Freyr - 01.01.1964, Side 12

6
FRE YR
GUNNAR GUÐBJARTSSON:
VANDIÐ
BÚNAÐARFRAMTÖLIN
Gunnar Guðbjartsson
Við umræður um verðlagsmálin í sex-
mannanefnd hefur komið i ljós, að gögn
þau, sem notuð eru til að reyna að finna
framleiðslukostnað búvaranna, eru mjög
ótraust. Ekki er hægt að fá áreiðanlega
vitneskju um fjölda bændanna í landinu,
hvað þá heldur áreiðanlegar tölur um
meðalnotkun þeirra á helztu rekstrarvör-
um svo sem fóðurbæti og áburði. Það, sem
helzt hefur verið notað í þessu skyni eru
búnaöarskýrslur — unnar úr búnaðarfram-
talsskýrslum skattayfirvaldanna. Þessar
skýrslur eru í ýmsu ófullkomnar, auk þess
sem þær eru oftast tveggja ára, þegar búið
er að gera þær upp.
Inn á búnaðarskýrslur kemur stór hópur
manna, er hafa landbúnaðinn sem hjáverk,
en hafa aðra aðalatvinnu, þar til má nefna:
kennara, presta, vegaverkstjóra, bifreiða-
stjóra, sjómenn, verkamenn o. fl., ef þeir
hafa jarðir til ábúðar. Þetta, með öðru
fleira, gerir búnaðarskýrslurnar óábyggi-
lega heimild til að fá meðaltalskostnað
raunverulegra bænda við búvöruframleiðsl-
una.
Af þessum sökum er flestum, sem um
þessi mál hugsa af reynslu og þekkingu,
orðið ljóst, að eina lausnin á þeim vanda að
fá sönnun fyrir raunverulegum framleiðslu-
kostnaði búvaranna, er að fá nógu marga
rekstursreikninga frá bændum, sem sýni
allan kostnaðinn. Að því er nú unnið að efla
Búreikningastofu ríkisins, sem starfar á
vegum Búnaðarfél. íslands, til að takast á
hendur leiðbeiningar um færzlu og uppgjör
slíkra reikninga. Þetta verk verður hafið
við áramót. Verkið er mikið og vandasamt
og kostar mikið, en verður að vinnast vel.
Nú verður leitað til margra bænda um að
halda reikningana. Ég skora á alla bænd-
ur, sem fá slík tilmæli, að bregðast vel við
og taka að sér reikningshaldið. Með því
vinna þeir stétt sinni stórt gagn og verða
þátttakendur í því mikla starfi að bæta
fjárhagsaðstöðu landbúnaðarins til fram-
búðar og fá fram réttlæti í verðlagsmál-
um bændastéttarinnar. Enginn má skor-
ast úr þeim leik, á því getur heill sveitanna
oltið.
En þessir reikningar verða ekki tilbúnir
fyrir næstu verðlagningu. Til þess að fá
nýjar upplýsingar í því skyni, hefur nú
verið ákveðið að óska eftir, að afrit bún-
aðarskýrslunnar frá tíunda hverjum bónda
í landinu verði sent Hagstofunni strax,
þegar hún hefur verið gerð. Jafnframt þessu
verður óskað eftir svörum frá sömu mönn-
um við fyrirspurnum um mörg önnur at-
riði varðandi búskapinn. Þær fyrirspurnir
verða sendar á sérstöku eyðublaði.