstu árum en hún er komin til að vera, að sögn Sölva. Hann segir að það sé mikill vöxtur í heimsóknum inn á síðuna og bætir við að þeir fylgist náið með „hittunum“ á hverjum degi. WWW.FELAGSLIF.IS Á slóðinni felagslif.is er að finna ítarlegar umfjallanir um Gettu betur, Morfís, söngkeppnir framhaldsskól- anna og svo framvegis. Þeir leita nú að fréttariturum og ljósmyndurum úr öllum framhaldsskólum landsins auk þess sem hægt er að „læka“ síðuna á Facebook. Allsherjarfréttasíða um félagslíf framhaldskólanna Fylgjast náið með „hittunum“ Mynd/Sigurgeir FÉLAGARNIR ERU FLOTTIR HJÁ FÉLAGSLÍF.IS Strákarnir í Reason To Believe elska Miley Cyrus og væru alveg til í að koma naktir fram. Eiga óteljandi margar grúppíur REASON TO BELIEVE Stofnuð: Árið 2009. Uppruni: Reykjavík. Meðlimir: Jóhannes Pálsson (söngur), Kristjón Freyr Guðmundsson (gítar/söngur), Valgarður Thomas Davíðsson (trommur), Rúnar Sveinsson (gítar) og Skarphéðinn Njálsson (bassi). Plötur: The Scenery (2011). Þrjú góð lög: The Scenery, Fake og Samurai Deli. Fyndin staðreynd: Allir meðlimir hljómsveitarinnar eru ófyndnir. REASON TO BELIEVE ER BLINK 182 ÍSLANDS Myndband Vigra tilnefnt Metnaðarfullt myndband hljóm- sveitarinnar Vigra við lagið Sleep hefur verið tilnefnt til verðlauna á evrópsku ÉCU – The European Ind- ependent Film Festival kvikmynda- hátíðinni sem haldin verður í París fyrstu helgina í apríl. Á hátíðinni verða sýnd 77 kvikmyndaverk frá 26 löndum. „Við erum einu Íslend- ingarnir sem eru tilnefndir og þetta er mikill heiður fyrir okkur,“ segir Bjarki Pjetursson, forsprakki sveit- arinnar. „Við sendum myndbandið inn í keppnina og vorum mjög hissa þegar Raggi fékk símtal frá þeim úti,“ útskýrir Bjarki. Myndbandið er tekið upp við rætur Eyjafjallajökuls þegar öskufokið þaðan stóð sem hæst. Hægt er að horfa á myndbandið á YouTube-síðu hljómsveitarinnar. Veit ekkert um afdrif Meg Hljómsveitin The White Stripes lagði upp laupana í byrjun febrúar- mánaðar þessa árs. Gítarleikarinn Jack White segir í nýlegu viðtali við tímaritið NME að hann viti ekkert hvað trommuleikarinn Meg White sé að gera þessa dagana. Aðspurður hvað hann haldi að hún geri á daginn nú þegar The White Stripes er ekki lengur til svaraði Jack: „Ég veit það ekki. Ég hef aldrei vitað hvað hún gerir.“ Þá vísaði hann í tónleikaútgáfu sveitarinnar sem tók mjög langan tíma í vinnslu. „Fólk skilur ekki hvað svona tónleikaplöt- ur taka langan tíma. Við erum tvær vikur að gera stúdíóplötu en þetta var endalaus vinna,“ útskýrði Jack sem hefur ákveðið að einbeita sér að sólóferlinum og hljómsveit sinni, The Raconteurs. Tilraunadýr geimvera Fyrrverandi söngvari rokksveitar- innar Van Halen, Sammy Hagar, segir frá reynslu sinni af geimverum í sjálfsævisögu sinni sem kom út nýlega. Í viðtali við sjónvarpsþáttinn Hive á MTV þar sem hann kynnti bókina sem ber nafnið Red: My Uncensored Life In Rock var hann spurður hvort hann héldi að honum hefði verið rænt af geimverum. Hagar svaraði: „Ég held það. Þær stungu einhverju í samband við mig. Þetta var einskonar niðurhal þar sem þær hlóðu niður einhverju úr heilanum á mér í tilraunaskyni,“ sagði söngvarinn sem talar illa um fyrrverandi vini sína í Van Halen í bókinni. „Hann er alls ekki góður gæi,“ segir Hagar um Dave Lee Roth, gítarleikara sveitarinnar.

x

Monitor

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Monitor
https://timarit.is/publication/791

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.