Morgunblaðið - 12.06.2010, Side 38

38 MenningFRÉTTIR
MORGUNBLAÐIÐ LAUGARDAGUR 12. JÚNÍ 2010
Hulda Hlín Magnúsdóttir list-
málari opnaði einkasýningu í
Turninum í Kópavogi, 2. hæð, í
vikunni þar sem hún sýnir mál-
verk frá námsárum sínum á
Ítalíu. Verkin sem nú eru til
sýnis eru máluð í Feneyjum,
Verona og Róm. Þema verk-
anna á sýningunni eru íslensk
fjöll og klettar í litskrúðugum
búningi.
Hulda Hlín útskrifaðist frá
Listaakademíu Rómar, Accademia di Belle Arti di
Roma, árið 2004 með hæstu einkunn og lauk
meistaragráðu við Háskólann í Bologna í listfræði
árið 2006.
Sýningin stendur til 31. ágúst.
Myndlist
Hulda Hlín í Turn-
inum í Kópavogi
Hulda Hlín
Magnúsdóttir
Nýr sýningarsalur, Gallerý
Klúka, á Hótel Laugarhóli í
Bjarnarfirði á Ströndum, verð-
ur tekinn í notkun í dag kl. 15
þegar opnuð verður sýning
Árna Páls Jóhannssonar. Sýn-
inguna nefnir Árni Storm á
Suðurlandi.
Árni Páll hefur stundað leik-
mynda- og sýningahönnun og
hannað leikmyndir fyrir leik-
hús og kvikmyndir, unnið með
fjölda landskunnra sem og heimsþekktra leik-
stjóra. Hann hannaði einnig íslensku skálana á
heimsýningunum í Lissabon og Hannover.
Sýningin verður opin alla daga frá kl. 10 til kl.
22 fram eftir sumri.
Ljósmyndun
Árni Páll sýnir í
Bjarnarfirði
Árni Páll
Jóhannsson
Við Aker Brygge Tjuvholmen í
Ósló stendur galleríið Arthe
Kunsthus sem Sigurjón Ein-
arsson á og rekur. Það var opn-
að í vetur og hefur sérhæft sig í
ljósmyndum. Á fimmtudag var
þar opnuð sýning á myndum
frá gosinu í Eyjafjallajökli eftir
ljósmyndarana Sigurgeir Sig-
urjónsson og Önnu Maríu Sig-
urjónsdóttur, en þau eru fyrstu
Íslendingarnir sem sýna í gall-
eríinu. Sýningin heitir Eyjafjallajökull Iceland
2010 og stendur fram í byrjun ágúst.
Þau Sigurgeir og Anna María dvöldu við Eyja-
fjallajökul á meðan á gosinu stóð og tóku myndir
af því, en einnig af lífinu í kring.
Ljósmyndun
Eyjafjallajökull á
Aker-bryggju
Kynningarspjald
sýningarinnar.
Frægasta verk þýska bar-okkmeistarans Pachelbelser Kanón, keðjusöngursem mig minnir að hafi
meira að segja ratað inn í sjónvarps-
auglýsingu frá einhverju trygginga-
fyrirtækinu (með tilheyrandi
væmni). Kanóninn er þó ekki eina
tónsmíð Pachelbels, síður en svo. Á
geisladiski með Kjartani Sigurjóns-
syni orgelleikara er að finna Ciacc-
onu í f-moll eftir tónskáldið, og hún
er ekkert minna grípandi en Kanón-
inn. Hinn mjúki og fallegi hljómur í
orgelinu í Digraneskirkju nýtur sín
fullkomlega í vandaðri túlkun Kjart-
ans, músíkin er ótrúlega seiðandi og
mögnuð. Bara þetta verk gerir
geisladiskinn vel þess virði að eign-
ast.
Önnur tónsmíð eftir Pachelbel,
Tokkata í C-dúr, er líka skemmtileg,
hún er hátíðleg, nánast jólaleg í
meðförum Kjartans. Sömu sögu er
að segja um tvo sálmaforleiki eftir
Bach (BWV 606 og 638), sem eru
hrífandi blátt áfram og með mark-
vissri stígandi. Og sónata í A-dúr op.
65 nr. 3 eftir Mendelssohn er mögn-
uð, fyrri kaflinn tilþrifamikill, sá
seinni ofurveikur og annarsheims-
legur, eins og tónlistarleg lýsing á
sumarlandinu að handan!
Allir vita að stutt er í að orgelið
verði ógnandi. Samtímatónskáld
sem fara út fyrir hefðbundið tónmál
fyrri alda gæta sín þó ekki alltaf á
þessu. Joonas Kokkonen (1921-1996)
fer aðeins yfir strikið í Lux aeterna;
hljómarnir, sem myndu virka tærir
og hástemmdir úr píanói eða frá
strengjasveit, verða óhuggulegir úr
orgelinu. Hið eilífa ljós er hér eins
og úr hugarheimi Rannsóknarrétt-
arins. Það er ekki tilviljun að orgel-
tónlist er vinsæl í hrekkjavöku-
partíum!
Þeir Flor Peeters (1903-1986) og
Jón Þórarinsson (f. 1917) hafa betur
höndlað möguleika orgelsins. Til-
brigði um Veni creator eftir þann
fyrrnefnda er seiðandi hugleiðing
um heilagan anda. Sálmaforleikur
Jóns, Jesú, mín morgunstjarna, er
líka alltaf jafn fallegur, enda frábær-
lega leikinn af Kjartani. Hann er við-
eigandi lokaatriði á virkilega vönd-
uðum geisladiski. Bravó!
Morgunblaðið/Sverrir
Frábært Orgelleikarinn Kjartan
Sigurjónsson fær mikið lof í dómi.
Orgelhljóm-
ar sumar-
landsins
Geisladiskur
Kjartan Sigurjónsson leikur á orgel
bbbbm
Verk eftir Pachelbel, Bach, Mendels-
sohn, Peeters, Kokkonen og Jón Þór-
arinsson. Upptökustjóri: Sveinn Kjart-
ansson.
JÓNAS SEN
TÓNLIST
Árni Matthíasson
arnim@mbl.is
Hlynur Hallsson og Jóna Hlíf Hall-
dórsdóttir opna fyrsta hluta þrí-
leiksins Áfram með smjörlíkið! í
Listasafni ASÍ í dag kl. 16. Næstu
hlutar verksins verða svo sýningar
í Djúpavík og Berlín, en að sögn
Hlyns hafa allar sýningarnar sömu
yfirskrift en mismunandi undir-
heiti. Sýningarnar verða ekki alveg
eins þar sem hver þeirra er sett
upp miðað við sýningarstaðinn, þó
yfirskriftin sé sú sama. Í Reykja-
vík, Listasafni ASÍ, hefur hún und-
irheitið Innantóm slagorð, í Síld-
arverksmiðjunni á Djúpavík … og
tilbiður guð sinn sem deyr og í
Berlín Byltingin er rétt að byrja.
Unnið með Ragnar í Smára
„Við ákváðum að vinna aðeins
með Ragnar í Smára,“ segir Hlyn-
ur en ekki þarf mikið ímyndunarafl
til að sjá að yfirskrift sýningar-
innar er vísun til hans, enda var
hann einn öflugasti stuðningsmaður
íslenskra listamanna á sinni tíð.
„Hluti af sýningunni er líka
nokkur verk úr gjöf Ragnars sem
lagði grunninn að Listafsafni ASÍ,
síðan erum við með samvinnuverk
okkar, þátttökuverk og texta, og
svo erum við líka með eigin verk:
Jóna Hlíf með ljósmynd, skúlptúra
og vídeóverk og ég með ljósmynd
og spreytexta. Ég er til dæmis með
stórt textaverk þar sem ég set
saman texta sem aðrir hafa skrifað,
þar á meðal tilvísun í Björn
Bjarnason þar sem innantóm slag-
orð koma einmitt fyrir, texta af
bloggsíðu þar sem Björgúlfi Guð-
mundssyni var líkt við Ragnar í
Smára og svo staðreyndabrot af
Wikpediu og svo má áfram telja,“
segir Hlynur og bætir við að allir
gestir á sýninguna fái smjörlíkis-
kórónur við innganginn.
Safnið allt undir
Það má segja að þau Hlynur og
Jóna Hlíf leggi safnið allt undir sig
því sýningin byrjar utan á húsinu,
Hlynur er þar með nokkur slagorð
og Jóna Hlín málaði á þakskeggið.
Sýningunni í Listasafni ASÍ, sem
stendur til 4. júlí, fylgir bókverk
sem Hlynur og Jóna skapa í sam-
einingu.
Önnur sýning raðarinnar, … og
tilbiður guð sinn sem deyr verður
haldin í Síldarverksmiðjunni á
Djúpavík, opnuð 17. júlí og stendur
til 28. ágúst. Þar verða rýmis-
bundnar innsetningar í fyrirrúmi.
Þriðja og síðasta sýningin í röðinni,
Byltingin er rétt að byrja, verður
svo opnuð í 111 – a space for con-
temporary art í Berlín 3. sept-
ember og stendur hún til 24. sept-
ember.
Morgunblaðið/Golli
Slagorð Þau Hlynur Hallsson og Jóna Hlíf Halldórsdóttir leggja Listasafn
ASÍ undir sig yst sem innst, krýnd smjörlíkiskórónum.
Áfram með
smjörlíkið! í
Listasafni ASÍ
Myndlistarnámið
» Hlynur Hallsson er mennt-
aður við Myndlista– og hand-
íðaskóla Íslands og við listahá-
skóla í Hannover, Hamborg og
Düsseldorf í Þýskalandi.
» Jóna Hlíf Halldórsdóttir er
menntuð við Listaháskóla Ís-
lands, var við nám í Finnlandi
og lauk MFA-gráðu frá Glasgow
School of Art í Skotlandi.
 Fyrsti hluti þríleiks Hlyns og Jónu
Samvinnuverkefni Þingvalla-
kirkju og minningarsjóðs
Tónleikaröðin er samvinnuverk-
efni Þingvallakirkju og Minning-
arsjóðs Guðbjargar Einarsdóttur
frá Kárastöðum sem var móður-
systir Einars, sem á ættir að rekja
til Þingvallasveitar, en sú hugmynd
að hafa hátíðna á þriðjudagskvöld-
um er frá Kristjáni Val Ingólfssyni
sóknarpresti.
Að sögn Einars hefur hátíðin
gengið ljómandi vel hingað til og það
hafi nánast alltaf verið full kirkja,
með það í huga þó að ekki komast
nema fimmtíu manns fyrir í kirkj-
unni.
„Kirkjan sjálf skammtar okkur
eiginlega efnið því ekki er hægt að
fara þar inn með hávær hljóðfæri;
barokktónlist er óskaplega falleg
þar inni og söngur með undirleik til
dæmis, en það lék reyndar brass-
Þótt Þingvallakirkja sé ekki mikil
um sig rúmar hún þó tónlistarhátíð
og hefur gert undanfarin ár, því há-
tíðin Þriðjudagskvöld í Þingvalla-
kirkju er nú haldin í fjórða sinn og
hefst næstkomandi þriðjudag kl. 20.
Þá munu þær Laufey Sigurðardóttir
fiðluleikari og Elísabet Waage
hörpuleikari leika verk eftir Fauré
og Tsjaíkovskíj auk hebreskra þjóð-
laga.
Einar Jóhannesson klarínettuleik-
ari er umsjónarmaður tónleikarað-
arinnar og segir að tónleikarnir
verði fernir að þessu sinni, þær
Laufey og Elísabet ríði á vaðið en
síðan verði tónleikar þeirra Helgu
Þórarinsdóttur og Kristins H. Árna-
sonar 22. júní, Björn Davíð Krist-
jánsson og Kawal-flautukvartett
hans leika 29. júní og síðustu tónleik-
arnir verða svo 6. júlí þegar tréblás-
aratríó Einars, Peters Thompkins
og Rúnars Vilbergssonar leikur.
kvartett á tónleikum í fyrra og þá
var blásið blíðlega. Það er til svo
mikið af fallegri tónlist sem hentar í
það djásn sem kirkjan er.“
Gestir á tónleika hátíðarinnar eru
að miklu leyti úr sveitinni að því er
Einar segir, „skyldmenni og sveit-
ungar“ eins og hann orðar það, en
einnig segist hann títt sjá þar andlit
útlendra ferðamanna og svo andlit
úr Reykjavík og víðar að. Tónleikar
voru þrennir fyrsta árið og síðan
fernir eftir það sem hann segir að sé
hæfilegt. „Við sjáum hvernig þetta
þróast, þetta verður að vera á lágum
og fallegum nótum, við viljum engar
sprengingar. Við höfum ekki viljað
básúna hátíðina um of, þótt ekki sé
hún leyndarmál, en við óttumst það
helst að aðsókn verði of mikil og að
þurfa að vísa fólki frá,“ segir Einar.
Aðgangur að tónleikunum er ókeyp-
is og treyst á frjáls framlög sem
hann segir hafa reynst vel.
Þriðjudagskvöld
í Þingvallakirkju
Morgunblaðið/Jakob Fannar
Djásn Laufey Sigurðardóttir fiðluleikari og Elísabet Waage hörpuleikari
ríða á vaðið með tónleika í röðinni Þriðjudagskvöld í Þingvallakirkju.
 Árleg tónlistarhátíð hefst á þriðjudag
Þá kom sér vel að
hafa við höndina ein-
tak af tímaritinu Úrvali frá
októbermánuði 198842
»