Morgunblaðið - 15.11.2010, Blaðsíða 12

12 FRÉTTIRViðskipti | Atvinnulíf
MORGUNBLAÐIÐ MÁNUDAGUR 15. NÓVEMBER 2010
• Skráðu þig á forgangslista og við sendum þér reglulega upplýsingar í
tölvupósti um tækifæri sem við getum ekki sett í auglýsingar. Upplýsingar og
skráning á www.kontakt.is.
• Vel þekkt innflutnings- og framleiðslufyrirtæki í byggingariðnaði. Velta á
uppleið og góð verkefnastaða. EBITDA 35 mkr. Kaupverð felst að stórum hluta
í yfirteknum langtímaskuldum en kaupandi þarf að leggja fram góðar
tryggingar fyrir rúmlega 100 mkr.
• Rótgróið þjónustufyrirtæki sem selur stofnunum og fyrirtækjum sérhæfðar
rekstrarvörur. Að stærstum hluta fastar áskriftartekjur. Ársvelta 150 mkr. Góður
hagnaður og litlar skuldir.
• Fasteignafélag með 9000 fm í öruggri útleigu. 25 ára leigusamningur.
Áhvílandi hagstæðar langtímaskuldir um 840 mkr. 100% hlutur á 600 mkr.
• Vel rekið þjónustu- og viðgerðafyrirtæki á sérhæfðu sviði. Ársvelta 80 mkr.
Góður hagnaður.
• Lítið bakarí í góðu hverfi. Ársvelta 40 mkr.
• Innflutnings- og framleiðslufyrirtæki sem þjónar mest matvælaiðnaðinum.
Ársvelta 60 mkr.
• Heildverslun með neytendavörur (ekki matvæli). EBITDA 80 mkr. Engar skuldir.
• Þjónustufyrirtæki með yfir 500 fyrirtæki og stofnanir í föstum viðskiptum.
Ársvelta 150 mkr.
FRÉTTASKÝRING
Örn Arnarson
ornarnar@mbl.is
Hægt er að draga tvær ályktanir af
því að stærsta fréttin af leiðtoga-
fundi tuttugu helstu iðnríkja heims í
Suður-Kóreu í síðustu viku skuli
vera um að fulltrúar evruríkjanna
hafi sent frá sér sérstaka yfirlýs-
ingu sem var ætlað að draga úr
spennu á skuldabréfamörkuðum. Í
fyrsta lagi að valdahlutföllin í al-
þjóðahagkerfinu hafa breyst svo
mikið frá lokum kalda stríðsins að
litlar líkur eru á því að helstu iðnríki
komi sér saman um víðtækar að-
gerðir og inngrip á gjaldeyrismörk-
uðum, líkt og gerðist með Plaza-
samkomulaginu og Louvre-sam-
komulaginu á níunda áratugnum, til
að leiðrétta viðvarandi ójafnvægi í
alþjóðviðskiptum. Í öðru lagi er
óhætt að draga þá ályktun að
skuldakreppan í Evrópu sé í raun
að hefjast fremur en renna sitt
skeið á enda og að hún eigi eftir að
verða afdrifarík fyrir alþjóðahag-
kerfið.
Á föstudag lýstu leiðtogar fimm
stærstu hagkerfa Evrópusam-
bandsins því yfir á leiðtogafundi
tuttugu helstu iðnríkja heims að
ekki stæði til að fjárfestar þyrftu að
þola skell vegna útistandandi rík-
isskuldabréfa evruríkja. Ástæða yf-
irlýsingarinnar var að áhættuálag á
ríkisskuldabréf Írlands hefur hækk-
að verulega ásamt álaginu á ríki á
borð við Portúgal. Hækkunarhrinan
hófst í kjölfar þess að leiðtogar ESB
komu sér saman um að móta reglur
í tengslum við mögulegt greiðslufall
eins evruríkis. Reglurnar munu
miðast við að skaðinn haldist innan
landamæranna, ef svo má að orði
komast, og að kröfu þýskra stjórn-
valda munu þær kveða á um að fjár-
festar muni frekar en skattgreið-
endur bera kostnaðinn.
Nýju fyrirkomulagi er ætlað að
koma í stað fyrir 750 milljarða evra
björgunarsjóðinn sem settur var á
laggirnar í vor í kjölfar þess að
gríska ríkið stóð frammi fyrir
greiðslufalli. Sjóðurinn verður lagð-
ur niður árið 2013 en þá rennur
neyðaraðstoðin til gríska ríkisins
sitt skeið á enda. Þar sem nýju regl-
unum er ætlað að fela í sér aukna
ábyrgð fjárfesta á ríkisskuldabréfa-
markaði hefur ávöxtunarkrafan á
skuldabréf verst stöddu evruríkj-
anna farið hækkandi að undan-
förnu. Þetta er gerólík þróun og átti
sér stað eftir að tilkynnt var stofnun
neyðarsjóðsins í vor enda felur hann
efnislega í sér að öll evruríkin
tryggi skuldir hvors annars.
Skammgóður vermir
Yfirlýsing leiðtoga Bretlands,
Frakklands, Þýskalands, Ítalíu og
Spánar á leiðtogafundinum í Suður-
Kóreu leiddi til þess að ávöxtunar-
krafan á írsk ríkisskuldabréf snar-
lækkaði á mörkuðum á föstudag.
Hinsvegar hafði hún farið í hæstu
hæðir dagana á undan og við lokun
markaða endurspeglaði hún enn
miklar væntingar um að írska ríkið
kæmist ekki hjá því að feta í sömu
fótspor og grísk stjórnvöld og sækja
um fé úr neyðarsjóði ESB vegna
skuldavandans.
Þó svo að írska ríkið þurfi ekki að
endurfjármagna neinar skuldir fyrr
en um mitt næsta ár telja fjárfestar
í vaxandi mæli einsýnt að kostnaður
ríkisins við að tryggja bankakerfið í
heild sinni verði á endanum óviðráð-
anlegur og aðhald og niðurskurður í
ríkisrekstrinum muni ekki duga til
þess að koma skútunni á réttan kjöl.
Fregnir af því að endurfjármögnun
þeirra skuldbindinga sem ríkið hef-
ur þurft að inna af hendi vegna
bankanna hafi fyrst og fremst verið
fengin frá Evrópska seðlabankan-
um hafa styrkt menn í þeirri trú að
stjórnvöld muni ekki komast hjá því
að leita á náðir ESB eftir neyðar-
fjármögnun á næstunni.
Óumflýjanlegum
vanda slegið á frest
En áðurnefnd yfirlýsing vekur
áleitnar spurningar um hvað myndi
vinnast með slíku. Þó svo að hún
hafi leitt til þess að áhættuálagið á
írsk ríkisskuldabréf hafi lækkað lít-
illega úr hæstu hæðum um stund þá
dregur hún ekki úr þeirri óvissu
sem ríkir um framtíðarfjármögnun
verst stöddu evuríkjanna. Ljóst er
að yfirlýst áform um að fjárfestar
muni með formlegum hætti
bera meiri áhættu af fjárfesting-
um í ríkisskuldabréfum evruríkj-
anna mun leiða til þess að fjármögn-
unarkjör verst stöddu evruríkjanna
munu versna. Í þessu samhengi má
nefna að hlutfall skulda gríska rík-
isins af landsframleiðslu mun fara
úr 120% í tæp 150% á næstu þrem
árum vegna neyðarlánsins frá ESB.
Gríska ríkið þurfti að leita á náðir
sambandsins vegna þess að það gat
ekki lengur fjármagnað sig með
hefðbundnum hætti þó svo að fjár-
festar gerðu ráð fyrir að önnur
evruríki myndu koma því gríska til
aðstoðar. Fjármögnun þess mun því
verða enn erfiðari þegar það þarf að
fara út á markaðinn á nýjan leik eft-
ir að hinar nýju reglur ESB taka
gildi. Það sama mun eiga við Írland.
Írafárið fer vaxandi
á fjármálamörkuðum
 Leiðtogar Evrópusambandsins reyna að róa markaði
Reuters
Írski vandinn minnti á sig á leiðtogafundi tuttugu helstu iðnríkja heims.
Reuters
Botnlaus hít Fjárfestar gera ráð fyrir að björgun írska ríkisins á bankakerfinu verði því ofviða.
Bjarni Ólafsson
bjarni@mbl.is
Þjóðarleiðtogar 21 Asíu- og
Kyrrahafsríkis hafa ákveðið að
auka viðskiptafrelsi á svæðinu og
ætla að halda áfram undirbúningi
að stofnun fríverslunarsvæðis.
Verði af stofnun slíks svæðis
myndi það tengja saman þrjú
stærstu hagkerfi heims, Banda-
ríkjanna, Japans og Kína.
Alvarleg ágreiningsmál standa
hins vegar óleyst, einkum deilur
Bandaríkjamanna og Kínverja um
gjaldeyrismál og viðskiptahalla.
Bandaríkin vilja auka útflutning
sinn til annarra ríkja á svæðinu og
telur að lágt gengi kínverska
gjaldmiðilsins standi í veginum.
Forseti Kína, Hu Jintao, segir
hins vegar að verði af breytingum
muni Kína ráða því hverjar þær
verði og hve hratt verið farið í
þær.
Í lokayfirlýsingu ráðstefnu Sam-
vinnuráðs Asíu- og Kyrrahafsríkja
(APEC) lýstu þjóðarleiðtogarnir
hins vegar yfir staðfastri skuld-
bindingu sinni til að koma á frjáls-
um og opnum viðskiptum og fjár-
magnsflutningum á svæðinu.
Þá er öllum nýjum viðskipta- og
fjárfestingarhömlum hafnað.
Fríverslunarsvæði
Asíu og Kyrrahafs
 Gengisdeilur setja strik í reikninginn
Reuters
APEC Forsætisráðherra Japans,
Naoto Kan, gengur framhjá for-
seta Kína, Hu Jintao.