Monitor - 09.06.2011, Blaðsíða 4
4
FIMMTUDAGUR
9. JÚNÍ
2011
ARON EINAR
Fæðingardagur: 22. apríl 1989.
Félag: Coventry City.
Uppruni: Akureyri, Þór.
Skóstærð og
–tegund: 44, Puma.
Skilaboð til íslensku
þjóðarinnar: „Styðjið
við bakið á okkur og
skemmtið ykkur.“
Hvernig er tilfinningin fyrir mótinu eftir langt
tímabil í Championship á Englandi? Ég er í góðu
formi eftir tímabilið úti og er sprækur, klár í þetta
EM. Ég kláraði úti í byrjun maí og hef haldið mér í
góðu formi á Akureyri. Í leiknum um daginn á móti
Dönum fann ég að ég var í góðu standi miðað við
marga sem ég var að spila á móti svo ég er bara
spenntur.
Ertu farinn að tala með breskum hreim? Já, ég
er svolítið mikið í því. Þetta kemur eiginlega bara
óvart af því að tala við alla strákana í liðinu. Mér
finnst breskur hreimur ekkert eitthvað töff. Ég held
að ég sé reyndar með margar týpur af hreimum af
því að í liðinu eru strákar frá mismunandi hlutum
Englands og ég svona pikka þetta upp ósjálfrátt frá
mönnum.
Hver er helsti munurinn á að búa í Akureyrarbæ
og borginni Coventry? Coventry er náttúrlega
300.000 manna borg, bara eins og allt Ísland. Það er
öðruvísi menning þarna úti og maður þarf að keyra
allt sem maður myndi labba á Akureyri. Akureyri
er bara besti bær sem hægt er að búa í, rólegheit og
ekkert stress í gangi. Þetta rúllar bara á Akureyri.
Maður er reyndar ekki nógu duglegur að koma
heim en maður reynir að hitta fjölskylduna þegar
tími gefst.
Hver er hjúskaparstaða þín? Ég á kærustu úti en
ég bý nú bara einn.
Hvernig bíl keyrirðu úti? Ég er að fara að fá mér
Audi R8.
Hvað tekurðu í bekk? Ég tók sex sinnum níutíu
fyrir tveimur dögum. Ef ég ætlaði að maxa myndi
það örugglega tifa í hundrað.
Hvað er það besta við það að vera atvinnumaður
í fótbolta? Það besta er náttúrlega að þú ert að fá
borgað fyrir að gera það sem þig hefur alltaf langað
að gera.
Hvað er það sísta við það að vera atvinnumaður?
Maður getur stundum ekki verið maður sjálfur.
Tifar í hundrað í bekk
M
yn
d/
G
ol
li
Töffarinn að norðan, Aron Einar Gunnarsson, afhjúpar
tattúin og leyndardóminn um hvað hann tekur í bekk.
„Á hægri er
ég með biðj-
andi greipar
og stjörnur
í kring
sem tákna
systkinabörn-
in mín.“
„Innan á báðum framhandleggjum er ég
með upphafsstafi og fæðingarár fjöl-
skyldunnar. Þetta voru fyrstu tattúin
sem ég fékk mér. Mamma harðbannaði
mér að fá mér tattú en þegar ég sagði
henni að það tengdist fjölskyldunni var
hún alveg klár í það. Síðan hefur þetta
hálfpartinn verið fíkn.“
„Á vinstri er
ég með tvo
engla fyrir
ofan Maríu
mey, Jesús
og Ísland og
einhvern smá
texta.“
TRYLLT TATTÚ