Monitor - 21.07.2011, Blaðsíða 22
22 Monitor FIMMTUDAGUR 21. JÚLÍ 2011
Gamla bíó og sá Mjallhvíti og dvergana sjö. Ég drekkti
mér í þessum ævintýrum og teiknimyndum sem krakki
en svo þegar ég var tólf ára, þá sá ég bæði Exorcist og
Carrie sömu helgina og eftir það var ekki aftur snúið. Ég
var kominn með hryllingsmyndabakteríuna og sá vírus
er í dúndrandi stuði enn þann daginn í dag.
Áttu þér uppáhaldsbíómynd?
Ég myndi segja Vertigo eftir Alfred Hitchcock, hún er
mögulega fullkomnasta mynd í heimi, og It‘s a Wond-
erful Life eftir Frank Capra. Það vill svo til að James
Stewart leikur í þeim báðum. Þetta eru myndir sem ég
fæ ekki nóg af.
Fyrir utan það að hvíla þig og fylgjast með Gay Pride í
New York, hvað ertu þá að gera þar?
Ég var svo heppinn að fá vinnuaðstöðu hérna til að
leika mér aðeins í og þar náði ég að klára minn part
í La Dolce Vita. Þá gat ég bara sent tölvuskjölin heim
til Íslands þar sem Örlygur Smári tók við þessu og við
mixuðum þetta eiginlega í gegnum internetið. Svona
er þetta auðvelt í dag, þú getur tekið upp trommur í
Þýskalandi, bassa í Frakklandi og sönginn í Færeyjum og
mixað þetta allt saman á Íslandi.
Um árið hafðir þú orð á því að þú værir búinn að nota
sama farsímann, Nokia 6110, í þrettán ár. Gengur þú
ennþá með þennan síma?
Elsku Nokia-síminn minn dó á mjög dramatískan hátt.
Hann dó á fertugsafmælinu mínu, 16. mars 2010. Ég
reyndi grínlaust að hnoða í hann lífi, reyndi að splæsa í
hann nýjum batteríum en ekkert gekk. Jarðarförin hefur
farið fram og ég bjó um þennan gemsa í lítilli glerkistu
og svo fékk ég litlar postulínsstyttur á eBay af Dverg-
unum sjö, þannig að Dvergarnir sjö sitja nú í kringum
þessa glerkistu og syrgja símann (hlær).
Það hefur sömuleiðis oft komið fram í fjölmiðlum
hvernig þú ert oftar en ekki bókaður nánast heilt ár
fram í tímann. Ertu kominn með dagbók fyrir árið
2012 og byrjaður að fylla út í hana?
Jájájá, blessaður vertu og 2012 er langt komið. Málið
er bara að ég skipulegg mig langt fram í tímann. Ég
er venjulega búinn að bóka flest þau gigg og flesta þá
tónleika sem mig langar að gera að veruleika í janúar
sama ár og þetta á að eiga sér stað. Maður dregur sig
venjulega í hlé í janúar og ég nota hann til að klára allar
bókanir.
Ertu ekkert hræddur um að brenna út fyrr en eðlilegt
er?
Nei, þegar ég skipulegg mig svona fram í tímann verð ég
líka að passa að taka mér góð hlé inn á milli. Ég brenn
ekki út ef ég geri það, þá næ ég alltaf að endurhlaða
orkuna. Þetta er ekkert mál, maður verður bara að vera
skipulagður. Maður verður að eiga dagbók og standa við
það sem stendur í henni.
Ertu svona sjálfsagaður?
Ég er miklu agaðri heldur en ég var. Ég var mjög
stjórnlaus fyrir tíu árum síðan. Ég er orðinn miklu
skipulagðari og trúðu mér, ég fíla miklu betur að vera
skipulagður.
Ég er miklu agaðri
heldur en ég var.
Ég var mjög stjórnlaus
fyrir tíu árum síðan.