Almanak Hins íslenska þjóðvinafélags - 01.01.1893, Side 88

oss mann líklegrí til frægðar en hann, því hans verður minnzt í
sögu lands hans vegna byltingarinnar, í sögu kristninnar vegna
þess liann tók rétta trú og röksemdaleiðsla hans mun verða
notuð í trúardeilum eptirleiðis«.
Um ríkisskuldir: Yíirlit yfir ástand Stórbretalands og
samband nýlendunnar Van Diemens Land við það, Hobart, 134 bls.
Bók þessi er greinir, sem Jorgenson ritaði í blaðið Colonial Times,
prentaðar í bókarformi. Segir hann að öll vesæld og eymd á Eng-
landi stafi frá ríkisskuldunum. Hann hafi ferðast i 35 ár um
heiminn og ekki fundið neitt land, sem maður geti lifað eins
sæll í og Van Diemens Land, ef Bretastjórn vildi leyfa íbúum
þess að stjórna sér sjálfum.
Fimm stór bindi af handritum eptir Jorgenson eru í Egerton
handritasafninu í British Museum. Pyrsta handritið er 517 blað-
síður, heitir sÆfintýri Thomas Walters« og er tileinkað
Sir William Hooker hinum eina manni, sem þorði að kalla mig
"kæri vin««. Bókin er rituð í Tothill Fields fangelsi; hún er
sumpart æfi hans sjálfs, sumpart skrök. Danmörk heitir Odinia,
England Capricornia osvfrv. í bókinni hefur hann dregið upp 5
myndir, sem eru í Hogans bók.
»Konungsríkið Shandaría og æfintýri Detri-
medes konungs*, 433bls., er líka tileinkuð Sir William Hooker.
Jorgenson lýsir í þessari bók landi, sem er alsælt. |>ar eru engin
fangelsi(!), engin fátækt og þetta fram eptir götunum.
Sagan af byltingunni á íslandi, 1809, er 381 bls.
og er tileinkuð, í óleyfi, Marquis Wellesley, utanríkisréðgjafa (þ.
e. Wellington). Segir hann ekki öðruvísi frá en í æfisögu sinni
í Van Diemens Land Annual, en þó með meiri ákafa og ofsa.
Til dæmis: »Ef nokkrir íslendingar vilja ákæra mig, þá komi
þeir fram hreinskilnislega. Látið mig horfa í augu ákærendum
mínum, þá er mér nóg. En þeir þora það ekki, því þeir vita
sannleikann. I guðs nafni, hvar er sá íslendingur, sem hefur rétt-
láta kæru gegn mér? Var nokkur sviptur eigum eða frelsi?
Eggjar saklaust blóð til hefnda á, mér? Ef jeg hef með réttu
eða röngu úthellt mannsblóði á íslandi, þá afhöfðið þér mig!
Ef jeg hef féflétt nokkurn mann í sjálfs mín hag, þá höggvið þið
af mér hægri hendina! Ef jeg hei' sett nokkurn mann í varð-
hald, af því hann hafði aðrar skoðanir en jeg, þá setjið mig í
hryllilegt æfilangt fangelsi! En ef jeg er sýkn alls þessa, þá
gefið mér það frelsi, sem jeg tel mest í varið af öllu jarðnesku.
Bretastjórn hefur bæði vald til að refsa og líkna, og ef nokkur
maður á skilið gott af henni, þá á jeg það, því jeg lagði allt í
sölurnar heldur en að bera vopn gegn Englendingum«.
Tvö leikrit eptir Jorgenson eru geymd í British Museum,
»hertoginn af Enghien«, sorgarleikur um Bourbona þann,
er stofnaði samsæri gegn Napóleon, sem lét skjóta hann, og
»Robertus Montanus eða Oxford stúdentinn«; er það
leikrit algjörlega stolið úr leikriti Holbergs »Erasmus Montanus«.
Fimmta bindið af handritum eptir hann eru bréf frá honum
til merkra manna. Flest þeirra eru rituð í fangelsinu. Breytist
(:o)