Félagsrit Sláturfélags Suðurlands - 01.09.1933, Blaðsíða 8

104 Félagsrit Sláturfélags Suðurlands
á sameiginlegu áliti þeirra allra, sem eg átti tal við og
þeim athugunum, sem eg hefi gert um tollmál og annað
i þessu sambandi.
Sútunarverksmiðja.
Til þess að slíkt fyrirtæki geti þrifist, þurfum við að
geta sútað skinnin svo vel og á jafn fjölbreyttan hátt og
nú er gert erlendis og fyrir 10% lægra verð, þar sem það
er lágmarkstollur víðast hvár á verkuðum sauðskinnum,
ella stöndum við ekki jafnt að vígi í samkepninni á er-
lendum markaði. Eða í öðru lagi að koma liér upp iðnaði,
sem getur unnið úr skinnunum fyrir innlendan markað.
Hvernig eru sauðskinn sútuð, og í hvað eru þau notuð?
Sauðskinn eru sútuð á margvíslegan hátt, t. d. eru þau
klofin í tvent; er þá úr innri lielming skinnsins gert
„vaskaskinn“, en ytri helmingurinn, sem þá er mjög þunt
skinn, er notað í svilaskinn í hatta og húfur. Þau skinn,
sem ekki eru klofin, eru ýmist lituð, máluð eða prentuð
og þannig eftirgerð ýms dýraskinn, svo sem krókódíls o.
fl. Þetta skinn er síðan notað í barnaskó, inniskó, skófóð-
ur, fatnað, húfur, glófa, veski, buddur, töskur og sittlivað
fleira. Þá er og unnið úr skæklunum og því, sem skerst
ulan af skinnnum, feiti til sápugerðar og lím; fæst úr
þessu nálega 30% feiti og 10% lím, en ekki er leggjandi
mikið upp úr þessari tekjugrein, því markaðsverð á af-
göngum þessum er nú nálægt 40 krónurn tonnið.
Er nægur markaður erlendis fyrir görfuð sauðskinn?
Að vísu iiggja sútunarverksmiðjurnar að jafnaði með
allmiklar birgðir, en eigi að síður er mikill markaður fyr-
ir slíka vöru og munar ekki mikið um okkar lillu fram-
leiðslu á heimsmarkaðinum, því þótt öll okkar sauðskinn
væru sútuð, þá er það aðeins um 500,000 stykki á ári, en
í Englandí einu mun vera slátrað um 10 miljónum sauð-
fjár árlega, og af geitaskinnum, sem svipa til sauðskinna,
en eru þó nokkru betri vara, koma um 90 miljón stykki