Morgunblaðið - 19.05.2011, Blaðsíða 8

8 19. maí 2011fasteignir
Áundanförnum árum hafaráðamenn í Kaupmanna-höfn lagt mikla áherslu áenn frekari hjólreiðar.
Þeir vilja að borgin sé vinsamleg fyr-
ir hjólreiðamenn og því hefur miklu
verið kostað til að gera aðgengilega
hjólastíga um alla borg. Hjólastíg-
arnir eru mikið öryggi fyrir þá sem
ferðast um á reiðhjólum. Það eru
einungis ókunnugir ferðamenn sem
þurfa að varast að ganga ekki eftir
hjólastígunum því Danirnir fara
hratt um.
Ekki er langt um liðið síðan bæj-
aryfirvöld reiddu fram sem svarar
fjórum milljónum íslenskra króna til
að kaupa um 1.300 reiðhjól sem allir
hafa frían aðgang að, hvort sem það
eru íbúar eða ferðamenn. Hjólin eru
reyndar af ódýrri gerð en henta
mjög vel til að komast styttri vega-
lengdir í borginni. Í borginni eru 125
stöðvar (City Bike Parking) þar sem
hjólin standa í röðum til notkunar.
Einungis þarf að setja 20 dkr mynt í
ákveðinn mæli og þá er hjólið laust
fyrir viðkomandi. Hægt er að skila
hjólinu á öllum merktu hjólastæðum,
setja það í læsingu og þá fást 20
krónurnar endurgreiddar. Þess má
þó geta að þetta fyrirkomulag er ein-
ungis í boði frá 1. maí til 15. nóv-
ember.
Hjólaleigur eða taxi-hjól
Í Kaupmannahöfn eru einnig
margar hjólaleigur. Þar eru betri
hjól í boði og henta því til lengri
ferða. Í lengri lestarferðum er hægt
að taka hjólið með sér án sérstaks
gjalds. Daggjald á leiguhjólum er
um 60 danskar krónur. Ef þú ert á
leið til Kaupmannahafnar er hægt að
hafa samband við neðangreinda
hjólaleigu.
Københavns Cykelbørs
Gothersgade 157
1123 København K
sími 3314 0717
Fyrir þá sem eru með þreytta fæt-
ur og eiga erfitt með gang eða að
hjóla má benda á taxi-hjólin. Þau eru
t.d. staðsett á Strikinu og strákarnir
sem hjóla eru til í að fara með þig í
langar eða stuttar ferðir um borgina.
Sagan langa
Talið er að fyrstu reiðhjólin hafi
komið til Kaupmannahafnar um
1818 frá París þar sem reiðhjól voru
þá þegar orðin vinsæl farartæki. Þá
var annað hjólið mun stærra en hitt.
Reiðhjólin komust þó ekki í almenna
notkun fyrr en árið 1880. Hjólin tóku
við af hestvögnum og hjólbörum sem
fluttu vörur á milli verslana ásamt
því að vera almenningsfarartæki. Í
dag er algeng sjón að sjá fólk á hjól-
um með vagn í eftirdragi þar sem
börnin sitja. Það eru margar gerðir
af reiðhjólum á götum Kaup-
mannahafnar en yfirleitt eru þetta
ódýr reiðhjól þar sem minni hætta er
á að þeim verði stolið. Danir eru um-
hverfisvænir og því er mikið kapp
lagt á að þeir noti hjólin innan borg-
arinnar. Þau draga úr áhrifum vegna
loftslagsbreytinga og spara olíu og
bensín. Á þetta eru Danir sífellt
minntir nú þegar eldsneytisverð er í
hæstu hæðum. Hjólreiðar eru lífs-
stíll í Danmörku og hluti af menn-
ingu þeirra. Kaupmannahöfn væri
ekki svipur hjá sjón ef reiðhjólin
hyrfu.
elal@simnet.is
Allir á hjóli í
Kaupmannahöfn
Morgunblaðið/Ómar
Gaman er að ferðast um Kaupmannahöfn á reiðhjóli. Nýlega keyptu borgaryfirvöld 1300 reiðhjól sem allir hafa aðgang að.
Hjólreiðar í Danmörku eiga sér langa
sögu. Allir Danir eiga hjól og ferðast á því lengri eða
skemmri ferðir. Í Kaupmannahöfn eru reiðhjól alls stað-
ar sjáanleg. Hvernig væri að ferðast um þessa
skemmtilegu borg á hjóli?
Hjólreiðar
Viðar Garðarsson í Skíða-þjónustunni á Akureyrihefur selt skíði og reiðhjólí þrjá áratugi. Hann tekur
skíði og hjól í umboðssölu og inn-
flutningur er auk þess stór liður í
starfsemi fyrirtækisins. Hjólin sem
eru til sölu hjá Viðari eru líklega um
eitt þúsund nú í upphafi vertíðar.
„Ég er menntaður mjólkurfræðingur
og á mínum yngri árum tók ég að
mér að skíðakennslu hérna á Ak-
ureyri. Ég sá fljótlega að úrvalið á
skíðum var ekki mikið, þannig að ég
byrjaði að selja og gera við skíði í bíl-
skúrnum á kvöldin og um helgar.
Þetta gekk vel, nóg var að gera og
fljótlega bættust hjólin við. Þetta fer
mjög vel saman, skíði á veturna og
hjól á sumrin. Hjólavertíðin í ár hófst
frekar snemma eða um páskana, þá
var allt komið á fullt í hjólunum.“
Viðar segir að hjólin hafi tekið
miklum breytingum á þessum þrem-
ur áratugum. „Álhjólin sem komu
fyrst á markaðinn fyrir um áratug
voru bylting, þau eru svo miklu létt-
ari og meðfærilegri á allan hátt. Auk
þess hafa þau lækkað mikið í verði.
Diskabremsur eru að verða nokkuð
algengar, enda gerir fólk kröfur um
gæði hjólanna. Gírarnir eru líka mun
betri en fyrir nokkrum árum. Núna
eru komin mjög skemmtileg hjól fyr-
ir konur, með háu stýri og góðu sæti.
Þessi hjól eru mjög vinsæl meðal
kvenþjóðarinnar og hafa slegið í
gegn.“
Viðar segir að markaðssvæði
Skíðaþjónustunnar sé í raun allt
landið. „Já, blessaður vertu. Ég er
búinn að vera svo lengi í þessu, fólkið
veit hvar mig er að finna, Skíðaþjón-
ustan er alltaf á sama stað. Akureyri
er miðstöð vetraríþrótta og það er al-
gengt að íbúar höfuðborgarsvæðisins
komi til mín ár eftir ár og endurnýi
skíðin. Svipaða sögu er að segja um
hjólin, viðskiptavinirnir búa í öllum
landsfjórðungum. Öll hjólin sem við
flytjum inn eru framleidd í Kína fyrir
alþjóðleg fyrirtæki.“
Alltaf skemmtilegt í vinnunni
Viðar segir aldrei jafn gaman í
vinnunni og einmitt núna. „Það er
hreinlega sprenging í sölu hjóla þetta
árið, viðskiptin hafa verið sér-
staklega blómleg. Sjálfsagt hefur
hátt eldsneytisverð sitt að segja, en
ekki síður mikil umræða um hreyf-
ingu og útivist. Svo eru hjólaklúbbar
í tísku og þá verður fólk auðvitað að
eiga gott hjól til að komast í slíkan
félagsskap.“
Viðar segir að aukning sé í sölu
notaðra hjóla. „Við gerum upp eldri
hjól, þannig að þau verða á eftir nán-
ast eins og ný. Í dag er ekkert mál
fyrir fólk að endurnýja, gamla hjólið
selst yfirleitt mjög fljótlega. Hjólin
mega helst ekki standa úti yfir vetr-
armánuðina, það fer illa með þau. Því
miður hafa ekki allir aðgang að
geymslu en ég ráðlegg öllum að
koma hjólinu inn yfir vetrarmán-
uðina ef mögulegt er. Síðan er mik-
ilvægt að smyrja keðjuna reglulega
með þunnri olíu.“
Ekki hjólað í tvö ár
Viðar hefur ekki hjólað sjálfur í
tvö ár utan hvað hann fer á þrekhjól
á hverjum degi og lætur það duga.
„Reyndar á ég ágætishjól í bíl-
skúrnum, ætli maður verði ekki að
dusta rykið af því og láta sjá sig á
hjóli einn góðan veðurdag,“ segir
Viðar Garðarsson í Skíðaþjónustunni
á Akureyri.
karlesp@simnet.is
Álhjólin eru
mesta byltingin
Viðar Garðarsson í Skíðaþjónustunni á Ak-
ureyri hefur selt skíði og reiðhjól í þrjá áratugi. Hann tek-
ur skíði og hjól í umboðssölu og innflutningur er auk þess
stór liður í starfsemi fyrirtækisins. Hjólin sem eru til sölu
hjá Viðari eru líklega um eitt þúsund nú í upphafi vertíðar.
Ljósmynd/ Karl Eskil Pálsson
„Reyndar á ég ágætishjól í bílskúrnum, ætli maður verði ekki að dusta rykið af því,“ segir Viðar Garðarsson á Akureyri.
Hjólreiðar
ÞAÐ ER MEIRA AÐ GERA Á FASTEIGNA-
MARKAÐINUM EN ÞIG GRUNAR.
LÁTTU MIG SELJA FYRIR ÞIG, HRINGDU NÚNA
Hafðu samband
699 5008
Hannes Steindórsson
Sölufulltrúi
hannes@remax.is
Sími: 699 5008
Þórarinn
Jónsson hdl.
lögg. Fasteignasali