Monitor - 21.07.2011, Blaðsíða 30
30
FIMMTUDAGUR
21. JÚLÍ
2011
M
yn
d/
Eg
ge
rt
HRAÐASPURNINGAR
Herjólfur eða flug? Herjólfur.
Gista í tjaldi eða húsi? Húsi.
Brekkusöngur eða flugeldasýning? Bæði saman.
Gætir þú hugsað þér að verða arftaki Árna í
Brekkusöngnum þegar hann hættir? Nei, ég
myndi ekki þora því.
Þjóðhátíð í Ryjum eða Bræðslan á Borgarfirði
eystri? Ég ætla vitaskuld að mæta á bæði.
Hvernig er stemningin hjá hljómsveitinni fyrir Þjóðhátíð í
ár?
Við erum að sjálfsögðu fullir tilhlökkunar þar sem við höfum
ekkert spilað þarna síðan 2007 og þetta er klárlega einn af
okkar uppáhaldsstöðum að spila á. Við höfum ekki séð nýja
sviðið og erum spenntir að sjá það og nýju stemninguna.
Gamla sviðið var farið að venjast ágætlega þar sem þetta er í
sjöunda eða áttunda sinn sem við spilum þarna. Ég er síðan
með þrjú Þjóðhátíðarlög undir beltinu þannig að við erum
orðnir miklir Eyjapeyjar.
Nú eruð þið að spila á föstudagskvöldinu, er eitthvað
annað sem þú ert spenntur fyrir á hátíðinni?
Ég hlakka aðallega til að koma til Eyja bara upp á „fílinginn“.
Ég er gamall í hettunni og það skiptir mig eiginlega engu
hverjir aðrir eru að spila því það eru alltaf einhverjir góðir.
Það heillar mig meira að kíkja í hvítu tjöldin og fá mér smá
kakó og Stroh.
Eru einhver sérstök atvik sem þér þykja eftirminnileg frá
Þjóðhátíð?
Já, ég man ótrúlega margt svona miðað við Eyjar. Það má
til dæmis nefna að einhvern tímann þegar við vorum að
spila kom uppblásinn sófi fljúgandi upp á svið og í annað
skipti fékk ég flatbrauð upp á svið. Sviðið er nú helvíti hátt
og maður á ekki mögulega að geta komist upp á það, en
allt í einu reis einhver maður upp úr mannhafinu með
álbakka fullan af smurðum flatkökum með hangikjöti og
gaf hljómsveitinni. Þetta er kannski frekar táknrænt fyrir
stemninguna sem ríkir þarna.
Hver er hápunktur hátíðarinnar fyrir þér?
Það er klárlega þegar ég fæ að stíga á stokk með vini
mínum honum Hreimi og syngja „Lífið er yndislegt“. Það er
gjörsamlega ótrúlegt að syngja það strax á eftir Brekkusöng.
Við þurfum í rauninni varla að syngja, maður bara telur í
lagið og fær svo gæsahúð þegar allir syngja með.
Hvað annað er á döfinni hjá þér þessa dagana?
Ég er núna á Borgarfirði eystri að undirbúa Bræðsluna sem
er haldin núna um helgina (viku fyrir Verslunarmannahelgi).
Við erum á fullu að smíða sviðið og láta eins og brjálæðingar.
Síðan eftir Þjóðhátíð þá róast aðeins yfir. Seinna í sumar
erum við svo að spila hér og þar um landið ásamt því að það
kemur út geisladiskur úr söngleiknum Hárinu þar sem ég
syng nú eitthvað.
Gæsahúð, flatkökur
og fljúgandi sófar
Þeir eru fáir sem hafa stigið jafn oft á svið í Herjólfs-
dalnum og Magni Ásgeirsson í hljómsveitinni Á móti
sól. Samt er tónlistin ekki aðalatriðið á hátíðinni
fyrir honum heldur finnst honum skemmtilegra
að ganga um og finna stemninguna.
Mynd/RAX
Hápunktur sumarsins
Ingó úr Veðurguðunum kom fyrst fram á Þjóðhátíð
til að hlaupa í skarðið fyrir Magna. Nú er hann
hinsvegar eitt af aðalatriðum Þjóðhátíðardagskránnar
og fer ekki leynt með aðdáun sína á hátíðinni.
Segjum sem svo að það labbi upp að þér ókunn-
ugur maður og segi: „Þjóðhátíð“. Hvað er það
fyrsta sem þér dettur í hug?
Það er klárlega bekkjabíllinn á leiðinni í Dalinn
með öllum Þjóðhátíðarlögunum.
Hvað hefur þú farið oft á Þjóðhátíð?
Þetta er fjórða Þjóðhátíðin þar sem ég treð upp. Í
fyrsta sinn sem ég spilaði var ég með Á móti sól
þar Magni var úti í Bandaríkjunum að keppa í
Rockstar Supernova og svo næstu tvö skipti spilaði
ég með Veðurguðunum. Það liggur við að ég hafi
farið sem gestur samfleytt síðan ég var 16 eða 17
ára en fyrir utan þessi fjögur skipti hef ég bara
farið sem venjulegur gestur.
Tókstu þá gítarinn með?
Já, eða fékk lánaða gítara í einhverjum tjöldum og
glamraði eitthvað. Þá var maður þó aðallega bara
að spila í fjölskyldutjaldinu.
Lumar þú ekki á einhverjum skemmtilegum
Þjóðhátíðarsögum?
Ég hef lent í ýmsu skemmtilegu en þær sögur
eru þó misbirtingarhæfar. Það má svo sem nefna
þegar félagarnir ákváðu að mæta í einhverjum
búningum með símanúmerum á bakinu. Það gekk
þó ekki betur en svo að það hringdi enginn í þá.
Einhversstaðar stendur að Veðurguðirnir hafi
upphaflega verið stofnaðir sem SSSól „cover
band“. Væri ekki draumur að fá að troða upp með
Helga Björns í Dalnum?
Þetta er að vísu ekki alveg rétt en við spiluðum
þó nokkuð mörg lög með SSSól þegar við vorum
yngri og einnig með Bjögga Halldórs. En það væri
auðvitað mjög gaman að spila undir hjá Helga,
hann hefur komið áður og sungið með okkur.
Hver er þín besta minning frá Þjóðhátíð hingað
til?
Það var sennilega þegar ég var að spila með Á
móti sól þegar Magni var í Rockstar og fékk að
byrja spila „Lífið er yndislegt“ á gítarinn og allir
í Brekkunni sungu með. Þá fékk ég smá fiðring í
magann.
Hvað tekur svo við eftir Þjóðhátíð?
Það er bara þetta sama gamla, spila hér og þar.
Síðan fer maður bara að bíða eftir næstu Þjóðhátíð.
Myndir þú segja að Þjóðhátíð væri hápunktur
sumarsins?
Já klárlega, fyrir íslenska tónlistarmenn er þetta
langskemmtilegasti staðurinn sem hægt er að
spila á og eina skiptið á árinu þar sem manni líður
eins og alvöru rokkstjörnu.
HRAÐASPURNINGAR
KFC Selfoss eða Pizza 67
Vestmannaeyjum? Pizza 67.
Bahamaeyjar eða Vestmannaeyjar?
Það eru Bahamaeyjar.
Af hverju var Árni Johnsen ekki
á Gestalistanum? Því hann hefði
ábyggilega lamið mig.
Sérðu fyrir þér að einn daginn gætir
þú tekið við Brekkusöngnum af
Árna? Já, ég er ekkert smeykur við
það, þetta er ekki flókið. Hann spilar
bara þrjú grip og fer létt með þetta.
Á MÓTI SÓL