Monitor - 24.03.2011, Síða 16

16 Monitor FIMMTUDAGUR 24. MARS 2011
FRÓÐLEIKSMOLAR
UM MILLI VANILLI
• Þekktustu lög Milli Vanilli heita
Girl You Know It’s True, Baby Don’t
Forget My Number, Girl I’m Gonna
Miss You og Blame It on the Rain.
• Tónlistarframleiðandinn Frank
Farian var einnig heilinn á bak við
diskósveitina Boney M.
• Undarlegt verður að teljast að
sannleikurinn um Rob og Fab hafi
ekki komið fyrr í ljós sé því veitt
athygli að í viðtölum töluðu þeir
ensku með sterkum þýskum hreim,
samanber blaðamannafundinn í
nóvember 1990.
• Í kjölfarið á „Milli Vanilli-hneyksl-
inu“ voru lagðar fram 27 ákærur
gegn Rob Pilatus, Fab Morvan
og plötufyrirtæki þeirra Arista
Records. Þúsundir aðdáenda
kröfðust jafnframt endurgreiðslna
á plötum og tónleikamiðum.
• Þegar upp komst um
leyndardóma Milli Vanilli var önnur
hljóðversplata hljómsveitarinnar
fullgerð. Platan fékk þá í stað nýtt
plötuumslag og var gefin út en
kennd við hljómsveitina The Real
Milli Vanilli.
• Nilli, sem heldur úti þætti á
sjónvarpi MBL.is, notast gjarnan
við listamannsnafnið Nilli Vanilli
sem er undir beinum áhrifum frá
Milli Vanilli.
Milli Vanilli eins og
þeir gerast bestir:
Kíktu á tónlistarmyndbandið
við lagið Girl You Know It’s True
sem finna má á YouTube.
Frægðarsól hljómsveitarinnar Milli
Vanilli reis hátt undir lok 9. áratugar
síðustu aldar en hrapaði með látum.
Bransatrixið
sem leiddi til
dauðsfalls
Popphljómsveitin Milli Vanilli var stofnuð í Berlín árið
1988 sem hugarsmíð pródúsentsins Frank Farian. Í upp-
hafi hafði hann í höndunum fimm manna hóp söngvara
sem honum þótti hins vegar ekki nægilega markaðs-
vænn sökum aldurs. Skömmu síðar fann Farian tvo
unga menn sem störfuðu sem fyrirsætur og dansarar á
klúbbi í Berlín. Það voru þeir Robert Pilatus og Fabrice
Morvan sem féllust á að gerast andlit hljómsveitarinnar
sem skyldu hreyfa varirnar við tónlistina á tónleikum.
Upp frá því var ekki aftur snúið. Fyrsta platan kom út
í Evrópu árið 1988 og sló strax í gegn. Ári seinna kom
endurbætt útgáfa af plötunni í Bandaríkjunum sem náði
sexfaldri platínumsölu, geri aðrir betur.
Út með velgengni, inn með vandræði
Vinsældir Milli Vanilli létu ekki á sér standa og hlutu
Rob og Fab Grammy-verðlaun árið 1990 sem „nýliðar
ársins“ ásamt því að fá viðurkenningu á American
Music Awards sama ár. Rob og Fab voru orðnir heims-
frægir söngvarar án þess að hafa nokkurn tímann látið
söngrödd sína heyrast opinberlega og enn grunaði
engan neitt.
Árið 1989 héldu Milli Vanilli tónleika í Bristol í
Bandaríkjunum sem átti eftir að verða hálfgerður vend-
ipunktur í ferli Milli Vanilli. Sem fyrr hreyfðu Rob og Fab
varirnar við lögin sem flutt voru á meðan raddir annarra
söngvara ómuðu í hljóðkerfinu. Skyndilega kom bilun í
undirspilið og orðin „Girl you know it’s…“ í laginu Girl
You Know It’s True hófu að endurtaka sig í gríð og erg án
þess að nokkur kæmi vörnum við. Rob og Fab brugðust
við óhappinu með því að hlaupa út af sviðinu og slökkt
var á undirspilinu.
Eftir uppákomuna í Bristol komu upp grunsemdir um
að óhreint mjöl væri í pokahorninu og það var síðan
þann 12. nóvember árið 1990 að Farian viðurkenndi að
hafa leikið á almenning.
Örlög Rob og Fab: Plötubrennur
og sennilegt sjálfsvíg
Eftir að sannleikurinn leit dagsins ljós breyttust
vinsældir Rob og Fab í algera martröð. Á dramatískum
blaðamannafundi báðust þeir afsökunar og tilkynntu
að Grammy-verðlaununum yrði formlega skilað.
Áhangendur hljómsveitarinnar voru síður en svo sáttir
en sagt er að haldnar hafi verið brennur þar sem sviknir
aðdáendur fleygðu Milli Vanilli-plötum sínum á opið bál.
Rob og Fab hurfu svo gott sem af sjónarsviðinu um
stund en reyndu þó fyrir sér í tónlistarbransanum á
komandi árum undir sínum réttu nöfnum. Árið 1997
fengu þeir meira að segja sinn gamla samstarfsmann,
Frank Farian, til að framleiða endurkomuplötu sína,
Back And In Attack, sem náði þó litlum vinsældum. Við
gerð plötunnar lenti Rob Pilatus, sem hafði glímt við
mikið þunglyndi í kjölfar Milli Vanilli-hneykslisins, í
mikilli fíkniefnaneyslu. Kvöldið þar sem tónleikaferða-
lag til að kynna nýju plötuna átti að hefjast fannst hann
látinn á hótelherbergi sínu eftir að hafa innbyrt of stór-
an skammt af alkóhóli og lyfleysum. Ýmsar heimildir
herma að um sjálfsvíg hafi verið að ræða.
Fab Morvan starfar enn sem tónlistarmaður og rembist
eins og rjúpan við staurinn að sanna sig sem söngvari.
Ósagt skal látið hve vel það gengur en lesendur Monitor
eru hvattir til að kanna málið og mynda sér skoðun!
TVEIR RÁNDÝRIR
STUTT GAMAN MEÐ GRAMM
Y-VERÐLAUNIN
SEM SKÖMMU SÍÐAR VAR S
KILAÐ
„GIRL YOU KNOW IT’S TRUE... VIÐ SUNGUM EKKI LÖGIN“DRAMATÍSKUR BLAÐAMANNAFUNDUR Í NÓV. 1990