Morgunblaðið - 12.06.2010, Síða 18

„Fólk hefur alltaf verið svolítið
feimið við að kaupa sér dýra
hluti, sérstaklega svona hluti.
Það hefur ekki breyst að mínu
mati. Ég hef á tilfinningunni að
fólk hafi jafnvel verið að kaupa
hluti erlendis sem það vill ekki
vera að kaupa fyrir
framan aðra í Frí-
höfninni. Þegar
það kaupir sér
dýr úr á t.d.
milljón getur
það spurst
út,“ segir
Sævar Jóns-
son í Leonard.
Feimið
og ríkt
FORÐAST UMTALBAKSVIÐ
Baldur Arnarson
baldura@mbl.is
„Það kemur nýtt módel í haust sem
verður slegist um, Rolex Submari-
ner. Ég er byrjaður að skrá menn
niður á biðlista fyrir úrinu,“ segir
Frank Michelsen, úrsmiður á Lauga-
vegi, um eftirspurnina eftir úrunum
frægu á tímum þegar aðhald og nið-
urskurður eru í algleymingi.
Gangurinn í sölunni í verslun
Michelsen-fjölskyldunnar er dæmi
um hvernig lúxusmarkaðurinn hefur
staðið af sér kreppuna þótt allra dýr-
ustu vörur gangi nú sjaldnast út.
„Ég sel mjög vel af þessum vönd-
uðu úrum eins og Rolex. Ég sel
kannski minna af þessum dýrari úr-
um en meira af þeim ódýrari. Ég er
með meira úrval og fleiri stykki á lag-
er en ég var með fyrir hrun. Það
vantar toppana. Fyrir hrun seldi ég
töluvert af úrum fyrir 4-5 milljónir.
Það eru úr sem ég er ekki lengur með
á lager. Það er hins vegar töluverð
sala á úrum í dag fyrir 1-2 milljónir,“
segir Frank.
„Kemur þægilega á óvart“
– En kemur þetta Frank á óvart?
„Já. Sala á slíkum úrum til Íslend-
inga kemur þægilega á óvart. Ég átti
von á að þetta yrði krappari dýfa.“
– Er ekki að koma í ljós að það er
töluvert af fólki sem hefur það fínt?
„Það er fullt af peningum í umferð
og töluvert af fólki sem kaupir Rolex
sem fjárfestingu. Menn eru líka að
kaupa þetta til að njóta,“ segir Frank
sem kveðst hafa haft spurnir af því að
Daytona-lúxusúr sem kosti nýtt um
1.450 þúsund krónur út úr búð hér á
landi hafi verið selt með um 500.000
króna hagnaði erlendis. Þrátt fyrir
slíkar sögur telur Frank ekki stóran
hluta kaupenda að lúxusúrum vera í
leit að gjaldeyri.
Sala á skartgripum aukist
Aðra sögu er að segja í versluninni
Leonard þar sem verulega hefur
dregið úr sölu á dýrustu úrunum, á
borð við Breitling, sem kosta allt upp
undir tvær milljónir króna.
Engu að síður segir Sævar Jóns-
son, annar eigenda Leonard, nóg að
gera í versluninni sem selji reglulega
úr sem kosti um og yfir 100.000 kr.
„Skartgripasalan er mjög sterk
hjá okkur og hún hefur aukist. Ég er
búinn að vera að velta þessu fyrir
mér. Fólk er ekki að kaupa bíla, hús
eða húsgögn. Það hefur algerlega
hrunið. Öll verslun er komin innan-
lands sem munar gríðarlega um. Mín
kenning er sú að fólk hætti ekki að
gefa hvað öðru fallega hluti. Það er
kannski meira um að fólk gefi svona
hluti og spari þá fyrir þeim á móti
annars staðar.“
Að mestu sloppið við kreppuna
Sævar segir kreppuna hafa haft
minni áhrif á veltuna en hann hélt.
„Ég held að við höfum að mestu
sloppið við þetta. Sölutölur sýna það.
Dýrari vörurnar seljast frekar í
verslun okkar í Fríhöfninni þar sem
fólk sér sér hag í því að fá tollinn og
virðisaukann af. Það hefur breyst
svolítið mynstrið í bænum en ég verð
að segja að salan hefur ekki minnkað.
Hún hefur aukist, ef eitthvað er.
Mynstrið er öðruvísi. Fólk kaupir
ódýrara en meira. Það er það sem er
svo skrítið,“ segir Sævar sem telur
aðspurður að hlutfall útlendinga í
kúnnahópnum hafi lítið breyst.
Góður gangur í flatskjánum
Dýrir flatskjáir seljast líka vel.
Arnar Sigurðsson, verslunarstjóri
hjá Bang & Olufsen, segir þó allra
dýrustu flatskjáina, sem kosta á
bilinu 5-6 milljónir, seljast lítið.
Öðru máli gegni um tæki sem kosti
á aðra milljón króna. Þar sé salan
með ágætum.
„Við erum búin að selja frekar
mikið af 40 tommunni af BeoVision
10 sem er búin að vera lengi í sölu. 46
tomman var hins vegar að koma í hús
fyrir nokkrum vikum. Við kynntum
40 tommuna í nóvember. Hún hefur
síðan selst gríðarlega vel hjá okkur,“
segir Arnar en 40 tomman er á 1.195
þúsund, sú dýrari 1.590 þús.
Arnar tekur þó fram að salan sé
ekki sambærileg við eftirspurnina
þegar kaupmátturinn var sem mest-
ur. Hann kvartar þó ekki.
„Árferðið núna er kannski eins og
2002, eða eins og fínt venjulegt ár.
Við erum þannig verslun að við selj-
um ekki mörg eintök en í dag er
framlegðin allt öðruvísi. Við reynum
að halda verðinu niðri. Við héldum
verðinu aðeins niðri til að halda kúnn-
anum inni enda var svo sem fínt að
gera hjá okkur 2008 og 2009.“
Næsti verðflokkur selst vel
Kristinn Theódórsson, verslunar-
stjóri í versluninni Sony Center í
Kringlunni, segir svipaða sögu.
Dýrustu flatskjáirnir, sem kosta
vel á aðra milljón, seljist lítið en ódýr-
ari tækin að sama skapi vel.
„Það er minni sala í allra dýrustu
tækjunum. Á móti kemur að það hef-
ur ekki verið neinn umtalsverður
samdráttur í sölu á tækjum í næsta
verðflokki. Þá er ég tala um sjón-
varpstæki sem kosta á bilinu 250.000-
400.000 krónur. Þau seljast ágæt-
lega. Maður hélt að það yrði mikil
söluaukning í ódýrustu tækjunum en
það virðist ekki ætla að ganga eftir.“
„Fullt af peningum í umferð“
 Biðlisti eftir Rolex-úrum  Sjónvörp á yfir milljón seljast vel  Salan hefur aukist hjá Leonard
 Fólk horfir meira í gæðin en fyrir hrun  Markaður með notaðar lúxusvörur hefur glæðst
Í verslun Frank Michelsen Morgunblaðið hefur heimildir fyrir því að úr á um sjö milljónir hafi selst í góðærinu.
Morgunblaðið/G. Rúnar
„Það hefur
skapast mikil
eftirspurn eft-
ir notuðum úr-
um. Það eru
fyrst og
fremst betri
módelin sem seljast vel,“ segir
Frank Michelsen um þann kipp
sem orðið hefur í sölu notaðra
lúxusúra.
Arnar Sigurðsson hjá Bang &
Olufsen segir sömu sögu.
„Það hefur alltaf verið góður
eftirsölumarkaður á Bang &
Olufsen. Þau eru um það bil
helmingi ódýrari þegar við er-
um að selja þau aftur í búðinni.
Þetta hefur aukist gríðarlega,
bæði eftirspurnin og svo er fólk
að skipta upp í ný tæki.“
Notað og
rýkur út
MERKJAVARAN VINSÆL
18 FréttirINNLENT
MORGUNBLAÐIÐ LAUGARDAGUR 12. JÚNÍ 2010
Jónas Margeir Ingólfsson
jonasmargeir@mbl.is
Lögreglan á höfuðborgarsvæðinu
leggur til að hátíðarguðsþjónusta í
dómkirkjunni í Reykjavík þann 17.
júní fari fram fyrir luktum dyrum.
Sérstök samráðsnefnd fer með
skipulagningu hátíðarhaldanna en í
henni sitja fulltrúar Reykjavíkur-
borgar, Alþingis, forsætisráðu-
neytis, lögreglunnar og dómkirkj-
unnar. Athöfnin hefst á Austurvelli
þar sem borgarfulltrúar, íslenskir
embættismenn ásamt sendiherrum
erlendra ríkja fylgjast með hátíð-
arhöldum og ganga svo til guðs-
þjónustu í dómkirkjunni.
Stefán Eiríksson lögreglustjóri á
höfuðborgarsvæðinu segir hlutverk
lögreglunnar að tryggja öryggi
fólks og lokun kirkjunnar fyrir al-
menningi sé liður í þeim ráðstöf-
unum. Hann segir tillöguna ein-
ungis hugmynd sem samráðs-
nefndinni er gert að fjalla um og
ekki tímabært að ræða málið fyrr
en niðurstaða hefur fengist en
samráðsnefnd hátíðarhaldanna
tekur ákvörðun í málinu á mánu-
dag.
Tilmælin koma á óvart
Hr. Karl Sigurbjörnsson biskup
leggst alfarið gegn hugmyndum
lögreglunnar um lokun dómkirkj-
unnar. „Í eðli sínu er guðsþjónusta
kirkjunnar opinber athöfn. Guðs-
þjónustan í dómkirkju landsins á
sjálfan þjóðhátíðardaginn er opin
almenningi. Það kemur ekkert
annað til mála,“ segir Karl sem tel-
ur lögregluna ekki meta hættuna
rétt.
„Ég geri mér engan veginn
grein fyrir því hver hættan er. Ef
dómkirkjan er svona hættuleg,
hvað þá með Austurvöll? Ég sé
ekki mikinn mun þar á. Við meg-
um ekki láta hrekja okkur inn í
þær aðstæður að við sjáum ein-
hverja ógn hvert í öðru. Við verð-
um að standa vörð um okkar opna
þjóðfélag. Vissulega er ofbeldisfólk
til en það eru hreinar undantekn-
ingar og við verðum bara að taka á
þeim undantekningum. Við gerum
það ekki að viðmiði samfélagsins
að fólk sé tilbúið að eyðileggja og
spilla hátíðar- og helgidögum.“
Karl dregur í efa að samráðs-
nefnd hátíðarhaldanna sjái sóma
sinn í að samþykkja tillögu lög-
reglunnar. „Ég trúi því ekki fyrr
en ég tek á því að þeir geri kröfu
um að loka kirkjunni. En ef þeir
gera það þá er þessi gamla hefð
um opið þjóðhátíðarhald á sjálfri
lýðveldishátíðinni í uppnámi. Ef
ráðamenn og sendimenn erlendra
ríkja á Íslandi eru ekki öruggir í
sjálfri dómkirkju landsins, þá veit
ég ekki hvert við erum komin.“
Biskup andsnúinn lokun
 Lagt til að hátíðarguðsþjónusta í dómkirkjunni þann 17.
júní verði lokuð almenningi  Biskup trúir ekki kröfunni
Biskup Íslands er
mótfallinn til-
mælum lögreglu
um að loka guðs-
þjónustu 17. júní.
Saga Breiðholtsins er rakin í máli
og myndum á söguskiltum sem
Reykjavíkurborg hefur látið reisa
á bæjarhóli Breiðholtsbæjarins
sem hverfið er kennt við. Bærinn
stóð við Skógarsel, þar sem lengi
var starfrækt gróðrarstöðin
Alaska. Menningar- og ferða-
málaráð hefur beitt sér fyrir átaki
í menningarmerkingum með sam-
ræmdu útliti eins og þegar má sjá
t.d. við Höfða og í Hljómskála-
garði.
Kjartan Magnússon hrinti verk-
efninu úr vör og Áslaug Friðriks-
dóttir er núverandi formaður
ráðsins. Hönnuður skiltanna er
Finnur Malmquist.
Breiðholtið á söguskiltum
Saga Breiðholtsins Áslaug Friðriksdóttir og Kjartan Magnússon.