Morgunblaðið - 14.02.2011, Blaðsíða 6

6 FRÉTTIRInnlent
MORGUNBLAÐIÐ MÁNUDAGUR 14. FEBRÚAR 2011
Öflugir TUDOR High Tech
rafgeymar fyrir jeppa.
„Það er mjög brýnt að þessi geiri sé
skilgreindur með lagalegum hætti í
samfélaginu. Það gæti um leið hvatt
stjórnvöld til þess að létta á skatta-
legri meðferð samtaka innan geir-
ans, þannig að þau verði sterkari
bandamenn í að byggja upp velferð-
arkerfið,“ segir Guðrún Agnarsdótt-
ir, formaður Almannaheilla.
Málþing fer fram í Háskóla Ís-
lands í hádeginu í dag þar sem rætt
verður um mikilvægi heildarlöggjaf-
ar um starfsemi frjálsra félagasam-
taka og sjálfseignarstofnana, oft
kallað þriðji geirinn. „Eitt af þremur
baráttumálum Almannaheilla er að
fá stjórnvöld til að skilgreina þennan
vettvang, þriðja geirann. Þetta er
fjölbreyttur vettvangur og innan
hans eru mörg almannaheillasamtök
þar sem sjálfboðaliðastarf er mjög
algengt. Það þarf að skilgreina þenn-
an starfsvettvang og þá um leið að
taka tillit til skattalegrar meðferðar.
Í nágrannalöndum okkar er allt
öðruvísi staðið að skattalegri með-
ferð á þessum vettvangi, ef til vill
vegna þess að menn gera sér grein
fyrir því að þarna eru mjög mikil-
vægir liðsmenn í velferðarsamfélag-
inu. Það er ekki síst þessi skattalega
meðferð sem við höfum í huga þegar
við erum að hugsa um heildarlög-
gjöf. Betri skattaleg meðferð myndi
auðvelda samtökum að verða virkari
og það er það sem við erum fyrst og
fremst að hugsa um,“ segir Guðrún.
Innan Almannaheilla eru 19
samtök og segir Guðrún þau
sammála um mikilvægi þess
að fá heildarlöggjöf. „Þá er-
um við ekki að tala um
íþyngjandi löggjöf eða tak-
markandi skilgreiningar
gagnvart félagafrelsi heldur
erum við fyrst og fremst að tala
um víðan ramma og skilgrein-
ingar sem eru viðurkenndar
af stjórnvöldum.“
ingveldur@mbl.is
Sterkari bandamenn í að
byggja upp velferðarkerfið
 Samtök telja brýnt að þriðji geirinn
sé skilgreindur með lagalegum hætti
„Stappar í
okkur
stálinu“
Sumartónleikar í Skálholti hlutu
Eyrarrósina í ár sem var afhent
við hátíðlega athöfn á Bessastöð-
um í gær. „Þetta er viðurkenning
á því að við séum að gera góða
hluti og á eflaust eftir að hjálpa
okkur við alla vinnu í kringum há-
tíðina,“ segir Sigurður Hall-
dórsson, listrænn stjórnandi tón-
leikanna. „Að fá þessa
viðurkenningu gefur okkur sem
höldum utan um hátíðina mikið
pepp til þess að halda áfram. Það
er frekar mikið af áföllum í gangi
núna í sambandi við fjáröflun svo
þetta stappar í okkur stálinu. Það
er mikill stuðningur að hafa þessi
verðlaun á bak við sig og staðfest-
ing á því gildi sem þessi starfsemi
hefur á allan hátt,“ segir Sigurður
jafnframt.
Eyrarrósin er viðurkenning fyr-
ir framúrskarandi menningarverk-
efni á landsbyggðinni. Verndari
hennar er Dorrit Moussaieff for-
setafrú og afhenti hún viðurkenn-
inguna, verðlaunagrip og verð-
launafé upp á 1,5 milljónir króna.
Sumartónleikar í Skálholts-
kirkju hafa verið starfandi síðan
1975 og staðið fyrir tónleikahaldi í
Skálholtsdómkirkju í 5-6 vikur á
hverju sumri síðan. Hátíðin er sú
elsta og jafnframt stærsta sinnar
tegundar á landinu. Eitt helsta
markmið hennar er að stuðla að
nýsköpun íslenskrar kirkju-
tónlistar. Auk Sumartónleika í
Skálholti voru tilnefnd til Eyr-
arrósarinnar; Hreindýraland, Eg-
ilsstöðum og Þórbergssetur, Hala
í Suðursveit. ingveldur@mbl.is
 Sumartónleikar í
Skáholti fengu
Eyrarrósina
Morgunblaðið/Árni Sæberg
Eyrarrósin Sigurður Halldórsson, listrænn stjórnandi Sumarhátíðar í Skálholti, Pamela De Sensi, framkvæmda-
stjóri hátíðarinnar, og Dorrit Moussaieff, forsetafrú og verndari Eyrarrósarinnar, á Bessastöðum í gærdag.
Þórður Gunnarsson
thg@mbl.is
Álitaefni tengd skuldabréfi sem NBI gaf út til
skilanefndar gamla bankans verða rædd í við-
skiptanefnd Alþingis í dag, samhliða því að fjár-
laganefnd þingsins hefur sama mál til umfjöllunar.
Inntur eftir því hverju það sæti að tvær nefndir
þingsins hafi sama mál til umfjöllunar segir Guð-
laugur Þór Þórðarson nefndarmaður að ríkis-
stjórnin hafi haft tilhneigingu til að halda málum
frá viðskiptanefnd: „Þetta er mál viðskiptanefnd-
ar. Lítill vilji hefur verið því hjá stjórnarmeirihlut-
anum að senda mál til þeirrar nefndar. Menn
þekkja náttúrlega hvernig hefur verið komið fram
við Lilju Mósesdóttur, þetta er birtingarmynd
þess. Eflaust þykir mönnum þægilegra að vísa
svona málum í fjárlaganefndina, þar sem pólitísku
varðhundarnir eru,“ segir Guðlaugur Þór. Lilja
Mósesdóttir er varaformaður nefndarinnar. Ekki
náðist í Lilju í gær, eða Magnús Schram, formann
viðskiptanefndar.
Samþykki beggja þarf fyrir breytingum
Sigurgeir Jónsson hagfræðingur starfaði til
langs tíma hjá Bank of America, meðal annars á
því sviði bankans er höndlaði með skuldatrygg-
ingar. Að sögn Sigurgeirs myndu skilmálabreyt-
ingar á greiðslum af skuldabréfi NBI til gamla
bankans, í þá veru að greiddar yrðu krónur að
hluta í stað erlends gjaldeyris, ekki endilega fela í
sér greiðslufall NBI í skilningi lögmála skulda-
tryggingamarkaðarins. „Ef bæði NBI og gamli
bankinn yrðu sammála um slíkar skilmálabreyt-
ingar, og þær hefðu ekki áhrif til hins verra á aðra
kröfuhafa NBI, jafngildir slíkt ekki greiðslufalli.
Að sama skapi myndi slík breyting ekki hafa bein
áhrif á skuldatryggingar íslenska ríkisins, þó svo
að bankinn sé í ríkiseigu að mestu. Óbein áhrif
gætu hins vegar komið fram í gegnum breytt mat
á raunverulegum gjaldeyrisforða. Allt endar þetta
á sama staðnum, í Seðlabanka Íslands, sem þarf að
sjá ríkinu og opinberum fyrirtækjum fyrir gjald-
eyri til að greiða af erlendum lánum. Ef NBI þarf
að leita þangað líka vandast málið. Þetta undir-
strikar að krónan má alls ekki veikjast á þeim tíma
sem mögulegar Icesave-kröfur eiga að greiðast
upp,“ segir Sigurgeir.
Hann bendir á að ef krónan væri á floti eða NBI
þyrfti að kaupa sér gjaldeyri á aflandsmarkaði,
þyrfti mögulega að velta fyrir sér hversu langt
eigið fé bankans dygði gegn mögulegri veikingu
krónunnar. „Mér sýnist líka því miður að stjórn-
völd ætli sér að eyða sama gjaldeyrinum nokkuð
oft til að standa skil á erlendum skuldbindingum
stjórnvalda og ríkistryggðra fyrirtækja. Þegar á
hólminn er komið mun eitthvað gefa sig.“
Segir málum haldið frá nefndinni
 Hagfræðingur telur að stjórnvöld ætli sér að eyða sama gjaldeyrinum of oft
Morgunblaðið/Ómar
Nefndasvið Fjárlaganefnd og við-
skiptanefnd ræða sömu mál í dag.
Rúmlega fjórðungur svarenda í
nýjum Þjóðarpúlsi Gallup vill helst
að hætt verði við stjórnlagaþingið.
Flestir, eða 41%, vilja að full-
trúarnir 25 sem kosnir voru verði
valdir í stjórnlaganefnd. Fimmt-
ungur vill að boðað verði til nýrra
kosninga meðal almennings um
fulltrúa á stjórnlagaþing. Tæplega
12% vilja að stjórnlagaþingi verði
frestað og einungis 2% að stjórn-
völdum verði gert kleift að kjósa
fulltrúa á stjórnlagaþing óháð fyrri
kosningu. Meirihluti fólks, eða nær
56%, er óánægður með úrskurð
Hæstaréttar um að kosning til
stjórnlagaþings væri ógild. Tæp-
lega 27% svarenda eru ánægð.
Fjórðungur vill
helst hætta við
stjórnlagaþingið
Hrina jarðskjálfta varð um helgina
með upptök milli Langjökuls og
Þórisjökuls. Hófst hrinan að
morgni laugardags en var að mestu
lokið í fyrrinótt. Nokkrir tugir
skjálfta komu fram á mælum en sá
stærsti mældist 3,7 stig. Fannst sá
skjálfti í Húsafelli, 16 km suðaustur
af upptökusvæðinu. Jarðskjálfti af
svipaðri stærð varð þarna 21. jan-
úar sl. en Veðurstofan segir
skjálfta algenga á þessum slóðum.
Enginn gosórói mældist.
Skjálfti upp á 3,7
fannst í Húsafelli
Það eru Almannaheill og
Fræðasetur þriðja geirans í
samvinnu við velferðarráðu-
neytið sem efna til hádeg-
ismálstofu í dag undir yf-
irskriftinni Mikilvægi
heildarlöggjafar um starf-
semi frjálsra félagasamtaka
og sjálfseignarstofn-
ana. Hún fer fram í
Háskóla Íslands, Lög-
bergi, stofu 101, frá
kl. 12 til 13.15. Á
dagskrá er m.a.
ávarp Guðbjarts Hann-
essonar velferð-
arráðherra og umfjöllun
dr. Ómars H. Kristmunds-
sonar um Fræðasetur
þriðja geirans.
Rætt um
heildarlöggjöf
MÁLÞING Í DAG
Guðrún
Agnarsdóttir