Eining - 01.10.1949, Síða 3

* E I N I N G
3
1) Finnl. 2) Svíþjóð 3) Noregur 4) ísland 5) Danmörlt
Ibúar: 3,9 millj. 6,8 millj. 3,0 millj. 0,13 millj. 4,0 millj.
Kr.: 715,000 455,000 255,000 200,000 85,000
^ Laftið rit um
mikið mál.
> Upplýsingaskrifstofa bindindismanna
(Atholdsfolkenes oplysningskontor) í
Danmörku hefur gefið út lítið rit, sem
heitir: Statistiskt Billedbog. Það er 61.
ritið í röðinni.
Þetta yfirlitsrit sýnir, að árið 1947
hafði áfengisneyzla í Danmörku aukist
úr 3,28 í 3,34 lítra 100% áfengis. Sé
þessu breytt í brennivín, eins og það er
drukkið, hefði hvert mannsbarn í land-
inu, börn, ungir og gamlir og bindindis-
menn einnig, þurft að drekka 11 flösk-
ur af brennivíni. En séu börn, gamal-
menni og bindindismenn dregnir frá,
hefði hver maður á aldrinum 15—69
þurft að drekka 16 flöskur af brenni-
víni.
Verðmætið er um 800 milljónir
danskra króna. Heldur hefur dregið úr
drykkjuskap í veitingahúsum, en hann
V aukist á heimilunum. Um það vitnar
meðal annars: „vaxandi hjónaskilnaðir,
hrun heimila, aukin störf barnaverndar-
nefnda og afbrot unglinga“.
Fyrir það, sem Danir drukku þetta
eina ár, hefði mátt reisa 20,000 hús á
40,000 krónur hvert.
Áfengissjúklingar, geðveikir, umsjón
fangahúsanna, lögregluhald, réttarfars-
þjónusta, umönnun sálsjúkra og barátt-
^ an við kynsjúkdóma, kostar ríkið árlega
250 milljónir króna. Hve mikið af þessu
má skrifast á reikning áfengisneyzlunn-
ar, verður ekki sagt, en ofurlitla hug-
mynd gefur það, að talið er víst, að
80% kynsjúkdómanna séu áfengis-
neyzlunni að kenna.
Myndirnar, sem hér fylgja með, sýna
hve mikið norðurlandaþjóðirnar veita
0t til bindindisstarfsemi og, hve mikið þær
drekka. Ibúar Islands eru 0,13 milj. og
ríkið veitir 200,000 kr. til bindindis-
starfsemi. Svo hefur það verið tvö und-
anfarin ár. Finnar eru 3,9 milljónir,
veita 715,000 kr. til bindindisstarfsem-
innar. Norðmenn 3,0 milljónir, veita
255,000 kr. til starfseminnar. Svíar
6,8 milljónir, veita 455,000 kr. til bind-
indisstarfsemi. Danir 4,0 milljónir, veita
85,000 kr. til bindindismála.
Reiknað í 100% áfengi drekka Finnar
1,91 lítra, Islendingar 2 lítra, Norðmenn
2,5, Danir 3,34 og Svíar 3,5. Danir
hæstir, en Finnar lægstir.
Hrósvert er það, að hin fámenna
bindindismannasveit í Danmörku, 55,-
000, leggja sjálfir til bindindisstarfsem-
innar 350,000 krónur á ári.
Slysavaldurinn
mikli.
Hve mikills virði er mannslífið? Þess-
ari spurningu getur auðvitað enginn
svarað. Þegar Edison var drengur, var
næstum búið að gera út af við hann.
Það hefði verið mikill skaði.
Hve miklu vill góður faðir eða góð
móðir fórna til þess að bjarga lífi barns-
ins síns eða einhvers annars ástvinar?
Vafalaust miklu. En getur þá sá, sem
stöku sinnum eða iðulega skemmtir sér
við skál, fórnað þeirri hættulegu
skemmtun fyrir líf og öryggi annarra
manna?
Síðan tekið var að efla slysavarnir
hér á landi, hefur mörgum mannslífum
verið bjargað, og fyrir afrek á því sviði,
hefur þjóðin orðið fræg.
Stærsti slysavaldur heimsins er á-
fengisneyzlan. Ekki beinlínis ofdrykkj-
an, svo hryggileg sem hún er, heldur
miklu fremur hin svo kallaða hóf-
drykkja, sem kemur mönnum til að
halda, að þeir séu algáðir, þótt því sé
fjarri, gerir þá djarfari, en veikir snar-
ræði þeirra og alla hæfileika, sem þarf
til þess að vera öruggur, viðbragðsfljót-
ur og hárviss í hverri hættu.
1 seinni tíð hafa slys, af ölvun áfeng-
is hér á landi, verið svo tíð og margvís-
leg, að öllum mundi blöskra, ef upp
væri talið. Sé leitað til lögreglunnar um
upplýsingar, er fyrsta svarið það, að af
svo miklu sé að taka, að ógerlegt sé
næstum að botna í því.
Menn ganga ölvaðir í sjóinn, hrapa
út af skipum eða bryggjum eða niður
stiga í húsum og bíða bana. Aðrir stytta
sér aldur á annan hátt. Svo koma stór
brunar af völdum ölvaðra manna, mikil
verðmæti fara forgörðum og mannslíf
tapast. Þá er þar mikill fjöldi bílslysa,
ýmist dauðaslys eða limlestingar og
beinbrot, og svo minni slys, sem þó
valda meiðslum, tímatapi og öðru tjóni.
Á heimilum koma fyrir áflog, meiðsli
og skemmdir á húsmunum, svo að ekki
sé nú minnst á aðrar hliðar þess ófagn-
aðar.
Er ekki eitthvað bogið við hugsunar-
hátt þjóðarinnar, ef hún lætur þetta
fremur afskiptalaust en aðra slysahættu.
Og sorglegast af öllu er þó, að ríkissjóð-
ur skuli þurfa að bjargast að miklu leyti
á tekjum af verzlun, sem eflir þessa
geigvænlegu slysahættu og veldur mestu
slysum.
Fyrirmyndar
ráðherrar.
Forsætisráðherra Norðmanna, Gerard-
sen, er ágætur bindindismaður, og mennta-
málaráðherra þeirra, Lars Moen, er í Reglu
Góðtemplara. — Fjármálaráðherra Svía,
David Hall, sem nýlega hefur tekið við því
embætti af öðrum ágætum bindindismanni,
hefur verið templari síðan hann var 14 ára.
— Félagsmálaráðherra Dana, Johan Ström,
er og liðsmaður í hinni skipulögðu sókn
bindindismanna.
Ekki þorir blaðið, að svo stöddu, að gera
upp á milli okkar íslenzku ráðherra. En
óreglumenn eru þeir ekki.
Fjármálaráðherra Svía telur það óum-
deilanlegt, að þjóðin væri miklu betur á
vegi stödd, án allrar áfengissölu, þótt rík-
ið færi á mis við tekjur af áfengissölunni.
Slíkt sjá víst allir menn, sem unna heill og
hamingju þjóða.
♦