Eining - 01.12.1945, Side 5

E I N I N G
5
Stúkan EININGIN
60 ára
Hátt skal óma hjartans málið,
hyllum stúku vora’ í dag;
syngjum henni sextíu’ ára
sannarlegan gleðibrag.
Margir henni mega þakka
máttug, fögur vinarorð.
Hennar Ijós í langan aldur
lýsi’ á vorri aettarstorð.
Heiðrum þá, sem hugsjón ungri
thjálpuðu að festa rót;
fæstra þeirra liggur leiðin
lengur hér á gleðimót.
Hinir ungu eiga daginn,
ástkær Reglan verði þeim.
Merki hennar vísi veginn
við að byggja nýjan heim. —
Þegar grimmd og haturshugur
harðast jarðarbörnin þjá,
vonarljós í villumyrkri
verndar hjartans innstu þrá:
Mannsins vald að velja’ og hafna,
viðleitninnar sigurhrós;
sóknin fram að settu marki,
sannleikans að tendra ljós.
Tengjum systra- og bræðraböndin,
blásum lífi í mannkyns von.
Sérhver annars byrðar beri,
boðorð það gaf mannsins son. —
Hugsjón okkar heldur velli,
horfum fram á nýjan dag:
Ast og trúin eining skapa,
alheims frið og bræðralag.
Maríus Ólafsson.
ar var Borgþór Jósefsson, þá féhirðir
bæjarins. Hann var æðstitempíar 64 árs-
fjórðunga, en annars í mörgum embætt-
um, sístarfandi og duglegur. Og þar sem
leikstarfsemin var drjúgur þáttur í félags-
lífi templara, gefur það að skilja, að kona
Borgþórs, frú Stefanía Guðmundsdóttir,
hin ágæta Ieikkona, hefur átt sinn þátt í
því að varpa Ijóma á félagslífið.
Helgi Helgason verzlunaretjóri, er nú-
verandi umboðsmaður stúkunnar og hef-
ur verið það samfleytt 58 ársfjórðunga,
og hefur sennilega enginn, að Borgþóri
Jósefssyni fráteknum, unnið stúkunni jafn-
vel og Helgi Helgason.
Konur í stúkunni mætti nefna eins og
Guðrúnu Þorkelsdóttur (dáin), sem var
kapilán stúkunnar 88 ársfjórðunga, varð
85 ára gömul. Oddfríður Jóhannesdóttir
var dróttseti stúkunnar 50 ársfjórðunga.
Fleiri slíka, bæði konur og karla mætti
nefna.
Auk þeirra nafnkunnu félaga stúkunnar,
sem þegar hafa verið nefndir, má nefna
Einar Kvaran rithöfund, Gest Pálsson
skáld, Árna Eiríksson leikara, Þorvarð
Þorvarðsson prentsmiðjustjóra, Guðmund
Björnsson landlækni og fleiri. Guðmundur
Björnsson flutti fyrirlestur, sem mikla at-
hygli vakti, um áfengið, og gekk svo í
stúkuna Eininguna og fylgdi honum þá
allur læknaskólinn. Slíkt þyrfti að endur-
taka sig. Templarar í Reykjavík mundu
telja það markverðan liðsauka, ef iand-
læknir gengi í Regluna og kæmi með all-
an læknaskólann með sér.
Stúkan Einingin hefur jafnan verið
sterkur aðili í húsmáli templara í Reykja-
vík. Á fyrstu starfsárum sínum «hóf hún
samstarf við stúkuna Verðandi um að
koma upp Templarahúsinu. Var það mik-
ið átak þá, og var húsið um langt skeið
aðal samkomuhús bæjarins og á sína
merkfægu sögu. Nú er framundan mikið
átak í húsmáli templara í Reykjavík.
Það er mjög aðkallandi og krefst sam-
taka og dugnaðar þeirra manna, sem það
verða að leysa af hendi. En fortíð Regl-
unnar gefur góðar vonir, og stúkan
Einingin mun ekki láta sitt eftir liggja.
Heill henni við framtíðarstarfið.
Húsmæðrakennara-
skólinn
Snemma á yfirstandandi vetri hafði
Húsmæðrakennaraskóli íslands merkilega
sýningu, sem kennd var aðallega við
grænmeti og síld. Tilgangurinn var fyrst
og fremst sá, að sýna og kenna, hvernig
hægt er að geyma grænmeti vetrarmánuð-
ina, án þess að það tapi verulega gildi
sínu, einnig, hve síldin er góð fæðutegund.
Var þetta hvatnig til þjóðarinnar að auka
neyzlu síldarinnar, og gefa sem bezt gaum
gildi og hagnýtingu fæðutegundanna. Allt
var mjög snyrtiíegt á þessari merkilegu
sýningu, margt þar að sjá og mikinn fróð-
leik að hafa. Sýningin stóð aðeins fjóra
daga, aðsókn var svo mikil, að oft urðu
menn frá að hverfa. Munu um 6 þúsundir
manna hafa sótt sýninguna.
Húsmæðrakennaraskólinn hefur slíka
sýningu annaðhvort ár, einmitt að haust-
inu, þegar skólinn kemur frá Laugarvatni,
en þar starfar hann annaðhvort sumar.
Þar læra námsmeyjar garðrækt og jafn-
vel skepnuhirðingu og ýms algeng vinnur
brögð. Nú eru 13 námsmeyjar í skólanum,
sem útskrifast 1. júnf næstk. og hafa þá
stundað nám um tveggja ára tímabil.
Þessar 13 kenna nú 15 ungum húsmæðra-
efnum.
Á sýningu Húsmæðrakennaraskólans
voru margskonar skýrslur um fæðuteg-
undir og gildi þeirra, sumstaðar merkileg-
ur samanburður. Til dæmis var þar gerð-
ur samanburður á morgunhressingu
tveggja skólapilta. Annar pilturinn fær
kaffi og tvö vínarbrauð. Hann heitir Óli,
og segir eitt sinn við mömmu sína:
,,Mamma, eg er alltaf svo svangur og
syfjaður í skólanum. Krakkarnir, sem fá
hafragraut, eru aldrei svöng eða syfjuð“.
Þessi morgunhressing Öla kostar heim-
ilið kr. 1.35. Þessi skammtur er snauður
af málmsöltum og fjörefnum.
Hinn skólapilturinn fær hafragraut og
mjólk, sem kostar heimLið aðeins 39 aura,
en sá skammtur er langt um auðugri af
málmsöltum og fjörefnum, og það eru
þessi efni, sem miklu ráða um heilsu og
líðan mannsins. Þetta er sýnt með vísinda-
legum útreikningi á þessum tveimur sam-
anburðarskýrslum.
Eining vonar að geta birt síðar eitthvað
meira af þeim fróðleik, sem sýning þessi
hafði upp á að bjóða.
Húsmæðraskólar Iandsins rúma allir
ekki nema eitthvað á þriðja hundrað nem-
endur. Þar við bætast svo kvennaskóiar,
en alls verður talan svo lág, að furðu
sætir. Húsmæðrakennaraskólinn er því
mjög þarflegt framfaraspor í þjófélaginu.
Vonandi á hánn eftir að mennta marga
góða kennara, sem aftur eiga eftir að
kenna þúsundum íslenzkra húsmæðra að
hagnýta svo mat og haga svo matar-
kaupum og matreiðslu að öruggt sé um
gott heilsufar þjóðarinnar. Matur er
mannsins megin.
Skólastjóri Húsmæðrakennaraskólans,
frk. Helga Sigurðardóttir, er framtakssöm,
dugieg og vel að sér í þessum fræðum
öllum, og er skólanum sjálfsagt vel borgið
í umsjá hennar.
Hlín.
Ársrit íslenzkra kvenna, 28. árgangur.
Hlín er sjálfsagt ódýrasta tímaritið eða
bókin, sem gefið er út á íslandi. Þessi
árgangur er 144 blaðsíður í stóru broti,
en kostar þó aðeins 4 krónur. Ritið flytur
þó ekki ómerkara lesmál en hin, sem rán-
dýr eru. Það er margt fróðlegt og nytsam-
legt í Hlín- Meðal annars er í þessu liefti
úrvals ritgerð eftir séra Þorstein Briem.
„Langlíf þjóð“ heitir hún. Það eru tíma-
bær orð til þjóðarinnar. Síðustu 16 bls.
heftisins eru litprentaðar fallegar myndir
og ljóð. Það er barnadeildin.
Frá í. S. í.
Axel Andrésson hefur fyrir nokkru lokið
námskeiði í knattspyrnu og liandknattleik
hjá íþróttafélaginu Sameining í Ólafsfirði,
Nemendur voru 108. Námskeiðið stóð yfir
frá 15. sept. til 14. okt. Þá hefir Axel einnig
lokið námskeiði i Borgarnesi, sem stóð
yfir frá 15- okt. til 2. nóv. siðastl. Nem-
endur voru 87. Axel er nú með námskeið
að Hvanneyri.
Rauðikross íslands liefur gefið 1. S. 1.
600 ullarábreiður. Hefur þeim verið ráð-
stafað til íþróttaheimilis 1. S. í. og skíða-
skála víðsvegar á landinu.
1. S- 1. hefur verið boðið að senda kvenna-
flokk á norræna fimleikahátíð í Gautaborg
á komandi vori og verður í því sambandi
efnt til fimleikakeppni um förina.
Erlingur Pálsson sundkappi og kennari
hefur verið kjörinn heiðursfélagi 1. S. í. í
tilefni 50 ára afmælis hans 3. nóvember
síðastliðinn.