Símablaðið - 01.01.1949, Side 54

22
SlMABLAÐlÐ
mennt. Lengst af var vinnuaðstoð mjög af
skornum skammti — þar sem víða annars
staðar á hliðstæðum símastöðvum, og kom
því oft langur vinnudagur í hlut hans. En
hann var þrekmikill og vinnuglaður. Hin
óvenju létta skapgerð, er hann hafði fengið
i vöggugjöf, og sem hann ávaxtaði svo vel,
varð ekki aðeins honum, heldur öllrnn sem
hann umgekst, andlegur aflgjafi, og jók af-
köst og atorku allra. Aðalstörf hans kröfð-
ust fjölhæfni og kom sér vel eðlisborin
starfshæfni hans. Reyndi t. d. mikið á verk-
lægni hans og kunnáttu í viðgerðum fyrir
símann, bæði á símatækjum og þó þurfti
mest á því að halda í línuviðgerðum út um
hið víðlenda hérað. Síðustu för sína, til
línuviðgerðar, fór Þorkell með þeim afleið-
ingum, að hann datt aftur á bak. Hann
komst þó heim, en sté vart í fætur eftir
það. Tveim dögum síðar veiktist hann
snögglega og var þá fluttur til Reykjavíkur,
til skurðaðgerðar og var talið afleiðingar
þessa meiðslis. Enda þótt vonir stæðu til,
að hann næði heilsu aftur, — gekk batinn
þó hægara en búist var við. Heim kom hann
aftur, eftir mánaðar-fjarveru, en var mjög
miður sín. Seint í nóvembermánuði veiktist
hann aftur og var þá, í annað sinn, fluttur
til Reykjavíkur, til nýrrar skurðaðgerðar.
Virtist hún takast vel, en nú var þrótturinn
þrotinn og hann dó að þrem sólarhringum
liðnum. — Ævisaga Þorkels verður ekki
rakin hér. Hins vegar vil ég leyfa íiugan-
um að reika litla stund um minningar ,-lið-
ins tíma.
Fyrsta myndin, sem bregður fyrir, er þeg-
ar ég kom fyrst inn í starfsherbergi hans.
þar sem hann, — jafnframt því að skipta
sér í milli gestsins og viðskiptafólksins.
beitti hröðum höndum og markvissum huga
að afgreiðslu póstsins. Og enda þótt ann-
ríkið væri mikið, var yfirbragðið fjörlegt
og framkoman í senn — vingjarnleg, glað-
leg og hressileg. Þannig kom hann mér þá
fyrir sjónir og þótt skyndimynd væri þá,
reyndist hún síðar ætíð eins. Þessi per-
sónuleiki varð til þess, að draga fólk að
Þorkeli og skapa honum þær vinsældir, er
hann naut, ásamt óvenjulegri hjálpfýsi og
greiðvikni til allra er hann umgekkst.
Hugþekkust verður mér jafnan sú sam-
vinna, sem ég og við starfsfélagar hans átt-
um með honum í félagsmálum okkar. Þor-
kell var einn af stofnendum félagssamtaka
okkar símstöðvarstjóranna, og var lengst af
í stjórn þeirra. Honum var vel ljóst hvar
skórinn kreppti að,‘ af eigin reynslu. Hann
var í senn áhugasamur, harðfylginn, en
óvenju samvinnuþýður. Skapgerð hans var
þannig, að hann var ætíð heill og óskiptur.
Á átakastundum gat hann orðið harður í
sókn, en alltaf drenglyndur. Og svo sterkt
var félagslund hans mótuð, að þótt fyrir
kæmi, að honum fyndist meirihlutaákvörðun
gagnstæð sinni skoðun og gæti ekki gengið
inn á hana, þá breytti það þó aldrei, né
dróg úr félagshvggju hans og samvinnu-
þýðleika. Vegna hinnar skemmtilegu fyndni.
jöfnu glaðværðar og miklu lífsgleði, var
gott að vera með Þorkeli og eiga sam-
starf með honum. Þar sem Þorkell var,
urðu allir glaðir. Þetta var það, ásamt góð-
um hæfileikum, sem gerði það að verkum,
að hann var eftirsóttur til hverskonar fé-
lagsskapar og trúnaðarstarfa, bæði fyrir bæ
sinn og byggðarlag. Hins vegar hliðraði
hann sér hjá dægurþrasi og leitaði ekki eftir
að komast i stjórnir eða störf opinberra
mála, þar þurftu aðrir að sækja á. En þótt
tíminn þyrfti að skiptast í milli marghátt-
HÚSGAGBí AVUVNUSTOF A
Klapparstíg 28. Sími 1956. Reykjavík.
Selur alls konar nýtízku húsgögn. Munið vel eftir
því, að hvergi fáið þið eins vel bólstruð húsgögn.
Eingöngu notað fyrsta flokks vinna og efni.
Hjáltnat þwAteihAMH & Cc.