Birtingur - 01.01.1967, Blaðsíða 40
Lýriskur millikafli
Ég kom inn í hús þar sem meinleysislegt fólk
var að horfa á hermannasjónvarpið frá Kefla-
vík. Allt í einu kom lýrískur millikafli: kyrr-
lífsmyndir. íslendingar voru heiðraðir með
þrem ljósmyndum sem voru teknar á íslandi.
Fyrsta mynd: Guðjónskirkjan á Akureyri sem
gnæfir yfir bæinn einn ógnarlegur hortittur
og fílasóttarafbrigði sem myndi þá vera fyrsta
stig -miðað við væntanlegt þriðja stig Hall
grímskirkju, sem er kannski hundrað og ell-
efta meðferð á Hallgrími Péturssyni. Þetta
bákn uppi á brekkunni sem í stílleysi sínu af-
nemur lognkyrra dýrð sumarkvölda í svip-
mildu umhverfi Eyjafjarðarbotnsins. Önnur
mynd: kannski er ennþá sama kvöld; lágsólar-
geislarnir teygja sig eftir spegli Hvalfjarðar-
ins, og undir stoltum Þyrli eru snaggaralegir
menn með stórar sveðjur og sagir að hluta
sundur hvali. Yfir þessari sundurlimun haf-
djúpsspekinganna er blær indælisins, þar bun-
aði smálækjarspræna. En þarna er enn annað
en sýnist líkt og allt var í Prjónastofunni Sól-
inni sem við sáum í Þjóðleikhúsinu. Pípurnar
sem við sjáum ofan úr hlíðinni eru ekki til að
dæla hvallýsi á stóra tánka og senda síðan til
Indlands að lina hungur horfallandi múgs.
Þær eru olíuleiðslur vígamanna sem hafa bú-
ist þar um nógu nærri Reykjavík til að auka
á líkurnar að hún verði mark gjöreyðingar-
sprenginga þvert á móti því sem er látið í
veðri vaka: sem sagt að þessi búnaður eigi að
forða okkur frá þeim. Ef atómsprengingarnar
hinumegin við Reykjavík þar sem flughöfnin
mikla liggur skyldu ekki draga þangað full-
komlega þá ættu þær þó alltaf að geta úr hinni
áttinni slökkt það sem enn bærði á sér. Og
himinspeglandi hafflöturinn á að verða höfn
kjarnorkukafbáta af því tagi sem danska
stjórnin bannaði eitt sinn að koma í höfn höf-
uðborgarinnar við Eyrarsund vegna eitrunar-
hættu. Nú er ætlunin að krydda fisk Reykvík-
inga og Akurnesinga og annarra við Faxaflóa
með geislunarhollustunni frá þessum stað
kenndum við hvali sem baðar sig í sakleysi á
sjónvarpsskerminum. Þriðja mynd: löng röð
af herflugvélum í Keflavík; enn ríkir sama
kvöldstemman og mildin, og lýrikin faðmar
þessar flugvélar, vor er indælt eg það veit.
Þetta er ein deildin úr þeim flugflota sem hef-
ur lagt mannkynssögunni það góða orð járn-
þríhyrningurinn.
Og nú vantar ekkert annað en hinn blóðuga
kardínála Spellman. Að hann birtist mjúklát-
ur töffari með mítur heilagrar kirkju krýn-
andi hið hnöttótta andlit, þar scm kinnunum
hefur verið líkt við rósbleika englarassa. Það
skal tekið fram að gefnu tilefni vegna meið-
yrðalöggjafarinnar að Hkingin er ekki mín
heldur eftir frægan franskan blaðamann, og
BIRTINGUR
.1