Leo - 01.12.2005, Blaðsíða 6
6
Klúbbstarfið hjá Hceng
2004-2005
Lionsklúbburinn Hængur starfar eftir alþjóðalög-
um Lionshreyfingarinnar og er einn þriggja Lions-
klúbba á Akureyri. í nágrannasveitarfélögunum
eru starfandi fimm klúbbar. Af þessum átta klúbbum á
svæðinu eru tveir kvennaklúbbar. Lionshreyfingin er
talin vera fjölmennasta hreyfing alþjóðlegra þjónustu-
samtaka í heiminum með um eina og hálfa milljón fé-
lagsmanna í 180 þjóðlöndum. Á íslandi eru Lionsfélag-
ar ríflega 2.400.
Lionsklúbburinn Hængur var stofnaður 6. mars
1973 og hefur allt frá þeim tíma lagt lið ýmsum verk-
efnum, samfélaginu til heilla og til aðstoðar með-
borgurunum. Nú í sumar seldi klúbburinn
„gamla reykhúsið“ að Norðurgötu 2b sem ver-
ið hefur félagsheimili Hængsmanna í tvo
áratugi. í staðinn keypti klúbburinn salinn á
fjórðu hæð Alþýðuhússins að Skipagötu 14.
Salurinn var vígður sem félagsheimili
Hængs nú á haustdögum og hlaut hann nafn-
ið „Áin“ en félagsheimili klúbbsins hefur borið
það nafn frá því að „gamla reykhúsið" var keypt.
Formaður Hængs á síðasta starfsári var Árni V. Frið-
riksson og með honum störfuðu í aðalstjórn klúbbsins
Kristinn Ketilsson, ritari og Tryggvi Tryggvason, gjald-
keri. í klúbbnum eru nú starfandi 32 félagar.
Formaður Hængs á yfirstandandi starfsári er Gunn-
laugur Björnsson og með honum starfa í aðalstjórn
klúbbsins Jón Heiðar Árnason, ritari og Jón Bragi
Gunnarsson, gjaldkeri.
STARFIÐ
Starfsár klúbbsins er frá september til maí og eru fund-
ir að jafnaði haldnir fyrsta og þriðja fimmtudag hvers
mánaðar. Félagsstarfið á liðnu starfsári var með hefð-
bundnu sniði sem hefur mótast á þeim rúmlega þrjátíu
árum sem klúbburinn hefur starfað. Haldnir voru
fimmtán almennir fundir auk nokkurra vinnufunda
vegna norðurlandsmóts í boccía sem klúbbur-
inn sá um framkvæmd á fyrir íþróttafélagið
Eik, Jólablaðsins Leós og Hængsmótsins.
Haldin voru þrjú konukvöld á liðnum
vetri, það er jólafundurinn, þorrafundurinn
og fundur síðasta vetrardag. Á fundi 2. des.
fræddi Dr. Sigríður Halldórsdóttir okkur um
ónæmiskerfið. A jólafundinum flutti séra Pétur
Þórarinsson prófastur í Laufási okkur jólahug-
vekju. Á Þorrafundi fræddi Þórarinn Hjartarson frá
Tjörn okkur um ferskeytluna og síðasta vetrardag hélt
Bjarni Guðleifsson náttúrufræðingur okkur fyrirlestur
um ástarlíf ánamaðka.
f lok júní var farin mjög eftirminnileg ferð í Drangey
á Skagafirði með Drangeyjarjarlinum. Gist var um
kvöldið í tjöldum á Reykjaströnd, grillað og farið í
Grettislaug. Þrátt fyrir óhagstætt veður var ferðin mjög
minnistæð eins og áður sagði.
VERKEFNI
Keppt í lyftingum á Hængsmóti sl. vor.
Blað þetta, Leó, sem þú lesandi góður hefur nú í hönd-
unum er aðal fjáröflunarverkefni okkar í Lionsklúbbn-
um Hæng. Blaðið er unnið í sjálfboðavinnu að eins
Árni V. Friðriksson var gerður að Melvin Jones-félaga sl. vor fyrir frábært
starf í Lki. Hæng.