Ljósmæðrablaðið - 01.11.1943, Síða 12

70
L J ÓSMÆÐR ABLAÐIÐ
Ljósmæðrafélagi íslands hefir alltaf verið mjög annt
um að bæta menntun ljósmæðra og ávallt verið frum-
kvöðull að lenging kennslu Ijósmæðraskólans og aukinni
fræðslu Ijósmæðra á margan hátt.
Ljósmœðraskólinn.
Þann 30. sept. s. 1. var sagt upp Ijósmæðraskólanum.
Sjö nýjar ljósmæður útskrifuðust, og fóru í umdæmi eða
tóku starf sem hér segir:
Brynhildur Eyjólfsdóttir, Stafholtstungnaumdæmi.
Guðrún Jóna Dagbjartsdóttir, Kópaskersumdæmi.
Halldóra Guðrún Björnsdóttir, vinnur á vöggustofu í
Reykjavík.
Steinunn Finnbogadóttir, vinnur á vöggustofu í Rvík.
Valborg Guðmundsdóttir, Beruneshreppsumdæmi.
Þórhalla Gísladóttir, ráðin á fæðingadeild Landspítalans.
Þórunn Hanna Björnsdóttir í Blönduóshéraði.
Sú nýbreytni varð á þessu hausti, að hinar nýju ljós-
mæður tóku þátt í „rauðakross námskeiði“ sem haldið var
í októbermánuði. Fór kennslan fram í Landspítalanum,
kl. 8—10 að kvöldi. Námsgreinar og fyrirlestrar voru
þessir: Heilbrigðisfræði og lost (Sig. Sig. berklayfirlækn-
ir) ; Slysfarir, sár og beinbrot (Bjarni Jónsson læknir) ;
Hjúkrun, Umbúðatækni og flutningar (Laufey Halldórs-
dóttir hjúkrunarkona; Um eitranir (Jóhann Sæmundsscn
læknir) ; Blæðingar og lífgun (Jón Oddgeir Jónsson).
Að námskeiðinu loknu voru tekin próf. Sýnd var kvik-
mynd af ýmiskonar hjálp í viðlögum.
Óskar Ljósmæðrablaðið hinum ungu ljósmæðrum allra
heilla og blessunar i framtíðinni.