Morgunblaðið - 21.05.2011, Síða 16

Morgunblaðið/Ómar
Leikskólinn Kjarrið Jóhanna Thorsteinsson sem rekur Kjarrið segir hægt að mæta þeirri sparnaðarkröfu sem bærinn fer fram á strax á næsta ári.
Andri Karl
andri@mbl.is
Litli einkarekni leikskólinn Kjarrið
hefur verið undirrót harkalegra
deilna í bæjarráði Kópavogs undan-
farna mánuði. Meirihlutinn tók þá
ákvörðun að endurnýja ekki samning
við rekstraraðila og sameina Kjarrið
öðrum og stærri leikskóla sem stend-
ur í næstu götu. Minnihlutinn telur
hins vegar illa að málum staðið og
átelur að ekki hafi verið reynt að
leysa úr ágreiningsmálum með
rekstraraðilanum.
Í Morgunblaðinu í gær er rætt við
Jóhönnu Thorsteinsson sem rekur
Kjarrið. Hún segir þar, að sam-
kvæmt sínum útreikningum takist
henni að mæta þeirri sparnaðarkröfu
– upp á 25 milljónir króna – sem bær-
inn fer fram á strax á næsta ári. Þrátt
fyrir það standi uppsögn samnings-
ins.
Guðríður Arnardóttir, oddviti
meirihlutans, segir að tilboð Jóhönnu
bitni á faglegu starfi í skólanum enda
feli það meðal annars í sér fækkun
fagmenntaðra starfsmanna. „Við get-
um ekki fallist á það, auk þess sem
reiknimeistarar okkar hafa ekki sam-
þykkt þessa útreikninga sem raun-
hæfa,“ segir hún og bætir við að mál-
ið hafi verið undirbúið afar vel og
„ástæða þess að ekki var farið í samn-
ingaviðræður áður en tekin var
ákvörðun um að endurnýja ekki
samninginn var að við sáum að þess-
um sparnaðarkröfum var ekki hægt
að ná án þess að skera niður faglegt
starf.“
„Illa staðið að málum“
Tekist hefur verið á um málefni
Kjarrsins á fundum bæjarráðs að
undanförnu og fulltrúar Sjálfstæðis-
flokks ítrekað skorað á meirihlutann
að endurskoða ákvörðun sína. Ár-
mann Kr. Ólafsson, oddviti sjálfstæð-
ismanna, segir að þarna sé á ferðinni
dæmigerð vinstripólitík. „Samfylk-
ingin og Vinstri grænir vilja ein-
göngu opinberan rekstur og miðstýr-
ingu alls staðar, einkarekstur er
þyrnir í þeirra augum. Við teljum að
mjög illa hafi verið staðið að málum
gagnvart rekstaraðila Kjarrsins og
ljóst samkvæmt 17. grein þess samn-
ings sem er í gildi, að samningsað-
ilum er skylt sem framast kostur er,
að reyna að leysa úr mögulegum
ágreiningsefnum án þess að koma
þurfi til uppsagnar samningsins. Það
stendur berum orðum og var ekki
gert. Af því leiðir að þarna voru ekki
viðhafðir góðir stjórnsýsluhættir né
meðalhófsreglan virt.“
Auk þess segir Ármann að sjálf-
sagt hefði verið fyrir meirihlutann að
fallast á tillögu sjálfstæðismanna um
að óháður aðili færi yfir þá útreikn-
inga sem liggja fyrir, í ljósi þess að
endurskoðendur og embættismenn
voru ekki sammála um þá. Hann tek-
ur fram að á síðasta kjörtímabili, þeg-
ar Sjálfstæðisflokkurinn var í meiri-
hluta og Samfylkingin í minnihluta,
hafi verið orðið við slíkum óskum.
Tillaga sjálfstæðismanna var felld
og vísað í svarbréf sviðsstjóra
menntasviðs þar sem fram kom að til-
lögurnar um rekstraráætlun væru
óraunhæfar.
Guðríður segir að það sjái það hver
sem er, að jafn lítil eining og Kjarrið
sé afar dýr ein og sér en verði mjög
hagkvæm þegar búið er að sameina
hana. Hún segir ákvörðunina erfiða
en á þeim tímum sem horft er í hverja
krónu þurfi að taka erfiðar ákvarð-
anir. Og með sameiningunni sé á eng-
an hátt vegið að faglegu starfi eða
velferð barnanna.
Átök um lítinn einkarekinn leikskóla
 Deilt um hvort meirihluti bæjarráðs Kópavogs hafi staðið rétt að uppsögn samnings við Kjarrið
 Minnihlutinn átelur að ekki hafi verið reynt að leysa úr ágreiningsmálum með rekstraraðilanum
Guðríður
Arnardóttir
Ármann Kr.
Ólafsson
16 FRÉTTIRInnlent
MORGUNBLAÐIÐ LAUGARDAGUR 21. MAÍ 2011
BAKSVIÐ
Björn Jóhann Björnsson
bjb@mbl.is
„Ef Ísland hefur áhuga á að ganga í
Evrópusambandið þá gerum við
engar athugasemdir við það,“ sagði
Mike Hammer, talsmaður banda-
ríska utanríkisráðuneytisins, á
morgunverðarfundi sem íslenska
sendiráðið í Washington og Ice-
landair stóðu fyrir á fimmtudag í
tilefni fyrsta áætlunarflugs Ice-
landair til höfuðborgar Bandaríkj-
anna.
Var Hammer spurður þar út í að-
ildarumsókn Íslands og hvort hún
hefði einhver áhrif á samskipti Ís-
lands og Bandaríkjanna. Ítrekaði
Hammer þá afstöðu bandarískra
stjórnvalda að þetta væri alfarið
ákvörðun Íslendinga, ef niðurstaðan
í þjóðaratkvæðagreiðslu yrði sú að
Ísland gengi í ESB þá myndu
Bandaríkjamenn virða þá ákvörðun.
Það ætti ekki að hafa áhrif á sam-
skipti Íslands við Bandaríkin, þau
yrðu áfram jafn góð og áður.
Nefndi Hammer í þessu sambandi
að bandarísk stjórnvöldu ættu góð
samskipti við þau ríki sem væru í
aðildarferli hjá ESB. Bandaríkin
vildu allt gera til að halda þeim
samskiptum góðum.
Tækifæri á norðurslóðum
Hammer fer með upplýsingamál í
bandaríska utanríkisráðuneytinu og
er einn nánustu samstarfsmanna
Hillary Clinton. Undir hann heyra
um 200 manns hjá bandarísku utan-
ríkisþjónustunni um allan heim.
Hammer hefur starfað sem emb-
ættismaður hjá bandarískum
stjórnvöldum allt frá árinu 1988, en
eftir að fjölskyldan fór frá Íslandi
1999 hefur hann starfað í Hvíta
húsinu undir stjórn þriggja Banda-
ríkjaforseta, auk þess að starfa fyr-
ir Þjóðaröryggisráðið. Áður hann
kom til fundarins með Íslending-
unum á hóteli í Washington hafði
hann setið reglulegan morgunfund
með Hillary.
Hammer sagði bandarísk stjórn-
völd sýna málefnum norðurskauts-
ins mikinn áhuga, ljóst væri að það
svæði heimsins hefði fengið aukið
vægi og margir málaflokkar kæmu
þar við sögu, eins og umhverfis- og
auðlindamál og öryggis- og varn-
armál, allt málefni sem þyrfti að
nást samstaða um ríkja í milli.
Sagði Hammer mörg tækifæri til
staðar fyrir aukið samstarf milli Ís-
lands og Bandaríkjanna í nánustu
framtíð.
Hammer sagði að Hillary Cinton
hefði mikinn persónulegan áhuga á
Íslandi, enda hefði hún komið þang-
að oftar en einu sinni og oftar en
tvisvar. Einnig hefði hún komið til
Grænlands og Svalbarða og hefði
því ágæta þekkingu á svæðinu, eins
og því hvernig loftslagsbreytingar
hefðu mikil áhrif á umhverfið á
þessum slóðum. Þarna væru til
staðar auðlindir sem ríki á norð-
urslóðum þyrftu að koma sér sam-
an um nýtingu á. „Umræða um
þessi mál er nauðsynleg á milli
ríkja við norðurheimskautið,“ sagði
hann.
Viðræður um varnarsamning
Hammer sagði tengsl Íslands og
Bandaríkjanna eiga sér langa sögu
og engin áform væru uppi önnur en
að viðhalda þeim áfram, þrátt
fyrir að Bandaríkjamenn
hefðu yfirgefið herstöðina á
Íslandi árið 2006. Spurður
hvort eftirsjá ríkti meðal
stjórnvalda í Washington
yfir þeim mála-
lokum, ekki síst
í ljósi aukins
mikilvægis
norðurslóða, sagði
Hammer Bandaríkjamenn aldrei
líta í baksýnisspegilinn. Hann sagð-
ist þó ekki geta verið hlutlaus, í
ljósi þess að hann hefði starfað í
nokkur ár í sendiráðinu í Reykja-
vík.
„Það sem mestu skiptir til að
horfa fram á veginn. Ísland og
Bandaríkin hafa átt samskipti á
mörgum sviðum gegnum árin,“
sagði Hammer og nefndi t.d. orku-
og auðlindamál, viðskiptasambönd
og samskipti á alþjóðavettvangi
gegnum Nato. Ríkin ættu eftir að
ganga frá endurnýjun samkomulags
um varnarsamstarf sem hefði verið
uppi allt frá árinu 1951 og viðræður
þess efnis færu í gang síðar á þessu
ári, líkt og fram hefði komið á fundi
Hillary Clinton og Össurar Skarp-
héðinssonar í Washington í vikunni.
Amast ekki við ESB-umsókn
 Talsmaður Hillary Clinton segir Bandaríkjastjórn virða ákvörðun Íslendinga um aðild að ESB
 Lítum ekki í baksýnisspegilinn og horfum framávið, segir hann um brotthvarf hersins frá Íslandi
Morgunblaðið/Björn Jóhann
Bandaríkin Mike Hammer, t.h., á tali við Hjálmar W. Hannesson, sendi-
herra Íslands í Washington, á morgunverðarfundinum með Íslendingum.
Íslandstengingin
» Icelandair fór í sitt fyrsta
áætlunarflug til Washington-
borgar í vikunni og af því tilefni
var efnt til fundarins með Mike
Hammer.
» Hammer og Margrét Björg-
úlfsdóttir eiga þrjú börn, Mó-
niku, Mikael Þór og Brynju
Björt, og eitt þeirra fæddist
hér á landi er hann starfaði í
bandaríska sendiráðinu í
Reykjavík.
» Héðan fór fjölskyldan til
Washington árið 1999 er Ham-
mer fékk stöðu í Hvíta húsinu í
tíð Bill Clinton Bandaríkja-
forseta.
» Hammer fagnaði sér-
staklega áætlunarflugi Ice-
landair til höfuðborgarinnar.
Eins og kom fram nýverið í
Morgunblaðinu er Hammer einn
af „tengdasonum Íslands“, en
hann er kvæntur Margréti Björg-
úlfsdóttur og starfaði um skeið í
sendiráði Bandaríkjanna á Ís-
landi, eða frá 1995 til 1999.
Áður en Hammer hóf erindi
sitt á morgunverðarfundinum
í Washington, þar sem hann
fór yfir helstu verkefni ut-
anríkisráðuneytisins
bandaríska og ríkis-
stjórnar Baracks Obama,
flutti hann viðstöddum Íslend-
ingum kveðju á nær lýtalausri
íslensku, og sagðist hlakka til að
geta komist með flugi Icelandair
til Íslands, til að geta hitt
tengdamóður sína oftar!
Oftar en einu sinni kom það
fram í máli Hammers að hann
þyrfti að gæta orða sinna sem
embættismaður. „Ég má ekki
fara fram úr ráðherranum, það
gæti komið sér illa fyrir mig og
minn feril,“ sagði Hammer og
hló.
Getur heimsótt tengdó oftar!
MIKE HAMMER EINN AF TENGDASONUM ÍSLANDS
Hillary Clinton