Freyr - 15.05.1963, Qupperneq 10

198
FRE YR
Við notkun færibanda gæti fjósið minnkað
nokkuð.
Færibandið getur gengið alla leið inn í
hlöðu. Ef fjós og hlaða eru tengd með mjó-
um gangi, getur voheysturn eða tveir vot-
heysturnar staðið sitt hvorum megin gangs.
Hægt er einnig að hafa forherbergi milli
hlöðu og fjóss og yrði þar athafnapláss fyrir
heyhleðslu á bandið. Þangað mætti blása
þurrheyi úr hlöðu og þaðan gæti verið auð-
veldur aðgangur að votheysgeymslum og
kraftfóðri.
Færibandið getur fært allt fóður til grip-
anna, þar með talið kraftfóðurtrog, ef
hentara þykir að gefa kraftfóður við bás en
í mjaltafjósi. Það skilar aftur moði og salla
með því að láta það ganga til baka.
Af því sem hér hefur verið sagt má sjá,
að vel má tæknibúa fjósbyggingar á ýmsa
vegu.
Mjaltafjósin eru enn sem komið er full-
komnasta fyrirkomulagið við mjaltirnar.
Með sérstöku mjaltafjósi fæst fullkomin
hreinlætisaðstaða og vinnuskilyrði öll létt-
ast. Sérstök mjaltafjós má nota jöfnum
höndum við básafjós og lausgöngufjós. Hér
verður ekki farið nánar út í þau atriði, en
nauðsynlegt er að bændur athugi þau mál
vel, þegar um er að ræða byggingar stórra
fjósa.
Hér hefur ekki verið rætt um fjárhús.
Hvað þau áhrærir virðist svo að við höfum
ekkert að sækja út fyrir landsteinana.
Raunar erum við því nær eina þjóðin sem
byggir fjárhús, sem því nafni geta nefnzt,
þótt að vísu bæði Norðmenn og Bretar hafi
leitað ráða hjá okkur í þeim efnum. Auð-
sætt er, að setja má færibönd í fjárhús-
garða á sama hátt og gripajötur. Hægt er
að hugsa sér fjárhúsasamstæður sem gríð-
ar mikla krossbyggingu. Er þá heyhlaðan
ein álman, en hinar þrjár tveggja garða
fjárhús. Þar sem álmurnar mætast í miðju
yrði eins konar athafnapláss og þangað
blásið heyi úr hlöðu, en inn í þetta athafna-
pláss ganga færiböndin, sex alls, tvö úr
hverju fjárhúsi. Þar er svo heyinu mokað á
böndin. Ef hver garði væri 25 metrar á
lengd, kæmust 140 fjár á garða og fjárhúsin
öll myndu þá rúma tæplega 850 fjár. Ýmsir
munu hafa eitt og annað að athuga við
þetta skipulag og þykja krær verða nokkuð
langar með þessu móti svo eitthvað sé
nefnt. Tveggja garða hús eru á ýmsan hátt
óheppilegri en hús með þremur görðum, sem
þó myndu ekki henta hér. Þannig tapast
eitt, þótt annað vinnist, en kostnaður vex.
Sennilegast er að fjárhús þoli ekki mikinn
vélbúnað einmitt frá þvi sjónarmiði og
margir fjármenn telja gj afarstörfin ekk;
það vinnufrek að ástæða sé að kosta þar
miklu til. Þó myndu færibönd létta mjög
votheysgjöf í fjárhúsum og stuðla að auk-
inni votheysnotkun, sem vafalaust á mik-
inn rétt á sér.
Ýmsir hafa látið sér detta í hug sjálf-
fóðrun sauðfjár á miklum beitarjörðum.
Þyrfti þá lítið um féð að hugsa. Fjárhúsin