Monitor - 05.05.2011, Blaðsíða 9
9FIMMTUDAGUR 5. MAÍ 2010 Monitor
„Ég held ég sé ekki einn um að hafa stimplað kennarastarfið fyrirfram
vegna lágra launa og áður fyrr hugsaði ég alltaf að þetta væri kvennastarf,“
segir Þorleifur sem fékk þó áhuga á uppeldisfræðum og að vinna með
börnum fljótlega eftir að hann útskrifaðist úr Mennaskólanum við Hamra-
hlíð. „Ég vann á leikskóla í tvö ár eftir að ég útskrifaðist og hafði unnið með
börnum á leikjanámskeiðum,“ segir hann og bætir við að þessi störf hafi
verið virkilega gefandi fyrir hann.
Fann sig ekki í öðrum greinum
„Ég skráði mig því í sálfræði í háskólanum og langaði að leggja áherslu á
uppeldis- og þroskasálfræði en hætti eftir eitt ár,“ segir Þorleifur sem hóf þá
nám í stjórnmálafræði sem hann fann sig ekki í heldur. „Loks komst ég að
því að ég ætti heima í kennaranum,“ segir Þorleifur sem kann mjög vel við
sig í náminu. „Eins og áður sagði er ég búinn að prófa ýmislegt í háskólanum
og þessi deild er mun persónulegri og heimilislegri en ég hef kynnst áður,“
segir hann og bætir við að kennararnir séu til dæmis mjög vinalegir og
stemningin á göngunum í kennaradeildinni sé alveg frábær.
Kemur ferskur inn í umræður
Þorleifur segist ekki hafa fundið fyrir miklum fordómum frá fólki vegna
ákvörðunar sinnar um að fara í kennaranám þar sem yfir 80% nemenda
eru konur. „Sumt fólk talar samt eins og ég sé eitthvað rosalega duglegur að
gera þetta fyrir alla hina,“ segir Þorleifur sem kann vel við sig í minnihlut-
anum. „Við erum nokkrir strákar sem höfum haldið hópinn vel í gegnum
námið,“ segir hann og bætir við að honum finnist oft gaman að vera einn af
fáum strákum í deildinni. „Maður er svolítið ferskur og kemur með annan
reynsluheim inn í umræður og svoleiðis,“ segir Þorleifur sem upplifir sig ekki
í miklum minnihluta enda segir hann kvenkyns samnemendur sína taka vel
á móti strákum í deildina. „Þær eru ágætar stelpurnar.“
Þurfti að
komast
yfir eigin
fordóma
ÞORLEIFUR KEMUR
FERSKUR INN
Í KENNARANÁMIÐ
„Ég hafði sjálfur fordóma gagnvart
kennarastarfinu og þessu námi áður
en ég byrjaði,“ segir Þorleifur Örn
Gunnarsson, nemi við kennaradeild
Háskóla Íslands.
Mynd/Golli
Rokkarinn Steven Tyler er þekktastur fyrir að
vera söngvarinn í Aerosmith og í einhverra
augum er hann kannski bara pabbi
leikkonunnar Liv Tyler. Hann er löngu
orðinn rokkgoðsögn og hefur verið
þekktur fyrir óheflaða lifnaðarhætti
sína í gegnum tíðina. Núna hefur
hann enn og aftur unnið hug og hjarta
Bandaríkjamanna sem dómari í hinum
vinsælu American Idol-sjónvarpsþáttum
en þar þykir hann sýna á sér nýja og
mýkri hlið. Tyler gaf nýverið út endurminn-
ingar sínar og halda flestir ekki vatni yfir
bókinni sem ber nafnið Does The Noise In My Head
Bother You? enda ófáar skrautlegar rokksögurnar þar á
ferð.
Rokksögur og dýrahald
Bókin segir frá ævi Tylers alveg frá því að
hann man eftir sér til dagsins í dag og
samkvæmt fréttavef Billboard reynir
hann ekkert af skafa af hlutunum
eða fegra þá í henni. „Ég hef oft og
mörgum sinnum verið spurður hvernig
ég varð eins og ég er og í þessari bók
er öllu svarað,“ sagði Tyler í viðtali við
Billboard. „Af hverju ætti ég ekki að deila
tilfinningum mínum með heiminum og
segja frá því hvernig ég hugsa um köttinn
minn?“ Aðspurður sagðist hann vona að
Johnny Depp yrði fenginn í aðalhlutverkið ef gerð
yrði kvikmynd upp úr bókinni sem er nú þegar byrjuð
að klífa metsölulistana.
Vill fá Johnny Depp
til að leika sig