Morgunblaðið - 29.10.2011, Blaðsíða 4
4 FRÉTTIRInnlent
MORGUNBLAÐIÐ LAUGARDAGUR 29. OKTÓBER 2011
Steinþór Guðbjartsson
steinthor@mbl.is
Þessa dagana beinast augu lands-
manna að nýju og glæsilegu varð-
skipi en á sama tíma leitar hug-
urinn til forvera Þórs og nafna,
sem bíður örlaga sinna bundinn
við Gufunesbryggju.
Gamli Þór eða Þór III var
keyptur til landsins 1951. Skipið
varð sögufrægt fyrir þátttöku í
þorskastríðum 20. aldarinnar, en
Landhelgisgæsla Íslands hætti að
nota það 1985. Síðan hefur skipið
marga fjöruna sopið.
Fjórir ungir menn keyptu Þór
á 10 milljónir króna af Inn-
kaupastofnun ríkisins og reyndu
að selja það til Noregs. Það gekk
ekki, samningunum við ríkið var
rift í kjölfarið og skipið selt fyrir
1.000 krónur til Slysavarna-
félagsins. Að loknum endurbótum
var nafni þess breytt í Sæbjörgu
og tók það við nýju hlutverki sem
skólaskip Slysavarnaskólans
1986. Þegar Akraborgin hætti
siglingum milli Akraness og
Reykjavíkur 1998 tók Boggan við
sem skólaskip og Þór fékk enn
nýtt hlutverk. Skipið var keypt til
Húsvíkur, nefnt Thor og breytt í
gisti- og veitingaskip, sem var í
Húsavíkurhöfn sumarið 1999. Ár-
ið eftir var það bundið við
bryggju í Hafnarfjarðarhöfn og
áfram notað sem veitingastaður
og sögusafn. Skipið skipti um eig-
endur 2002 og voru uppi hug-
myndir um að leigja það til út-
landa og nota sem veitinga- eða
skemmtistað. Það var m.a. málað
í gylltum lit þess vegna, en ekk-
ert varð úr frekari notkun skips-
ins. Það var við Ægisgarð og síð-
ar Skarfabakka þar sem
viðleguskuld hlóðst á það. Það
var slegið Faxaflóahöfnum á upp-
boði, en fyrri eigendur leystu það
til sín með því skilyrði að það
færi úr höfninni. Skipið var flutt í
Gufunes og hefur verið þar síðan,
grotnað og gleymst. Reyndar var
það notað við gerð kvikmyndar-
innar Reykjavik Whalewatching
Massacre fyrir um þremur árum.
Þá slitnaði það upp í óveðri í
Hvammsvík og strandaði en var
dregið aftur á flot.
Morgunblaðið/Ómar
Gleymdur Gamla varðskipið Þór er bundið við Gufunesbryggju og óvíst hvað um það verður, en eigandinn hefur ekki viljað selja það í brotajárn.
Gamli Þór grotnar niður í Gufunesi
Morgunblaðið/Árni Sæberg
21. öldin Nýja varðskipið Þór kom til landsins sl. miðvikudag.
Merkileg saga og mörg hlutverk
Síðast dreginn á flot í kvikmynd
Hólmfríður Gísladóttir
holmfridur@mbl.is
Mannréttindaráð Reykjavíkurborgar
segir það vekja furðu að skóla- og frí-
stundasvið borgarinnar hafi ákveðið
að taka ekki þátt í
Degi gegn einelti
hinn 8. nóvember
næstkomandi, en
sú ákvörðun hafi
hvorki komið til
umræðu í mann-
réttindaráði né
skóla- og frí-
stundaráði. Þetta
kemur fram í bók-
un frá fundi ráðs-
ins síðastliðinn þriðjudag.
Það var borgarstjórn Reykjavíkur
sem upphaflega samþykkti á fundi 3.
nóvember 2009 að efna til sérstaks
átaks gegn einelti og að ákveðinn dag-
ur yrði helgaður verkefninu á ári
hverju, en mannréttindaráði var falið
að gera tillögur um útfærslu verkefn-
isins í samráði við menntaráð og leik-
skólaráð.
Marta Guðjónsdóttir, sem flutti til-
löguna fyrir borgarstjórn á sínum
tíma og situr nú í skóla- og frístunda-
ráði, segir einkennilegt að ákveðið hafi
verið að ganga gegn samþykkt borg-
arstjórnar með þessum hætti. Ekkert
samráð hafi átt sér stað eins og gert sé
ráð fyrir í samþykkt borgarstjórnar.
„Reykjavíkurborg ætlar að taka
þátt í deginum. Það stendur til að
skrifa undir þjóðarsáttmála gegn ein-
elti í samráði við ríkið og mér finnst
það nú bara sýndarmennska ef borg-
arstjóri ætlar að mæta og skrifa undir
þennan sáttmála en á sama tíma taka
skólar borgarinnar ekki þátt í degin-
um eins og venjulega,“ segir Marta.
Það hafi þeir gert hver með sínum
hætti.
Marta segir þau svör hafa fengist
frá skóla- og frístundasviði að sam-
kvæmt sænskum rannsóknum orki
það tvímælis að efna til átaks gegn ein-
elti á einum degi og það geti jafnvel
stuðlað að auknu einelti í ákveðnum
hópum.
„Ég er gjörsamlega ósammála
þessum rökum að það ýti undir einelti
að vera með einn dag þar sem fólk er
vakið til umhugsunar um alvöru ein-
eltis og það hvatt til að vera vakandi
og á varðbergi,“ segir Marta. Hún vill
að fjallað verði um málið í fagráðum
borgarinnar.
Skólarnir taka ekki
þátt í Degi gegn einelti
Ákvörðunin tekin þvert á samþykkt borgarstjórnar
Í annarri bókun mannréttindaráðs
á þriðjudag er óskað eftir því að
fræðslustjóri skóla- og frí-
stundasviðs skýri þá stefnubreyt-
ingu að falla frá Olweusar-
áætluninni sem forvörn gegn ein-
elti í skólum borgarinnar. Borgin
hefur greitt um 2,5 milljónir árlega
til verkefnisins, sem um helmingur
skóla borgarinnar hefur stuðst við.
Í svörum frá skóla- og frí-
stundasviði kemur fram að skól-
arnir muni enn geta unnið sam-
kvæmt áætluninni, enda hafi þeir
fjárhagslegt sjálfstæði til þess.
Hins vegar var 13. október síðast-
liðinn hrint úr vör verkefninu „Vin-
samlegt samfélag“ en það er sam-
vinnuverkefni frístundamiðstöðva,
grunnskóla og leikskóla og er því
m.a. ætlað að styðja við gerð og
þróun virkra eineltisáætlana og
viðeigandi verkferla á viðkomandi
vinnustöðum.
Nýtt verkefni sett á laggirnar
EINELTI Í SKÓLUM
Stóru bankarnir þrír afskrifuðu
rúmlega 10,5 milljarða króna skuld-
ir sjávarútvegsfyrirtækja á árunum
2009-2010. Þetta kemur fram í svari
efnahags- og viðskiptaráðherra við
fyrirspurn Margrétar Tryggvadótt-
ur, þingmanns Hreyfingarinnar.
Margrét spurði einnig um af-
skriftir árin 2008 og 2011. Í svarinu
segir að aðeins sé séu til tölur frá
tveimur stærstu bönkunum fyrir ár-
ið 2008 og nema afskriftir þeirra um
171 milljón króna. Þá búi Fjármála-
eftirlitið ekki yfir upplýsingum um
afskriftir á árinu 2011, en því var
falið að taka saman svör við fyr-
irspurninni eftir því sem tök væru á.
Þó kemur fram að taka beri upp-
lýsingunum með fyrirvara þar sem
bankarnir gefi sér hugsanlega mis-
munandi forsendur við útreikning á
afskriftum. andri@mbl.is
10,5 milljarðar afskrifaðir í
sjávarútvegi árin 2009-2010
Borgarfulltrúar Sjálfstæðisflokksins
hafa lagt fram tillögu um að minning
Ingibjargar H. Bjarnason, fyrsta al-
þingismanns Íslendinga úr röðum
kvenna, verði
heiðruð með
minnismerki. Er
lagt til að því
verði valinn áber-
andi staður í
borginni.
Í dag eru liðin
70 á frá því að
Ingibjörg lést en
hún fæddist á
Þingeyri við
Dýrafjörð árið
1868. Fram kemur í greinargerð
með tillögunni í borgarstjórn að
Ingibjörg hafi tvímælalaust verið
meðal merkustu Íslendinga síðustu
aldar, hún hafi m.a. barist ötullega
fyrir réttindum kvenna og ýmsum
fleiri framfaramálum.
Ingibjörg lauk prófi frá Kvenna-
skólanum 1882 og stundaði fram-
haldsnám í Danmörku, Sviss og
Þýskalandi, einkum á sviði uppeldis-
og kennslumála. Hún lauk prófi sem
leikfimikennari 1892, fyrst Íslend-
inga og hóf kennslu í þeirri grein í
Barnaskólanum eftir heimkomuna
og var drifkraftur í ýmsum sam-
tökum kvenna. Árið 1906 varð hún
skólastjóri Kvennaskólans og
gegndi því starfi til æviloka eða í 35
ár.
Ingibjörg var í forsvari kvenna
sem gengust fyrir því að reist skyldi
sjúkrahús sem þjóna skyldi
landinu öllu, Landspítalinn. Árið
1922 var Ingibjörg efst á landslista
kvenna fyrir alþingiskosningar og
náði kjöri 1923. Hún sat á átta þing-
um og beitti sér fyrir mörgum fram-
faramálum. Grein um Ingibjörgu
eftir Kjartan Magnússon borgarfull-
trúa er í Sunnudagsmogganum.
Vilja
minnis-
merki
Ingibjörg H.
Bjarnason
Ingibjörg H. Bjarna-
son verði heiðruð
Marta
Guðjónsdóttir