Eining - 01.02.1957, Blaðsíða 7
EINING
7
Alþjóðabindiiidisþingið
í Istan bnl
Frósögn stórtemplars, Brynleifs Tobiassonar
(Frh.).
Þar skal nú til máls taka, er fyrr var
frá horfið, að skýra nokkru gerr frá hinu
merkilega þingi.
Eitt af því, sem gerðist þar, var stofn-
un Alþjóðasambands bindindisfélaga
ökumanna, og áttu Svíar frumkvæðið.
Bindindisfélag ökumanna í Svíþjóð og
önnur slík félög á Norðurlöndum í sam-
vinnu við Góðtemplararegluna stofnuðu
til fundar í Hótel Hilton (en það er
glæsilegasta hótel í Miklagarði). Há-
templar Ruben Wagnsson setti fundinn
og stjórnaði honum og Sven Elmgren’
ritstjóri í Stokkhólmi, var ritari. Fram-
kvæmdastjóri hins geysi fjölmenna
Bindindissambands ökumanna í Svíþjóð,
Rune Andréasson í Stokkhólmi, var
málshefjandi og ræddi um hættu þá, er
stafar af áfengisneyzlu í umferðinni.
Skýrði hann frá starfsemi sænska félags-
ins meðal ökumanna og skoraði á fund-
armenn að stofna til slíks félagsskapar
í löndum þeirra. Var máli ræðumanns
tekið hið bezta og samþykkt í einu hljóði
að stofna til alþjóðasambands þessara
félaga. I Stóra Bretlandi og Þýzkalandi
eru einnig starfandi bindindisfélög öku-
manna, en þau eru enn sem komið er
ekki svo fjölmenn sem æskilegt væri.
I sænska félaginu eru nú 90 þúsundir
bindindis-bílstjóra. Hið nýja samband
heitir á ensku International Abstaining
Motorist’s Union. Var þegar heitið þátt-
töku í Sambandinu frá félögum í 15
löndum, þ. á. m. frá íslandi. Wagnsson
var kjörinn forseti og Andréasson fram-
kvæmdarstjóri. — Þess skal getið, að
merkileg erindi voru flutt á þinginu um
þessi mál. Voru ræðumenn Andréasson
og Ingvar Lindell, ráðherra (báðir Sví-
ar). Fjallaði erindi Lindells um umferð-
arlöggjöfina. Benti hann á ýmsar
rannsóknir á þessu sviði, þ. á. m. þær,
sem kenndar eru við Bandaríkjamann-
inn Holcomb og Kanadamanninn Smith.
Samkvæmt rannsóknum Holcombs er
slysahættan hjá þeim ökumanni, sem
hefir 1,5%0 alkóhól í blóðinu, 54 sinn-
um meiri en hjá bindindismanninum
við stýrið. Með órækum sönnunum
sýndi Lindell fram á, hve gildan þátt
áfengisneyzla ökumanna á í slysum á
vegum úti og að hina mestu nauðsyn
bæri til að herða viðurlög fyrir áfengis-
neyzlu í umferðiimi. — Eins og kunnugt
er, hefur þetta mál verið til umræðu á
fundum norræna ráðsins, þar sem tvær
stefnur hafa verið ráðandi. Önnur sú að
telja ökumann sekan og óhæfan til akst-
urs, ef hann hefur ákveðið áfengisinni-
hald í blóðinu (Norðmenn og Svíar),
en hin sú, að taka fleira til greina en
áfengismagnið í blóðinu (Danir, íslend-
ingar), en láta það eitt ekki ráða dómi.
Það kemur mönnum saman um, að
áfengisneyzla og vélvæðing nútímans
eiga ekki samleið. Hyggja margir, að véÞ
væðingin muni greiða bindindishreyf-
ingunni braut vegna ótvíræðrar nauð-
syniar.
Einn dag þingsins fluttu fimm Svíar
erindi, og hafði þá Svíi einnig forsæti
Ruben Wagnsson.
(Wagnsson), en ræðumenn voru þeir
Lindell, Goldberg prófessor, Gunnar
Nelker forstjóri, Rune Andréasson
framkvamdastjóri og Daniel Wiklund.
Goldberg prófessor flutti stórmerkilegt
erindi um rannsóknir sínar á áhrifum
áfengis, en hann er nú prófessor við
háskólann í Stokkhólmi í þeim fræðum,
og hefur hann aflað sér heimsfrægðar á
þessum vettvangi.
A þinginu var ákveðið, að tilhlutun
International Temperance Union, að
skipa ráð manna til þess að fylgjast sem
bezt með öllu því, sem miðar að lækn-
ingu ofdrykkiumanna, og fá það kynnt
sem víðast. Frumkvæðið um ráð þetta
kom frá Noregi, en formaður þess er
Daniel Wiklund, formaður sænska
landssambandsins (bindindismanna),
og liggur í hlutarins eðli, að þungi starfs
á þessu sviði muni hvíla á alþjóðaskrif-
stofunni í Lausanne, en hún var stofnuð
árið 1907. Var hún stofnuð eftir sam-
þykkt í Stokkhólmi. Þetta er ein af
ástæðunum fyrir því, að næsta alþjóða-
bindindisþing verður haldið í Stokkhólmi
(1960).
Enn er þess að geta, að sett var nefnd
til að undirbúa skipun ráðs meðal kirkju-
félaga í heiminum til bindindisstarfsemi.
— í fimm manna framkvæmdastjóm
International Temperance Union (I. D.
U.) — alþjóðasamtaka bindindis-
manna, er m. a. gangast fyrir alþjóða-
þingunum — var kosinn Peter Spáni,
ábóti í Freiburg, framkvæmdarstjóri
alþjóðlega kaþólska sambandsins, í stað
kaþólska prestsins, J. Hermann, í
Luzern í Sviss' sem lét af starfi vegna
heilsubrests. Einnig voru nokkrir full-
trúar kosnir til næstu fjögura ára í full-
trúaráð I. D. U., þar á meðal sá, er þess-
ar línur ritar. — (Þar sem minnst er á
erindi á þinginu í des.-blaði Einingar,
eru þau talin 50, en á að vera 60. Þetta
leiðréttist hér með).
Alls mættu 300 fulltrúar frá 40 lönd-
um á þinginu. Stjórnarfulltrúar 17 ríkja.
Bar þetta þing því alþjóðanafnið með
meira rétti en öll hin 24, er haldin voru
á undan því. Þetta er hið fyrsta, sem
haldið var í landi Muhammeðstrúar-
manna. Sóttu þangað menn víðar að úr
heiminum en nokkru sinni fyrr. Það er
„Græni hálfmáninn“, sem ber uppi
bindindishreyfinguna í Tyrklandi. Sá
félagsskapur hefur samlagast góðtempl-
arareglunni, en hann er runninn upp af
trúarbrögðum Tyrkja, Islam. Trúarsam-
félag Muhammeðsmanna leiddi saman
fulltrúa Austurlanda og Afríkumanna í
Istanbul þessa haustdaga. Fyrsta sinni
fyrir hittu Evrópumenn og Ameríkanar
fulltrúa bindindishreyfingar Muham-
meðsmanna.
Þetta þing leiddi í Ijós, að æ fleiri
stjómarvöld í heiminum veita bindindis-
málinu vaxandi athygli og almennings-
álitið vaknar til meðvitundar um það
hér og þar. „Síðastliðin fjögur ár hefur
margt gerst til eflingar bindindishreyf-
ingunni í heiminum,“ sagði forseti
heimssambandsins' Voionmaa ráðherra,
við setningu þingsins. Minnst var á
ráðstafanir til þess að koma í veg fyrir
drykkjuskap, bæði með löggjöf og
fræðslu. I því sambandi var m. a. talað
um Frakkland, Indland, Saudi-Arabiu,
Suður-Afríku og Nýja Sjáland. Skýrt
var frá merkilegu þingi í Afríku — ein-
ungis meðal Afríkumanna um bindind-
indismál. Vísindalegar rannsóknir hafa
farið fram víðar en áður og niðurstöð-
ur þeirra birtar. Fjölmenn námskeið
»