Morgunblaðið - 25.08.2010, Blaðsíða 2

2 FréttirINNLENT
MORGUNBLAÐIÐ MIÐVIKUDAGUR 25. ÁGÚST 2010
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Prentun Landsprent ehf.
www.noatun.is
Nóatúni
Nýttu þér nóttina í
Verslanir Nóatúns eru
opnar allan sólarhringinn
BAKSVIÐ
Helgi Bjarnason
helgi@mbl.is
Margir prestar styðja tillögu séra
Sigríðar Guðmarsdóttur um að
þjóðkirkjan óski eftir því við stjórn-
völd að skipuð verði óháð sannleiks-
nefnd til að rannsaka ásakanir um
þöggun innan kirkjunnar vegna
meints kynferðisafbrots fyrrverandi
biskups Íslands. Sigríður vill gefa
yfirstjórn kirkjunnar svigrúm til að
koma málinu í þann farveg. Stjórn
Prestafélags Íslands hefur boðað til
almenns félagsfundar um málið
næstkomandi mánudag.
Meint kynferðisafbrot Ólafs
Skúlasonar, fyrrverandi biskups,
komust að nýju í umræðuna eftir að
Guðrún Ebba dóttir hans sagði
kirkjuráði sögu sína. Hefur verið
mikil umræða og ólga innan kirkj-
unnar og í samfélaginu vegna máls-
ins, meðal annars vegna þess hvern-
ig kirkjan hefur tekið á málinu fyrr
og nú.
„Ég dáist að hugrekki Guðrúnar
Ebbu að koma fram með sína sögu
og það verður okkur hvatning til að
vera vakandi yfir velferð barna.
Kirkjan er jafn útsett fyrir því og
aðrir vinnustaðir að þar leynast ger-
endur barnaníðs,“ segir Guðbjörg
Jóhannesdóttir, formaður Presta-
félags Íslands en hún starfar sem
prestur við Hafnarfjarðarkirkju.
„Ég er ekki hætt“
Guðbjörg segir að kirkjan þurfi
að gera það upp hvernig farið var
með mál kvennanna sem ásökuðu
Ólaf Skúlason á sínum tíma. Það sé
alvarlegt að þeim hafi ekki verið
trúað og að málið skyldi sett í sátta-
ferli en ekki rannsakað á eðlilegan
hátt. „Í öllu samfélaginu sem og í
kirkju er aðeins nýlega farið að
ræða um áreitni og kynferðisafbrot
með þessum hætti. Því er auðvelt að
vera vitur eftirá,“ segir Guðbjörg.
Sigríður Guðmarsdóttir, sóknar-
prestur í Grafarholtsprestakalli,
lagði til í grein sem birtist í Frétta-
blaðinu í fyrradag að yfirstjórn
kirkjunnar óskaði eftir því að
stjórnvöld skipuðu óháða sannleiks-
nefnd til að rannsaka ásakanir um
þöggun íslensku þjóðkirkjunnar
vegna meints kynferðisofbeldis
fyrrverandi biskups. Nefnir hún
mannréttindaráðuneyti, félagsmála-
ráðuneyti og Siðfræðistofnun Há-
skólans í því sambandi en tekur
fram að óhægt sé fyrir núverandi
biskup að tjá sig um málið vegna
ásakana á hendur honum sjálfum
um að hafa tekið þátt í að þagga
málið niður á sínum tíma. Sigríður
hefur verið að afla þessari tillögu
stuðnings meðal presta og virðist
verða vel ágengt. Hún segist þó vilja
gefa yfirstjórn kirkjunnar nokkra
daga til að taka frumkvæði í málinu.
„Ég er ekki hætt,“ segir hún um
framhaldið.
Úrsagnir eru áhyggjuefni
Borið hefur á úrsögnum úr kirkj-
unni síðustu daga og í gær sagði Jó-
hanna Sigurðardóttir forsætisráð-
herra að það hefði stundum hvarflað
að sér að segja sig úr þjóðkirkjunni.
Guðbjörg segir að fréttir af úr-
sögnum séu áhyggjuefni. Taka þurfi
alvarlega þótt aðeins einn segði sig
úr kirkjunni og skoða ástæður þess.
Spurð um stöðu Karls Sigurbjörns-
sonar biskups segir Guðbjörg að
hann þurfi að hugsa um það hvort
þjóðin treysti honum og hvort prest-
arnir treysti honum.
Stuðningur við sannleiksnefnd
 Séra Sigríður Guðmarsdóttir gefur kirkjunni nokkra daga til að óska eftir rann-
sókn á þöggun vegna meints kynferðisafbrots  Prestar munu funda um málið
Biskup þarf að íhuga
hvort þjóðin og
prestarnir treysta
honum.
Guðbjörg Jóhannesdóttir
Flug um íslenska flugstjórnarsvæðið jókst um
8,6% frá júní til 20. ágúst í ár miðað við sama
tíma í fyrra, að sögn Hjördísar Guðmundsdóttur,
upplýsingafulltrúa Isavia. Alls fóru 29.857 vélar
um svæðið á fyrrgreindu tímabili en höfðu verið
27.498 í fyrrasumar. Mesta flugumferðin er
gjarnan í júlí og í júlí á þessu ári voru 11.609 flug
um svæðið en höfðu verið 11.018 í fyrra. Það
þýðir tæplega 400 flug á sólarhring.
Aukið flug um íslenska flugstjórnarsvæðið
Morgunblaðið/Árni Sæberg
„Við höfum lokið
úrvinnslu á að-
haldsaðgerðum
og í raun lokað
þeim römmum
sem lúta að sér-
tækum ráðstöf-
unum á út-
gjaldahlið og
tekjuhlið og
þannig getum
við farið að raða
inn í rammana hvernig útkoman
verður fyrir einstök ráðuneyti og
ríkið í heild. Þetta er sem sagt að
lokast núna á þessum dögum.
Nokkurn veginn á áætlun,“ sagði
Steingrímur J. Sigfússon fjár-
málaráðherra á blaðamannafundi í
stjórnarráðinu í gær.
40 milljarðar plús
Steingrímur sagði að stærð-
argráða aðhaldsaðgerða að þessu
sinni í fjárlögum næsta árs yrði
„40 milljarðar plús“. Af því yrði
u.þ.b. fjórðungur í skattahækkanir
og það sem eftir stæði í annars
vegar beinan niðurskurð og hins
vegar „aðgerðir til að koma í veg
fyrir útgjöld sem ella hefðu orðið“.
Steingrímur sagði að með þessu
væri verið að taka mjög stórt skref
í þá átt að ná fjárlagahallanum nið-
ur, jafnvel að helminga hallann í
ár.
Skattar
hækka um
tíu milljarða
Steingrímur J.
Sigfússon
Stórt skref í að vinna
á fjárlagahallanum
STEFNT er að því að gengið verði
frá samningum við SPITAL-
hönnunarteymið síðar í þessari viku
um hönnun nýja Landspítalans skv.
upplýsingum Gunnars Svavars-
sonar, formanns verkefnisstjórnar.
SPITAL-hópurinn sigraði í sam-
keppni um heildarskipulag og frum-
hönnun spítalans. Kostnaður áfang-
ans er áætlaður 7-800 milljónir. Í
framhaldi af samkomulaginu hefst
langt hönnunartímabil en opinbert
hlutafélag sem tekur við undirbún-
ingsverkinu af verkefnisstjórn und-
irbýr svo útboð á byggingunni á
EES. Jarðvegsframkvæmdir ættu
að geta hafist næsta sumar.
Samið við
hönnuðina
Helgi Bjarnason
helgi@mbl.is
Norðurál hefur stefnt HS Orku fyrir
gerðardóm í Svíþjóð vegna ágrein-
ings um túlkun ákvæða samninga fé-
laganna um orkuöflun fyrir álver í
Helguvík. Ágreiningurinn stendur
bæði um verð og magn raforku.
„Það er verið að ýta á eftir nið-
urstöðu um orkusamninginn, hvort
þeir ætla að efna samninginn eins og
hann var gerður,“ segir Ragnar Guð-
mundsson, forstjóri Norðuráls.
Hann kveðst ekki geta tjáð sig um
efni samningsins. „Við höfum lagt
okkur fram við að vinna eftir honum
og er ekkert að vanbúnaði að fara af
stað. Vonandi tekst að fá niðurstöðu í
þetta sem fyrst þannig að hægt verði
að halda áfram,“ segir hann.
Norðurál tilkynnti HS Orku það í
júlí að fyrirtækið hygðist skjóta
ágreiningi félaganna til gerðardóms
sænska viðskiptaráðsins, á „hlut-
lausan völl“, eins og heimilt er sam-
kvæmt ákvæðum í samningum. Júl-
íus Jónsson, forstjóri HS Orku, á von
á því að fá tilkynningu frá gerðar-
dómnum um að málið sé komið þang-
að til úrskurðar.
Júlíus segir að samningsaðilar hafi
ekki verið alveg samhljóða í túlkun á
ákvæðum samninga frá 2007 um
magn raforku og verð. Hann bendir
á að allar tímaáætlanir hafi hrokkið
úr sambandi vegna bankahrunsins
og ekki hafi heldur fengist virkjana-
leyfi á Reykjanesi eða breytingar á
skipulagi til að hefja boranir í Eld-
vörpum og Krísuvík. „Við erum því
ekki komnir með neitt rafmagn en
erum ekki búnir að gefa það frá okk-
ur að það fáist,“ segir Júlíus. Hann
bætir því við að í samningum við
Norðurál séu ótal fyrirvarar, meðal
annars um virkjanaleyfi, niðurstöður
rannsókna og forsendur verðs.
Ekki búið að loka dyrum
Norðurál og HS Orka eru ekki
lengur í viðræðum um lausn þess-
arra mála. „Það er ekki búið að loka
neinum dyrum en þeir töldu þessa
leið vænlega,“ segir Júlíus Jónsson
og viðurkennir að samskipti séu
þyngri í vöfum í svona ferli.
Vísað til gerðardóms
 Norðurál vill fá niðurstöðu um það hvort HS Orka ætlar að
efna raforkusamning vegna fyrirhugaðs álvers í Helguvík
Ragnar
Guðmundsson
Júlíus
Jónsson