Eining - 01.01.1950, Blaðsíða 11

EINING
11
4
1
*
4
►
*
4
Erlendar bindindiS"
fréttir.
Eitt af bannríkjum Bandaríkjanna er
Oklahoma. Blaðið New York Herald
Tribune skýrir frá því 29. sept. s.l., að
nýafstaðin sé tilraun, sem gerð hafi
verið í fimmta sinni á 42 árum til þess
að fá bannlög ríkisins afnumin. En leik-
ar fóru þannig, að með afnámi bannlag-
anna greiddu 264.661, en með bann-
lögunum 313,071, og unnu bannmenn
þannig mjög glæsilegan sigur. Þeir hafa
nú heitið því, að ríkið skuli vera ,,þurrt“,
ekki aðeins lagalega, heldur og raun-
verulega. Formaður andbanninganna í
ríkinu kallaði niðurstöðu atkvæða-
greiðslunnar ,,harmleik“, og auðvitað
reyna liðsmenn hans að mikla leynisölu
og leynibrugg, en það er hin gamla og
útslitna ,,plata“ þeirra, sem vilja hafa
frjálsa áfengisverzlun á kostnað velferð-
ar náungans.
Þegnar bannsvæðanna í Bandaríkjun-
um geta nú séð greinilega, hvort gefst
betur, bann, þótt brotið sé á ýmsan
hátt, eða eyðileggjandi áfengisflóð
hinnar hömlulausu verzlunar.
★
Samkvæmt blaðinu Dagens Nyheter,
hefur sjálfsmorðum fjölgað mjög í Sví-
þjóð. Dr. Hans Forssman, sem gert hef-
ur sjálfsmorðin að sérstöku rannsóknar-
efni, segir, að þar sé áfengisneyzlan
mjög að verki. Hið sama staðhæfir pró-
fessor Alfred Petren, sem er ráðunautur
rögreglunnar í Stokkhólmi. Hann full-
yrðir, að mikið af sjálfsmorðum og
sjálfsmorðstilraunum, séu framin undir
áhrifum áfengis. En rannsóknir dr.
Forssmans benda til, að 42% af sjálfs-
morðum og sjálfsmorðstilraunum, séu
framin í sambandi við ölvun. Margt
kemur auðvitað fleira til greina, þar á
meðal spenningur og þungi vélamenn-
ingar, og skortur á trúarlegum áhrif-
um.
★
Fyrstu tvo mánuði ársins 1949 lækk-
aði áfengisneyzla Norðmanna um 6%,
en svo kom sterka ölið, sem átti að
draga úr drykkjuskapnum, og næstu tvo
mánuðina — marz og apríl, óx áfengs-
neyzlan um 11,3%. Á tæpum fjórum
mánuðum seldust 112,888,000 lítrar
af þessu sterka öli. — Er hægt að læra
nokkuð af þessu?
★
í Noregi er greiður aðgangur að
áfengi. Ríkið selur það óskammtað og
svo eru þar á boðstólum ýmsar ölteg-
undir, sumar allsterkar. Samt sem áður
hafa 242 menn drepið sig þar í landi
á tréspíritus síðastliðin sex ár. Hefði
Noregur verið bannland, mundi hafa
heyrzt einhversstaðar hljóð úr horni
viðvíkjandi þessu.
Norska bindindisblaðið Folket hefur
það eftir dr. Rune Dimberg í Dagens
Nyheter, að Antabus-lyfið sé áfengis-
sjúklingum næstum 100% vörn gegn
áfengissýkinni. Alls hafa 15,000
drykkjumenn í Svíþjóð tekið Antabus
lyfið, og með flesta þeirra hefur læknis-
aðferðin gefizt vel. Sérfræðingurinn
segir, að lyfið sé hið máttugasta, sem
enn þekkist gegn áfengissýkinni.
★
Af 677 byggðum Noregs hafa 534
hvorki öl-, áfengisútsölur né veitingar.
★
Eftir nýár tekur til starfa í Noregi
nýr skóli, sem á að mennta og fræða
fólk til þess að starfa í áfengisvama-
nefndum landsins og að bindindismál-
um og félagsmálum yfirleitt. Háskóla-
maður, Olav Sundet, hefir verið út-
nefndur rektor skólans. Þetta er fyrsti
slíki skólinn í Noregi, en Svíar hafa þeg-
ar þrjá og Finnar tvo slíka skóla.
★
Árið sem leið voru 957 bílstjórar í
Noregi dæmdir fyrir ölvun við akstur.
★
Maður nokkur í Osló er sakaður fyr-
ir að hafa myrt konu sína í ölæði.
★
Alls konar siðleysi er j afnan í för með
áfengisneyzlunni. Ein mlljón manna
gengur með kynsjúkdóma í Ítalíu. Þar
eru 317 lögvernduð pútnahús og stunda
þar um 4000 kvensur slíka atvinnu.
Kvenprófessor og þingmaður telur víst,
að kynsjúkdómasjúklingarnir séu fleiri
í landinu en þessi eina milljón, en nú
flytur hún fmmvarp til laga, er banni
skækjulifnað, og varði slíkt fangelsis-
vist.
★
Ölvaður bílstjóri ók nýlega vörubíl í
Svíþjóð með 45—60 km hraða beint
á stóran fólksflutningabíl, er líka ók
með svipuðum hraða. 21 farþegi slas-
aðist og voru þeir fluttir á sjúkrahús.
Talið er víst, að ein stúlka missi sjón-
ina á öðru auganu. — Slíkar eru frétt-
irnar daglega í erlendum blöðum, sem
segja frá hermdarverkum áfengisneyzl-
unnar.
★
Kona nokkur í Ameríku sendi rit-
stjóra svohljóðandi bréf:
,,Kæri ritstjóri. Mig langar til að
skýra ofurlítið, hvers vegna sú ógæfa
skall á heimili mínu, að sonur minn,
Franklín, var skotinn til dauða, er hann
hafði brotizt inn í kaffistofu síðastliðinn
sunnudag.
Eg ásaka ekki lögregluþjóninn, sem
skaut drenginn minn, en það er stríðið
og áfengið. Drengurinn minn var í hern-
um. Hann fékk malaríu, og er hann
kom heim, tók hann að drekka. Það
hafði hann aldrei gert áður. Hann var
18 ára, er hann fór í stríðið. Þá var
hann reglumaður.
Stundum var sem hann fengi æðis-
köst, eftir að hann kom heim, og svo
drakk hann. Braut svo glugga til þess
að ná í áfengi, og það kostaði hann
lífið“.
★
Samkvæmt nákvæmum rannsóknum
fullyrða sérfræðingar í Svíþjóð, að um-
ferðaslys og árekstrar séu 40% sjald-
gæfari hjá bílstjórum, sem séu bindind-
ismenn.
★
„Sá sjúkdómur er ekki til, er áfengi eigi
við. Það læknar engan sjúkdóm, en kemur
af stað veikindum í þúsundatali, og öll slik
veikindi eru hættuleg, þegar til lengdar
lætur. Áfengisneyzla eyðileggur nýru, lifur
og hjarta og hin smágervu blóðker. Það or-
sakar og liinn slæma og almenna kvillá —
of háan blóðþrýsting.
Allt þetta hafa ótal rannsóknir og til-
raunir sannað. Látið tíu menn, nokkurn
veginn jafnhrausta, ganga upp fjall. Gefið
fimm þeirra áfengi, og þeir munu reynast
verr og verða á eftir á fjallgöngunni. Jafn-
vel vægur drykkur, eins og bjór, mun draga
allt að því 15% úr andlegri og líkamlegri
lireysti þeirra.
— o —
Það er sannað, að jafnvel ein matskeið
af áfengum drykk sljóvgar snarræði og
viðbragðshraða manna. Að gefa bílstjóra
áfengi, er að stofna mannslífum í hættu. —
Áfengisnotkun er eiturnautn, sem verður
að vana“.
Prófessor Iloivard A. Kelly
(frægur skurSlæknir):
Herferð gegn
kynsjúkdómum.
Samkvæmt rannsókn heilbrigðismála-
nefndar Sameinuðu þjóðanna deyja árlega
tvær milljónir manna úr kynsjúkdómum.
Helftin af íbúum Austur-Afríku og 32%
af íbúunum í norðaustur Kína, gengur með
kynsjúkdóma í einhverri mynd. Síðan á
stríðsárunum hefur tala kynsjúkdómasjúkl-
inga tólffaldast í Varsjá og Póllandi.
Sérfræðingar frá sjö þjóðum koma sam-
an í Washington til þess að undirbúa her-
ferð gegn kynsjúkdómum. í slíki herferð
er óhætt að taka áfengið með í reikning-
inn, því að ekkert ræktar kynsjúdómana
eins og áfengisneyzlan.
Greiðsla og gjafir
iil blaðsins.
Runólfur Runólfsson, 100 krónur.
Jakob Kristinsson, fyrrv. fræðslumálastj.,
100 krónur.
Ritstjórn blaðsins færir þessum heiðurs-
mönnum beztu þakkir fyrir velvild til
blaðsins og fjárhagslegan stuðning við það.
Það er hverju málefni ómetanlegur fengur
að njóta velvildar sannra göfugmenna.