Ljósmæðrablaðið - 01.03.1949, Page 12

22
LJÓSMÆÐRABLAÐIÐ
svari til tölu allra þeirra barna, sem dóu innan eins mánað-
ar frá fæðingu á þessu tímabili, því að alls dóu þá 552 börn
á 1. ári (skv. Hbrsk.), en nýfæddra dauðinn (dánartala 1.
mán) hefur verið um 40—45% ungbarnadauðans. I ljós-
mæðrabókunum segir að vísu að í dálkinn „Börn dóu“ skuli
skrá dánardægur ef barnið deyr áður en yfirsetukonan skil-
ur við konuna eftir fæðinguna“, en sýnilega eru þarna oft
talin börn, sem deyja þó að mánuður eða meira sé liðið
frá fæðingu, og er varla von að höf. hafi varað sig á þessu,
þar eð hann hefur ekki haft önnur gögn við hendina en
heilbrigðisskýrslurnar. Þessi skráning gefur því engar upp-
lýsingar um það, hve mörg börn deyja af völdum fæðingar
og mætti gjarnan leggjast niður.
Samkvæmt töflum XIII telst mér svo til, að 14 konur hafi
dáið af barnsförum í Reykjavík (líklega allar á fæðingard.)
á árunum 1940—44 og er það um 2,5 miðað við 1000 fæð.
eftir sömu töflum, en í hinum kaupst. eru 2 konur taldar
dánar á sama tíma eða 0,85°/oo og er munurinn um það
bil 3 faldur. En annars er, eins og áður var sagt, ekkert
á þessum samanburði að græða, því að ekki þurfa margar
konur, sem dóu í Rv., að hafa verið úr öðru héraði, til
þess að jafna metin.
Skortur á Ijósmæðrum. Skv. Hbrsk. 1944 telur höf.
fjölda ljósmæðra í Reykjavík 16 og fæðingar 1355 (skv.
töflu XIII 1348) og komi því 85 fæðingar á hverja ljós-
móður, en það telur hann allt of mikið, því að 60 ættu
að nægja, ef öllum ætti að gera góð skil. Hér er þó þess að
gæta, að talsverður hluti fæðinganna eða nálægt 600
munu hafa farið fram á Fæðingardeildinni, en þar munu
starfa 2 af þessum 16 ljósmæðrum. Skal ég ekki leggja
dóm á það, hvort of mikið sé lagt á ljósmæður Fæðingar-
deildarinnar (þar munu þó fleiri til aðstoðar), en á hinar
14 ljósmæður héraðsins koma þá varla nema rúml. 50
fæð. á hverja og ætti það ekki að vera þeim ofviða.