Freyr - 01.10.1948, Blaðsíða 21

FREYR
319
En heyskaparveðráttan var talin hag-
stæð, svo að segja um allt land, allt til loka
ágústmánaðar. Sunnanlands var grasvöxt-
ur betri en annars staðar og þar var hey-
skaparveðráttan svo góð, að með ein-
dæmum þótti. Skipti þar mjög í annað
horn en sumarið 1947, nú eitthvert hið
bezta sumar til heyskapar er menn minn-
ast, í fyrra hið lakasta „er komið hafði
í 98 ár,“ sögðu fróðir menn og fjölkunnir.
Var heyvinnu að mestu lokið sunnan-
lands í ágústlok. Öðru máli var að gegna
á landinu norðan- og einkum þó norð-
austan. Sökum þess hve seint spratt, og
af því að bændur eru liðfáir mjög víðast
um sveitir, var mikið úti af heyjum í
byrjun september og sumir hugðust slá
eitthvað í viðbót. En eftir höfuðdag
urðu veður válynd á þessum slóðum og það
svo að um munaði. Þornaði ekki svo að
nokkurt strá næðist með þolanlegri verk-
un eftir það á Norðausturlandi, og þegar
snjóa tók um göngur, var víða mikið úti
af heyjum. Sumt af þeim var flutt sam-
an síðar með engri verkun, en annað varð
undir snjó, sem ekki tók, eða vatnsviðri
haustsins skoluðu úr því öll verðmæti,
svo að ekki þótti ómaksins vert að hirða
hismið. Hversu mikið varð úti um Eyjafjörð
og Þingeyjarsýslur, er ekki vitað, en sam-
tals var það verulegt magn og talið er að
fóður sé víða ónóg á þessum slóðum.
Sunnanlands horfa bændur með meira
öryggi fram á veturinn en oft fyrr, því að
nú mun nóg og gott að gefa skepnum.
★
Uppskera af öðrum jarðargróðri er talin
fram yfir vonir á kuldasvæðinu og sunn-
anlands góð. Ekki er vitað um magn kar-
taflna, sem fengust á þessu hausti, því að
talning og skýrslugerð þarf að fara fram
áður en það verði upplýst. En rófnaupp-
skera fer minnkandi frá ári til árs, þar
eð útbreiðslusvæði kálflugunnar verður
stærra með hverju ári. Nú er hún um allt
Suðurland að Fúlalæk, Borgarfjörð, Húna-
vatnssýslu og Norðurland, allt austur í
Mývatnssveit.
Telja bændur sér ekki fært að segja
henni stríð á hendur, sökum skorts á liðs-
afla, og svo hafa menn almennt vantrú á
lyfjum þeim, sem jurtadoktorarnir mæla
með í baráttunni við þennan erkióvin
allra jurta af krossblómaættinni. — Og þó,
— ekki tekst henni að eyðileggja illgresi,
sem tilheyrir þeirri ætt, máske af því að
arfinn hefir ekki nógu næringarríkar ræt-
ur til fæðu fyrir lirfu flugunnar.
★
Uppskera korns er áætluð í meðallagi
á Sámsstöðum, bæði af byggi og höfrum:
Færeyska byggið „Höjvigs sigurkorn“ virð-
ist sýna þá yfirburði, sem áður hafa komið
í ljós og er ástæða til að tengja hinar
beztu vonir við ræktun þess hér í fram-
tíðinni. Fjórar tegundir af grasfræi voru
ræktaðar á Sámsstöðum í sumar, en um
uppskerumagn verður ekkert fullyrt fyrr
en þreskt hefir verið og hreinsað.
3rænfóðurræktun er allt of sjaldgæf,
en uppskera grænfóðurs, einkum hafra,
eða hafra og belgjurta, var góð hjá þeim
fáu, sem hennar nutu.
★
Fjöldamargir bændur hafa nú öðlast
súgþurrkunarútbúnað, sem komið hefir
að góðu gagni á þurrviðrasvæðunum. Svo
er sagt, að nú hafi einn bóndi af hverj-
um 9 útbúnað þennan í hlöðum sínum.
í ágúst og september voru settir upp
4 votheysturnar úr timbri, hinir fyrstu af
þessu tagi hér á landi. Var efni í þá flutt
hingað frá Svíþjóð.